食藥的問題

唔知你們的兔兔餵藥時...會不會含在咀巴中不吞下去啦:008:  有什麼方法可令兔兔不含著會自動吞下肚的方法呢?能教教我嗎?:026: 謝謝各位奴

我以前會用菜包住粒藥,等佢以為係食緊菜。你試下得唔得吖

下...兔兔有藥丸食 @.@ ??

之前係dr.yen度睇醫生(腸停)
都開過藥丸~~
姑娘教可以整碎粒藥丸~~整到變做粉狀~
之後溝水/溝草粉餵兔兔~~基本上就無問題架喇~

我會將兔兔唔鍾意食既藥溝草粉+小量水食, 又或者溝草碎+糧+小量水比佢食, OK架!

我明咕咕媽講咩,佢應該唔係話餵藥丸..
如果佢唔肯吞,都幾頭痛...

佢係米發脾氣唔肯食...
我囡囡除左起絕育個陣發脾氣唔肯吞,連姑娘餵都唔肯吞...
個陣我就咁開一碟,然後行開唔好理佢,佢自己就肯食..

唔好意思我講得唔清楚...是醫生開了藥丸.叫我把它壓碎開水餵兔兔食...可是當我用針筒餵她時..她會含在口中不吞下去..還會在另一邊咀角流出來(液體)..唔知係咪我不懂餵她...兔友們...你們會有這情況嗎?:008:

會唔會係你用針筒既方法唔正確令到佢可以吐返出黎呢??
因為一般再難食既藥如果git到入佢個口佢都冇得簡食定係唔食嫁...
你用針筒時唔好係咀仔正面到git入去...
係咀則邊45度角咁git入去

食藥丸係可以用一小片菜包住粒比佢食.
佢食果隻係咩藥? 仲有其他藥ma?

仲有呀!都係液體...用針筒餵服...醫生懷疑她是金錢癬...(種菌中)還要搽藥膏:008:

兔兔唔肯食, 就唯有溝草粉... 令佢唔覺意食左..
同埋你可以將針筒放在比較深入既地方, 都可以減少兔兔吐藥既情況

[ 本帖最後由 minima 於 2009-11-27 05:45 PM 編輯 ]

記得塗完藥膏, 要隔一弭先好放佢落地.. 因為兔兔一落地, 就lam 藥膏.. 最好等藥膏乾左d 先放兔兔落地呀

謝謝你!!我真的沒注意這點

兔兔鍾唔鍾意食菜??
個陣波波要食藥..
唔甜個隻我會趁唔覺意咁滴啲啲藥水上去..
佢會唔覺意食左..
不過時間會長少少..