兔兔外出散步建議??

大家好, 對於照顧兔兔,
我絕對係新手一名(之前一直只養冷血的寶貝),
關於兔兔既經驗極少,正努力吸收中.

回正題, 想問問大家,
如家中沒有足夠空間俾兔兔24小時自由活動(兔兔同我同房既),
想經常同兔兔出街街玩下活動下筋骨,
地點應該點選擇? 有冇提議&經驗?
溫度&日照&時間大概係幾多??
玩既時間大概幾長??
幾多個月大既兔兔先出得街街??
另有咩要留意呢???

分享下^^

係咪BB兔兔??係就唔好啦~~只會嚇死佢...抵抗力底仰可能生病~~
你仲要係唔熟啦...好危險咖><"
溫度係17---21呀~~
我會係走廊俾佢行下算...不過佢都係跑返我身邊唔會走好遠的啦~
公園多小朋友同好多蟲類><"

行10min佢唔行咖啦~~趕住返屋企咖~~佢細膽~~
同埋我屋企有地方俾佢行呢~~
好少帶佢出街~"睇e生之外"

[ 本帖最後由 喵女 於 2009-12-30 02:20 AM 編輯 ]

唔唔, 我都明白,
摩摩都係岩岩2個月大,
所以佢都陣係係我房度走黎走去先,
不過到佢大d就唔夠喇
但係到佢6,7個月大既時候,
夏天到, 出街咪會熱死佢~??????

係啦係啦~~夏天出街人都熱..何況兔兔??
夏天日日開冷氣#^49^#
秋天好似好d喔~~

秋天好似真係ok啵,
佢秋天都有差唔多一歲,
地點呢?咩地方好d?
我之前同我其他蜥呀龜龜呀去開就係個大草地黎既

你家兔兔放係廳玩得唔得?
夏天出去玩好易中暑嫁, 一中暑好易死..
同埋d外面好多細菌, 容易感染皮膚病.
其實人既衣物都容易沾上細菌. 回家後最好換左衫同清潔雙手先抱兔兔.

回fu:
廳就唔得喇,
不過房就冇問題, 我間房大概3張雙人床大,
扣扣埋埋, 佢都有一張半床既area玩概,
不過平時大部分時間係籠,
我返學朝9晚8, 仲要係上水返調景嶺,
佢出黎既時間唔多

最好有4小時以上既時間俾兔出黎玩啦
兔其實唔太岩出街玩, 始終佢地唔係狗狗
其實你放佢出籠玩就好夠架啦

就算真係帶出街既都要睇實佢, 係唔係真係鐘意出去玩, 小心唔好食到野草(有農藥)
仲有狗有可能會傷害到兔, 而且要睇得好實好實, 因為太危險, 兔係驚起上黎真係點叫都無用亂咁走好易出意外

出街都好易會感染到病, 呢個都係風險之一, 始終兔兔無防疫針打, 金錢癬呢d 皮膚病都好易因為出街玩會感染到

評估後你認為係okay的話, 都1歲以上先好帶, 細兔抵抗力差
夏天(太熱會中暑), 落雨天同落雨後幾日都唔好帶兔出去

冬天秋天帶就好d

我自己番工時間都幾長, 我放工番到去就會放兔, 放假多數都盡量留係屋企放兔
等佢多d時間出黎玩