有冇人可以幫下我

我收養左 david 半年(1 year old) , 佢一向都細胆/好奇/小小惡, 但從未咬過我, 又識去 vv,
但我在 1月1日收養多隻仔仔 (叫 jan jan) , david 就開始精神緊張/兇惡, 成日係 jan jan 圍欄 vv & cc, 又追住我 (好似想咬我咁)

以前 david 可以全屋走, 而家就 only 比左個客廳 jan jan,
david 放在飯廳, 客廳&飯廳 同間放圍欄, 用長枱布隔住圍欄, 佢2個無見面,

以前 david 多數由我照顧, 但 jan 黎左后, 我就照顧左佢 1 week, 少左理 david, david 由兔爸照顧,
可能係咁, david 不開心, 在1月9日 早上, 我清潔好 jan 個寵, 洗左手, 就放 david 出黎, david 好緊張 & 兇惡, 不停聞我隻手同衫 (maybe 有 jan 的氣味) , 我用幾粒糧去氹 david, 怎料david 食完就咬我手指公, 佢好大力,  手指公不停流血, 我十分震驚, 一路cry 一路鬧 david, 原本都有 d 嬲佢, 我只不過係中意兔仔, 想養多隻, 我都係好錫 david, 但佢竟然咬我, 我不但手痛 (傷口到而家都有小小痛), 仲係好心痛, 最主要係吾知以后點同 david 相處 , 但而家係嬲自己, 令 david 不開心 又照顧吾到 jan  ...

1月10日開始, 改為我照顧 david, 兔爸照顧 jan , 但 david 好似對 兔爸不太兇惡 , 兔協的小姐同我講, 可能係 david 覺得有外來者入侵佢屋企, 而且又因為 jan 由我照顧, 又少左埋 david ,
david 其實係好中意我 ,所以先咁嬲我, 的確, 呢2日的觀察, 好似真係咁 ...

其實jan jan (4 years old) 好乖, 我知佢成日想周圍走, 但為左令 david 慢慢適應 (因為 jan 不抗拒 david, 係david 抗拒 jan / or 我 ) , 只好等 david 係房間先放 jan 出黎走動下,

被 david 咬過, 呢2日都好驚佢, 佢一走埋我度, 我就佢留意佢, 驚佢又咬我,                       
以前我係屋企就一定放 david 出黎, 但而家, 如果得我一個係屋企, 只會放一陣 or 吾敢放, 兔爸係度先放耐d
我吾想咁對 david, 係我吾好, 令 david 緊張/兇惡 , 又令jan 成日困係寵入面

大家可能會話我, 咬下又駛乜咁驚... 但第一次比david 咬, 就咬得咁 "甘" , 真係好大陰影 ...
我都一早預左 david 同 jan 未必 bonding 到, 但我從未想過 david 會咬我 , 佢原來咁嬲我 ...

希望大家吾好話我, 我已經好內疚, 一見到 DAVID 就 cry ,
有冇人可以幫 / 教 我點做 ?? 最主要係我吾知以后點 同 david 相處 , :054:

[ 本帖最後由 otola 於 2010-1-12 02:22 PM 編輯 ]

終於有人同我有一個問題...
<---依位小朋友都係極度霸道, 佢gei範圍之內唔可以有其他兔或兔味
上完兔協個身有味, 佢會撲上黎咬我, 係高速撲上黎
試過一開籠門, 佢追出黎追住咬我
我路過佢個籠, 佢會撲係籠邊出兔拳, 發出 fe fe 咕咕 聲
有時沖完涼, 都唔知點解佢仲聞到, 照咬 :050:
所以我放棄左養多隻 ~.~
佢除左咬人紀錄, 仲有咬兔紀錄 =.=

除左陪david多d之外, 都俾d機會兩隻兔接觸下
開頭當然要隔住欄, 怕大打出手, 隔住欄都要小心咬鼻咬咀
希望david熟悉左janjan種兔味會好d
不過個人認為...依種小霸王要bonding會好艱鉅...你要俾心機!! 做我的榜樣 !!

其實DAVID真係會嬲你唔理佢, 因為你係一向照顧佢嗰個, 但JAN JAN一嚟咗你就俾咗兔爸照顧, DAVID當然係唔好受啦~ 佢會覺得你變得唔愛佢~!! 雖然你口口聲聲話你好愛佢, 但你怕佢嘅行為並唔能夠表達你嘅心意, 相反會令佢覺得你越嚟越唔愛佢LU~ 我知道俾DAVID咬係會令你身心都痛楚, 但你不如嘗試走入DAVID嘅心裡面去以DAVID嘅出發點去睇, 你就會明白DAVID嘅感受, 其實佢咬你只係想你在意佢!!

