有無人分享下去愛協既經歷呀?

話說我未去過愛協,有無人可以分享下呀?
如果我想去睇下d動物,駛吾駛申請/登記/預約?
動物生活環境如何?#^54^#

我依家每個星期六早上, 都係SPCA做緊小動物義工, 我見D人黎探動物都只係係櫃台登記個名同時間, 無勿特別要先申請. 環境方面, 因為每個CENTRE都唔同, 我係灣仔總部, 環境尚可, 不過佢地真係唔係好識照顧兔仔, 依家緊係有改善啦! ^_^

哦...只係係櫃台登記個名同時間就ok喇?
甘有無限每次探訪人數/停留時間呀?
thanks~

事關近排我向周圍既朋友宣揚養動物就去領養既信息
d人覺得愛協好麻煩 認為要好多手續先可以去睇
而我又未去過 所以想問下大家再同佢地解釋囉

原帖由 Cody 於 2009-11-3 06:45 PM 發表
我依家每個星期六早上, 都係SPCA做緊小動物義工, 我見D人黎探動物都只係係櫃台登記個名同時間, 無勿特別要先申請. 環境方面, 因為每個CENTRE都唔同, 我係灣仔總部, 環境尚可, 不過佢地真係唔係好識照顧兔仔, 依家緊係 ...

有你坐陣,灣仔總部既兔兔有救星喇!!XDD

我聽d職員講過,如果領養小動物(兔,天竺鼠, 態仔鼠, 倉鼠)既話, 手續好簡單, 但係貓狗就要嚴d, 好似要做家訪. 其實我真係好希望有其他兔友好似我咁去SPCA其他分區做小動物義工, 因為佢地真係唔識照顧兔仔, 攪到D兔仔手腳都非常污穢不堪, 打曬結, 當初見到D家兔(最少人領養)成腳成PAT濕晒, 條尾又變咗淨咖啡店又有 好多結, 又瘦好可憐, 而家見佢肥DODO, 又無再周圍尿尿, 見佢有改善真係好開心架! 而且我每次都會帶菜比佢地食, 所以有時真係好倦, 但諗起一星期只有一次可以專登比多D糧草同菜比佢地食,  就算一朝早去做義工都覺得無所謂, 反而有一次無去都會心掛掛, 我走時重可以去探埋狗狗同貓, 真係覺得好值得, 你都要努力宣揚下, 希望其分區都有識照顧兔仔既義工啦! ^_^