空氣清新機?

我領養左兔兔已經就快半年
由4月尾開始養
不過由8月頭我就一直咳,病到依家,睇極醫生都唔好
醫生話係氣管炎, 兔毛係一個主因 (因為兔兔係我間房度養)
醫生建議我買空氣清新機
唔知各位兔爸兔媽有無咩建議??
因為我一定唔會放棄養佢喇, 我唔想佢再俾人遺棄多次

有不少兔友都有用空氣清新機
等佢地答下你

另外, 可以係張床上面加張蚊帳, 咁樣應該會訓得舒服D

唔知各位兔爸兔媽有咩牌子好介紹?

兔協之前有得買...你可以打電話問下.....
你都可以問下佢地用緊邊隻.....因為怕空氣清新機對兔兔唔好:055:

我都係一樣呀,我未養兔兔之前係冇任何呼吸系統既病,
但係自從養咗對上果隻兔兔之後,就開始我帶病既生涯,
鼻敏感,最嚴重去到兩邊都透唔到氣,
氣管敏感,晚晚咳到瞓唔到,睇好多次醫生都冇用,一停藥又嚟料,
直至最後氣管收縮到食藥都冇效,要去醫院,醫生話我可能有輕度哮喘,
俾咗d噴劑我先掂.但係我都唔會放棄兔兔,
你知嘛,我而家响屋企唯有可以做既就係長期戴口罩,唯有出咗門口才可以除低,
係好咗好多,只係有時會病發,所以你而家未買到清新機之前,你最好都同我一樣咁,
如果唔想都起碼同兔兔玩或幫佢整野果陣戴,如果唔係再拖落去就唔得掂.

我本身都有鼻敏感~養左兔之後成日都鼻塞同埋成日都鼻炎, 都幾嚴重下...
但我買左部空氣清新機之後鼻敏感好左好多, 鼻炎都冇乜再番發LU~

但我個部空氣清新機就比較貴囉 ($7800...諗起都肉赤... #^37^# ), 因為我係FOR全屋用而且係24小時長開, 如果你淨係放係房既買部平D都OK啦~講真睇多幾轉醫生$$$都係番道啦~而且自己又冇咁辛苦呢

to 陳皮妹:

我個情況同你一樣呀!!
我都諗住買部空氣清新機
因為我真係日日都咳到好辛苦, 醫生話再係咁我會哮喘

to iris:
我睇醫生都無左幾千啦...所以都係買部空氣清新機, 等自己同兔兔都過得好0的

我都係嚴重氣管同nose 敏感, 我自己就係用緊 shaxp 既空氣清新機, so far都幾好用, 同埋外型都靚... 放屋企都要靚架嘛...
你睇返自己多數放兔兔係邊, 再決定買for 幾大面積範圍用既空氣清新機啦...
我自己屋企得一部, 但有需要時, 部機都會跟住我遷移去唔同既地方既... 有時係房, 有時係廳咁...

同埋你都要多d 吸塵同掃地, 如果有好多草碎時, 可以帶口罩處理, 或者整濕少少毛巾去抹, 草碎同毛毛就唔會飛得太勁架啦...
最後, 你同兔兔掃毛時, 都可以帶口罩...
每個細節都做少少野, 加埋都可以改善到好多架...

希望你快d 好返哂, 跟兔兔開心生活

to 陳皮妹:

我個情況同你一樣呀!!
我都諗住買部空氣清新機
因為我真係日日都咳到好辛苦, 醫生話再係咁我會哮喘

係係,我頭果年真係辛苦到想死,所以你唔好再拖,多打掃,多開窗,載口罩,買空氣清新機,
總之堅持落去,唔好咁輕易放棄,實有辦法既,我持支你嫁~~:021:

對抗哮喘, 多吸收維忚命C (e.g. 每日一粒橙), 多做運動 (e.g. 遊水), 提升體質和底抗力

多謝大家0既reply~~
我都諗住買sharp的空氣清新機
其實兔兔都係短毛兔, 希望買左之後我會好返好多啦
病咁耐真係好辛苦

你地指既空氣清新機是否有濾網用來隔走/ 吸走D毛塵
使唔使噴負離子出黎果D
市面有好多但一直唔知邊一種適合
同埋係唔係好似抽濕機既size先有用呢
太細果D唔太work, 是嗎?

空氣清新機一般細SIZE 機, 係可以吸既範圍比較細, 未必可以吸哂整個客廳, 你自己可以睇返擺房定係廳用...
毛毛方面, 唔係吸得好多, 但都過濾左部份既致敏源... 都有用既.. 毛方面, 最緊要多D 吸塵同用濕布抹塵就OK...

負離子果D, 好似對身體好D, 你可以問返SALES, 佢地都有好多建議俾返你架...