呢排既蕃薯好奇怪呀

呢排既蕃薯好奇怪呀...真係唔知由邊到講起...好似自從上次個件事(http://mini-house.info/thread-6621-1-1.html)之後...佢就怪怪地,依家佢夜晚(由我收工回家見到)都唔係點食草,就只係會背對我坐係第二層,一直到我去訓教都係咁,但朝早又好似冇乜野咁,話佢食小左草咩,佢d屎又仲係好多,大小都差唔多,但就唔太郁,同埋一摸patpat位手就有好多毛,今日我放佢出黎玩,佢都出出入入好多次,通常出黎行一圈又入龍,行一圈又入龍,行左幾次又坐返係個到一樣對我,之後我都一路開住龍門佢都唔出黎=0=...暫時唸到咁多...佢會唔會係有咩病?但我上R記個網又見唔到有符合蕃薯咁樣既病徵...

佢可能係換毛,我個仔換毛時都係有些少心理不平衡#^73^# ,
唔知各位兔友既寶貝係唔係呢,不過如果佢換毛你就要睇緊D佢食草!!

一摸patpat位手就有好多毛: 你有無同佢每日/隔日梳毛的習慣? 因為兔兔每天都會丟好多毛
通常出黎行一圈又入龍,行一圈又入龍: 因為得一隻, 可能悶無大意欲出來走, 你多D陪佢用食物引佢來走動下, 或買多隻兔陪佢
若屎屎大小正常, 應該身體無大問題, 可能天氣變化影響食欲, 我大細妹這幾天都食少左。

如果佢都係自由行咁濟,
籠入面同籠外都係差唔多,所以可能就唔出黎喇~~

total有一段時間都係咁架~~開左門佢都唔多會出黎~~
不過依家佢習慣左係籠外生活,就變左多數都係籠外喇~
飲食正常,便便正常既話都唔駛太擔心既~
至於你話好多毛,記得幫佢梳毛呀~食太多毛落肚唔好架

兔兔活動飲食係好有規律的,突然改變真係要留意下咩原因喇.
蕃薯背住坐,會唔會籠出面有野變動左光線改變左.......等等.
可以試下遮一遮第二層,暗d有地方俾佢躲藏會安心d.
兔兔換毛期身體會有少少感覺唔同既,
而且食落肚的毛又多,腸胃亦會飽滯左.
蕃薯可能因此而唔太願郁.
e d 期間食草,運動和飲水都好重要.
要諗下計令佢郁多d,
譬如在籠外放果紙箱俾佢玩,
四處放草放糧等佢走遠d先有野食,
用糧引佢跑動.......
留意下蕃薯有冇飲夠水.
換毛期又天氣時冷 時熱, 要小心呀.

:070: 我相信係換毛~~~~所以petpet有好多毛。

另外，佢背住門唔代表d咩既，可能係諗緊野，哈哈(講笑)

但今晚唔知係咪我改左個龍既野既放位..佢d屎好細粒又唔係點食草..點算呀
>
0<