好唔開心呀我，被炒。

真係好無奈，臨近新年就被人炒左。
炒既原因唔係我做唔到野，而係公司決策出問題 ....
我諗我去interview，人地問我點解唔做，我答被人炒既原因，
都唔知有無人信 ....

話說2個月前，我去見呢份工，
個post係clerk，主要係做data entry，
因為第一個project係要用data base，所以需要請人去入。
點知做左一個月左右，
個project胎死腹中，
當然我係首當其衝受害，
因為我最最最主要做既data base突然無用武之地。

記得有一日，我跟出去做野，係老闆架車我問佢，
而家個project無左，會唔會炒我，佢話唔會，會搵其他野俾我做。

之後慢慢，完全係公司無哂存在感，
變做一個閒人。
其實閒人唔止我一個，仲有個admin clerk，
呢個admin clerk係老闆開公司之前已經識，
化妝之後都算係幾靚女既，
所以老闆就搵左佢返黎做 admin clerk + 接待，
當然，無乜細公司容納到2個閒人啦，
所以就炒左我，
其實諗落都幾唔順氣，做野我做得好過佢，我識account佢唔識，
但就輸左個樣。

而家又要搵工，又臨近新年，真係覺得好狼狽 ...

咁佢炒你，有無事前通知嫁?
有無跟足勞法嘅賠償比你?
祝你好運啦，呢家年尾搵工都唔係咁易，唯有樂觀面對。
當作休息一排啦~加油喔

比心機搵第份~!

我同事仲慘~係12月24日平安夜果日~比公司炒左~!

點解會偏偏係果一炒~好hurt~!

加油丫~!

咁樣比人炒都幾唔抵...
仲要係大時大節
不過我都祝你快D搵到新工啦!!
唔好灰心!!

今時今日呢D野好平常咋
你都係返左2個月工
咪當做part time lor
大公司都成日lay off 人, 唔好唔開心啦
祝你快D搵到另一份

失去職位不用不開心
最緊要係你從中學到甚麼

公司問題, 你日後見新工唔怕直講
新公司最緊要知你有無向前看---

新年 之後 都 有 好 多 公司 請 人"
希望 你 搵 到 份 好 工 la

此處不留人, 自有留人處
祝你早日搵到份比呢份更好既工

好多時被炒既唔一定係做唔到野
D廢老闆眼光短淺,
人工高D既又唔想俾
成日覺得唔值甘高人工
留低D做唔到野既垃圾
最好炒晒無人做就知D員工幾寶貴

我朋友間公司都係咁,啱啱前日裁員, 我個好朋友就冇事, 因為佢真係佢老闆嘅得力助手, 但我個火星朋友 (唔知你記唔記得我以前開POST講過嗰個火星朋友) 一個星期遲三、四日到, 一個月頭一定最少請兩日病假, 做嘢日日開單平均十張錯三張, 竟然都可以留低, 裁咗另外一個做倒嘢嘅女仔, 我聽見... 雖然唔識嗰個人, 但都會替佢心UP, 個天就係咁唔公平咖喇~ 唉~ 啲老細對眼都唔知要嚟睇乜嘅~

你都唔好唔開心喇~ 希望在明天呀嘛^^ 你一定會搵倒份更好嘅工嘅~!! good luck to u!!

唔洗愁喎, 工可以再搵過架姐

上年未有海嘯我舊公司一次過請咗三個人(包括我), 而我係最後一個見工, 同前一個同事見工日子差一日
到海嘯黎咗, 我做咗兩個月零廿八日, 佢就話公司" 結構性重組" 即係裁員啦, 就係同一日,同我早一日見工嘅同事簽新約, 但同我就講因為我最遲入職, 所以要裁我,
我都真係好無奈架當時,自問工作表現唔錯, 佢做到嘅嘢我唔會話做唔到, 唔通錯在我搵工比人遲咗一日?

但最後, 比我搵到份仲好嘅工, 明白咩係[塞翁失馬 焉知非福]
嗰時個經濟咁差都仲捱得過, 何況今年有好轉呢
唔洗灰心bor

都幾衰喎~~新年先嚟炒人......