我第一次養兔兔，關於他們的行為，想法和和情緒

我和家中小兔生活了幾個月，現在他應該有五、六個月大了。但是還是覺得不太明白他們的想法，想請教一下：
1)兔兔喜歡坐在我坐的椅子下，尤其是當我坐在那裏的時候，是不是代表他都喜歡跟我一起坐？
2)兔兔喜歡小食，但是坊間賣的小食健不健康？一星期可以食多少？
3)兔兔晚上出廳玩，非常高興，但是回籠後會咬門，我唯有坐在籠門口看他，摸下他頭仔，然後他便會開始狂食草，食得好大力，我走開後又咬籠。兔兔在想甚麼？食草是不是不開心的表現？
4)兔兔昨晚好似好快樂，圍着我腳邊轉左又轉右，又突然噗通一聲四腳朝天四地打滾幾下，然後側身躺在地上，是不是發情期來了？
5)兔兔是不是不喜歡用洗澡粉洗澡？洗澡後他會"fing"身! 而且不讓我洗肚子。

謝謝各位解答。:001:

[ 本帖最後由 hilahila 於 2010-1-4 03:07 PM 編輯 ]

1)兔兔鐘意LEI埋架 通常鐘意坐係D椅子下面或者沙發底
至於佢係咪鐘意同你一齊坐就要佢先知喇
2)坊間既零食我覺得都係愛黎賺愛兔之人既錢 對兔兔健康無幫助
食得多都係唔好 一星期比一次就夠 仲唔可以比多 因為好多時都會有高糖份
睇下你買邊隻啦
3)佢玩完返籠再咬因為佢仲未玩夠 想出返黎
食草唔代表佢唔開心 只係無得出黎玩咪食下草囉 ; )
4)我諗唔係發情期 只係佢好開心 玩玩下攤係度休息
5)兔兔其本上係唔洗你幫佢沖涼 佢會自己洗身 而你都唔需要用沖涼粉
因為你幫佢用粉洗完 D粉可能仲會留係佢個身度 佢用利仔會舔返哂食落肚
對佢身體唔好 所以以後唔洗用喇 如果佢腳仔污漕左可以用濕毛巾幫佢抹下
千萬唔好幫佢濕洗(即係放佢落水) 會嚇死佢同凍親

希望幫到你 #^58^#

thanks!

3)佢玩完返籠再咬因為佢仲未玩夠 想出返黎
食草唔代表佢唔開心 只係無得出黎玩咪食下草囉 ; )

這樣啊。死啦，我怕他咬籠咬得多會咬壞牙...
其實他一日出來有三小時左右，星期日還可以玩六-八小時，我家不是100%bunny proofed (牆壁被他咬出牆皮)，圍欄他又不喜歡，點算好？

我諗只要佢係你視線範圍內玩就OK
佢咬野要鬧下佢，佢多多少少都知道自己做錯
同埋d牆紙吞左落肚就唔好啦
所以放佢出黎玩個陣真係要睇實，係唔用圍欄之下，
就只有呢個方法

明白了。

>佢咬野要鬧下佢，佢多多少少都知道自己做錯<

一直推開他可不可以？因為他在廳活動，家人見我大呼小叫會不喜歡...

1)兔兔喜歡坐在你坐的椅子下,其實都是表現出佢喜歡你,在你身邊有安心的感覺.
2)兔兔喜歡小食,特別是甜食,但坊間賣的小食都不健康,因太高糖份和添加物,不是兔兔腸胃所能負擔的.
3)回籠後會咬門是表示佢仲想出來,回籠後狂食草是由於出來跑動一輪後肚仔餓囉.
你走開後又咬籠是因為佢見你走開=冇人理囉,於是再咬籠吸引你注意.
4)噗通一聲四腳朝天四地打滾幾下，然後側身躺在地上,是開心舒服的表現.
圍着腳邊轉左又轉右打8字轉圈圈就可能是發情了.
5)兔兔會自已清潔身體,保持好佢地生活環境清潔干燥,佢地會好乾淨唔洗洗澡的.

一晚出黎3小時可能時間短左d喇,兔兔成日被困係果2尺幾的籠裡面,活動唔夠又會好無聊架.
圍欄圍得太細兔兔都會覺得俾關住,出面咁大佢一定想出黎.試下用圍欄再加埋傢俬牆等將果範圍擴大d,
另外在圍欄內放d草放個紙箱都可以轉移兔兔的注意力等佢地唔會亂咬野.
搵紙板擋住令到佢地咬唔到有效過一直推開他,如果唔係佢地會一直唔死心咬到先安落架.LOL