有冇人知道兔兔有白內障可以點? 証實左丁丁有呀~~ ><

今日發現丁丁左眼有D白色~~~
因為之前有睇過兔友良朋既其中一個故事, 所以懷疑~~
之後就影相, 左右眼都影, 果然係左眼白左~~~
好心痛~~~
而家聽日會一早去睇醫生~
但我唔知點好~~~
呢排丁丁好乖~~~ 只要我係屋企都會痴住我~
而且仲帶個隻公仔去散步, 仲分左間草屋比隻公仔...
日日散完步都放返佢返草屋~~ 仲想遲D放D相上黎...
點知今日發現左佢眼有事~ 心情直落谷底~
丁丁左眼應該仲睇到野吧, 因為佢有用左眼望住我....
真係好心痛... T-T

16/10

睇左醫生啦... 亦都証實左係白內障.... 唉~~#^56^#
左右眼都有, 右眼有一點~ 可能遲D都會變到好似左眼咁~~
不過都好, 醫生都話而家係冇問題, 只係睇野有D矒,
佢係睇到野同好健康~
醫生都話可以去專科睇下, 手術費大約要紐幣$1000一隻眼~
但係要去傾一傾先知... 真係好貴...
丁丁3歲幾4歲, 我睇資料又話年紀大全身麻醉唔好~
真係好擔心~~~ 睇住佢細細隻, 要受咁既苦~
我做阿媽真係好冇用~
好彩唔嚴重, 如果唔係真係唔知點好~#^81^#
而家只可以留意住, 眼眼有咩唔同就返去睇~~
話佢唔舒服就會食少左, 留眼淚咁~~~

我想知, 晒太陽會唔會對白內障有影響架?
丁丁好鐘意係窗邊晒太陽瞓晏覺~~
佢日日都跟住陽光晒pat pat, 本來就由佢既, 不過而家就怕會晒到眼眼..

[ 本帖最後由 vivipig 於 2009-10-16 05:31 PM 編輯 ]

希望無事啦

如果真係有白內障,其實可以做手術吸出嚟。但手術費就好貴,我上次問都要萬五蚊。
都可以唔理佢,由得佢繼續係咁,兔兔有一隻眼睇唔到野其實唔會影響佢既生活既,但唔理佢既話有可能變成青光眼,如果真係變咗青光眼既話,兔兔隻眼就會好痛,到時就會成隻眼切咗去,又或者做假眼手術。

都唔駛咁擔心住既,睇咗醫生先啦,希望佢無事啦

希望丁丁無事la~
就算有問題都希望快d好返~

最近都聽聞有位多友的兔兔有白內障, 首先都係一隻眼, 但醫生話好快另一隻眼都要係咁, 但係叫佢唔駛太擔心, 因為兔兔其實主要唔係用眼而係用口嗅覺, 只要佢保持兔兔原本用擺放用品唔好變, 同埋要舖d軟毛巾或軟墊比兔兔防止佢唔小心係個籠到撞親就可以, 當然果位兔友都依然好唔開心, 換咗任何一位兔友都一樣, 但係只要比兔兔知道你錫佢既話, 相信佢一定會努力健健康康, 開開心心咁生活落去,   vivipig你要努力加油呀!
大家可以參考PHOENIX既故事, 各位兔友無論兔兔將來會變成點, 都唔好放棄佢地呀!
http://hk.myblog.yahoo.com/hkrabbit_org/article?mid=3138

其實丁丁又冇咩野, 食得玩得~~~
係我呢個緊張大師擔心囉~~~
而家加多左藍莓比佢食, 平時食3,4粒一日,
而家多幾粒, 不過諗緊買唔買藍莓素比佢食~~

想知仲有咩可以比丁丁食~~
丁丁鐘意晒太陽~ 所以我諗要貼太陽紙~
因為唔想stop佢鐘意既野~ 佢開開心心就得~~
多謝你地D資料~ 兔協我都係成日睇~~
不過今日搵左好耐白內障既資料~ 都係冇話食咩好~~

食太多藍莓會唔會唔係咁好?
之前姑娘都話過~ 藍莓係生在樹上高..野外的兔兔都不易吃到
而且亦要留意果糖既問題

希望丁丁早日康復

點樣可以預防的呢??希望佢快d好返:054:

醫生話冇得好架, 只會越來越差~~
所以都係留意住佢, 有洋唔妥就睇醫生~
只要唔變青光眼就OK~

藍莓係一D細小權木~ 都OK~
所以諗比藍莓精丁丁食, 可以少D糖~
預防只可以係少糖少澱粉質, 唔好比陽光直射~

blueberry can't help actually.
u can use i for snack but beware of sugar