帶隻兔仔去狗公園, 結果搞到隻兔仔跌落海死左....

轉自蘋果

狗公園玩耍驚狗
領養兔仔狂奔墮海亡
2009年12月19日 (09:48 am)

早上 8時 52分，一對年約 10餘歲的姊弟，帶同約 2呎長的領養兔仔，前往位於灣仔鴻興道的灣仔海濱長廊（俗稱「狗公園」）玩耍。

當姊弟倆放下小兔，為小兔拍照留念時，懷疑狗公園有不少狗隻遊走，膽小的兔仔嚇得狂奔約 100米，期間，更慌不擇路，躍起跨過海邊的罅隙，直墮海中，未幾，小兔便告沒頂遇溺。

水警接報到場，將兔仔撈起，但兔仔已經返魂乏術，姊弟倆聞悉噩耗，顯得傷心不已。

版主留言:
一隻可愛嘅兔兔, 因一時受驚狂奔跳海就離開咗呢個世界真係可惜!!
為此, 此POST會由版主轉移到"兔兔紀念館", 希望大家都留言為兔兔祝福得以安息。

[ 本帖最後由 波子 於 2009-12-20 10:01 PM 編輯 ]

..................
#^62^#
唔  拖 住 牙

吓..唔係咁恐怖呀?
帶兔兔往戶外真係要留意該地方是否適合兔兔
以及為兔兔加上兔繩
免得樂極生悲

有乜可能帶兔去狗公園架...

orz左!!!! D人都傻嫁!!!!!!!!!!!!!
佢地係咪冇腦嫁, 10歲識好多野嫁喇wor!!!
真係................好嬲

[ 本帖最後由 Jessie 於 2009-12-20 10:39 PM 編輯 ]

希望兔兔係彩虹橋過得更好...

帶去狗公園........唉......
帶去都算....竟然唔識先戴兔繩....

冇d common sense!隻兔系勁慘!又會冇大人睇住d細路既-.-

點會唔用兔繩o架~
唉~好慘呀!!!#^37^#

都唔明點解係都要帶出街玩囉.
出面咁多菌, 狗公園又多狗. 唔通係屋企玩仲唔夠咩?

帶去狗公園都唔係問題 ...
問題係唔用兔帶 ...

樂極生悲,真係好不幸~~#^56^#

今日睇左蘋果詳細報道,
知道大家愛兔心切, 亦唔係話個小朋友冇錯, 佢帶兔兔去狗公園, 又冇全程捉實頸繩係唔岩(佢有幫兔兔戴繩, 係有幾分鐘時間影相冇拎實條繩)
但係個小朋友已經好慘, 佢當時仲嘗試跳海救兔, 好彩俾保安阻止, 兔兔失救後響報紙見到張相佢都喊得好可憐, 都唔好再話佢啦
希望佢節哀順變啦!


愛兔墮海　男童圖跳海捨命相救
【本報訊】愛心滿溢小姊弟，昨晨帶着早前領養的小白兔，到俗稱「灣仔狗公園」的灣仔海濱長廊散步嬉戲，詎料途人逗玩期間小兔疑受驚，狂奔百米越過圍欄直蹈大海。啣尾窮追的 13歲弟弟眼見愛兔墮海，一時救兔心切，竟拿起長廊旁的水泡套在身上企圖跳海相救，幸被保安員及時制止。水警到場將小兔救起，可惜已一命嗚呼。弟弟忍不住痛哭：「阿旺，唔好（死）呀！」


痛失愛兔傷心大哭的男童姓林， 15歲姊姊亦低聲飲泣非常難過。兩姊弟所養的小白兔屬「貓貓兔」，年僅一歲，雄性，叫「阿旺」。男童哭說：「阿旺係由兔友協會領養番嚟，養咗 10個月。」從在場一名女狗主出事前給阿旺拍照所見，阿旺全身長有純白色長毛，乖巧地坐在地上，確實可愛趣致。
昨晨 8時半，姊弟把阿旺套上頸繩，用旅行袋載着帶到灣仔鴻興道狗公園散步，其間一名婦人拖着「八哥」小狗與外傭同行，她見小兔可愛於是趨前逗玩，又用手機給牠拍照。約 5分鐘後，小兔疑受驚突然拔足狂奔，姊弟來不及拉住牠的頸繩，只得尾隨追趕。
小兔連跑帶跳狂奔 100米，越過圍欄及石壆，「氹」一聲直跌落大海。姊弟倆非常焦急，男童救兔心切，拿起長廊旁的水泡套在身上準備跳落冰凍海水中救兔，幸保安員趕至及時阻止。小兔在水中掙扎一會已無反應，隨水漂流。男童在岸邊乾着急，拚命呼叫：「阿旺，阿旺」，姐姐則致電報警求助。

小兔救起已氣絕

水警趕至將小兔救起，可惜牠已經氣絕身亡。男童激動嚎哭：「嗚嗚嗚，阿旺，唔好（死）呀！」旁人亦為之動容，在場警員紛紛安慰，並安排警車送他們回家。
目擊事件的王姓婦人說：「隻兔仔唔知俾咩嚇親，突然間狂跑，真係好可惜，個細路好傷心呀！」
香港兔友協會是政府註冊的慈善團體，為飼養兔子人士提供資訊和領養服務。協會網站資料顯示，領養不收費，領養者必須年滿 18歲，但可由父母代為申請。

不會游泳
兔子膽小不宜外出散步
愛心小姊弟痛失的愛兔俗稱「貓貓兔」，屬歐洲品種，因全身長有白長毛，有如長毛貓而得名，近年頗受養兔人士歡迎。有寵物店負責人指兔子天生膽小，容易被嚇倒而拔足逃跑躲藏，因此如無必要不宜出街散步。
旺角一間寵物店的負責人表示，由於兔子前腿不識「浮水」，因此牠們一般不懂得游水。寵物店也不建議幫牠們冲凉，以免凍死，可用乾洗粉抹身清潔。


喜歡啃咬東西
她說，兔子生活上不需要太大的地方走動，將兔子帶到狗公園散步有一定危險，「狗唔會食兔，但見到佢識郁會當玩具咁玩。」如果被狗追吠，兔子會嚇得掉頭亂跑，「追都追唔番」，故此如無必要不宜帶兔子出街。
兔子的平均壽命 7至 10年，牠們是愛清潔的動物，要定時清潔兔子的日用品，以確保牠們的健康。兔子也要有適量的運動，每天最好能讓牠們有 4小時或以上在屋內隨意走動。兔子天生喜歡啃咬東西，要確保家中的電線、植物、家具、地毯等能收納妥當，以防誤?而引致身體不適。

[ 本帖最後由 sheena 於 2009-12-20 07:48 AM 編輯 ]

個小朋友已經有用兔繩
只係有人走埋黎同隻兔影相
只係呢幾分鐘無拎實條繩
又突然受驚而亂走出事
個男仔都好傷心

兔協隻阿旺, 唔知有無人識呢

[ 本帖最後由 hh0 於 2009-12-20 09:13 AM 編輯 ]

今朝媽媽返黎同我講有隻兔仔跳海..
之後一打開報紙就見到..
好心UP..
我住柴灣..
曾經都有諗過帶波波去狗公園..
但次次都見都有好多大狗..
所以打消念頭..

希望個位小朋友唔好太傷心..
同埋阿晒可以喺第二邊過得開開心心..

應該改左名, 之前可能唔係叫阿旺. 睇返比人領養左果頁, 叫阿旺既得一隻啡黑色既.

[ 本帖最後由 Futagoza_Kaniza 於 2009-12-20 12:15 PM 編輯 ]