我矇仔由細開始已經唔係咁鐘意食草(糧早晚一餐),一日只係食半個草架既草,有時我放工返黎個草架d草好似無少過咁。已經試過幾個牌子既草,O記同KT都試過,試到M記就情況好D,肯食返多少少草。但係佢淨係鐘意食2ND CUT既枝,即係個D一邊枝頭硬,一邊散開變葉個種,可能20條先有一條咁靚個種。搞到成包草有6分之5包係丟落垃圾筒既:050:最重要係佢都揀唔到好多黎食。不過有樣野好搞笑,佢晚晚見親我執籠擺D草落垃圾袋個陣,就會衝埋去垃圾袋到食,真係奇怪既兔兔-0-
繼續講下佢既問題,因為佢只鐘意食枝,於是前幾日我買左1ST CUT,結果佢真係食多左,不過1ST CUT同2ND既枝又唔同,會比較硬同粗,咬幾下就好易斷,搞到佢有時無咩心機食。
Anyway,佢依家屎屎都算多&大粒,暫時都無咩問題。不過我見1st d枝都幾硬同尖下,我勁驚會督親矇仔隻眼,有時d枝仲打直插係籠到(因為我用有底盤既籠),好易插親佢肚仔。搞到我成日都好擔心,唔知有咩方法解決?定係佢自己會避開?
同埋食完呢包2nd想試下APD,請問APD係枝多定葉多?同埋D質地大概係點? |
|