如今你可以做嘅就係要平衡你照顧兩隻嘅時間, 我以前照顧三隻都唔會出現呷醋呢個問題, 因為我嘅照顧時間係平均嘅, 就以簡單餵糧, 我會先俾第一隻, 再俾第二隻, 然後再俾第三隻, 跟住順返次序同佢哋邊食邊傾計, 佢哋就唔會覺得你偏愛咗誰, 你明白嗎??
而且你要放下你怕DAVID嘅陰影, 你試想想兔兔都只不過係一隻細小嘅動物, 佢即使咬你嘅都只係小小嘅傷口, 其實真係冇乜大不了, 但你已經視DAVID去到一隻獅子咁大, 咁你仲點可能同佢繼續一如以往嘅相處??

有冇可能你照樣照顧番david,janjan就改由兔爸一人主力鍚同照顧?(當然你閒時可以去同janjan玩),咁david咪唔會覺得你被janjan分薄左
而janjan又有人照顧
而家david會覺得個媽媽比人搶左,所以唔開心
但如果janjan由兔爸主力照顧,咁david可能會冇咁嬲

而家係咁做緊(開始左 2日 )  , 由我照顧番david,  janjan 由兔爸照顧

janjan 真係超級乖, 好想同佢玩 , 但我會忍住,  始終同janjan 玩完會有佢的氣味,
david 一定聞到 ,

一直都係我問題, 咬下係會好痛, 但都吾駛咁驚 ,

我知 david 真係好錫我先會咁嬲咬我 :024:

多謝大家的鼓勵:012:

昨晚我踏出第一步, 親手開寵, 放 david 出黎, 仲坐係 david 旁, 餵佢食糧,
雖然要帶手套, 但都算好d,  

仲有, 兔爸都話我坐david佢旁邊,  好似無咁緊張,
但都有係 janjan 圍欄邊 vv + cc  :011:

其實佢咬你既程度係點先
因為有時hill仔都會咬我~
不過 佢咬你可能表達佢既不滿

我諗我明你個種內疚既~
俾D心機啦~~ 唔好放棄任何一隻

david 1月9日咬我,
傷口到而家都仲有 d 血水, 掂下都有d 痛,
手傷始終都會好, 但心傷就要多d 時間先好得返  :024:

內疚... 係我令 david 性情 大變 ,
我只係花心, 但一樣咁錫 david ,

其實經過今次, 我會更留意 & 顧及 david 感受,
而且, 直到而家先知佢咁重視我  

每晚都會連寵拎 david 入睡房, 昨晚拎 david 入房后, 先敢放 jan 出黎一陣

其實內疚 , 又點止對 david ...
本來諗, janjan 來我家可以自由自在 d, 點知佢都係要成日困係寵入面

俾d時間啦,始終都係david到你屋企先,平時佢响屋企就大晒,
但宜家因為janjan嚟咗佢就無咗半間屋,又無咗半個兔媽,點都會唔開心架啦,
不如你試吓一返屋企就睇咗david先再睇janjan,可能咁佢會覺得你都無係緊張佢多d,.
咁會比較容易d接受janjan

呢2 日發現, david 係 janjan 圍欄 聞下聞下, 之后會高速來回跑, 仲會跳起,
以前我會覺得呢d 係兔仔舞, 但而家係代表 乜意呢 ??? :013:

分享下我自己既方法
我依家有5隻兔
接回家既次序係2+1+1+1
凡有新的成员加入
新果隻最初一定係單獨住一個籠
但會放埋在其他籠一齊
無敵意既就咁樣安排
有敵意既話用布套住一邊避免看見對方
目的係比佢地知道對方既存在同慢慢接受對方氣味

最最最重要係要有先後之分
凡比糧，草， 菜，清潔,  梳毛剪甲等等
全部係由舊兔先至到最新既
咁樣兔兔會知道自己地位高過新果隻 (哈哈…只係我ge 想法)
無咁容易嬲

依家多d 抱下摸下david
重新建立好关系
唔好自己困係陰影中而怕左先

你5隻兔 可吾可以一齊玩 ?
我係 1月1 日收養 janjan,
諗住 this sat 去我 奶奶度 (住附近), 同david & jan jan梳毛, 同見面 ( around  10 minutes), 比菜菜佢地分享,  我會用圍欄 or 兔 繩 , 以免打交.
你覺得ok 嗎 ?

[ 本帖最後由 otola 於 2010-1-13 02:37 PM 編輯 ]

5隻依家吾可以一齊玩,  都無俾佢地一齊, 只分2組
3隻兔bond 左，2隻兔都bond 左
但2組5隻係放埋一齊, feel 到佢地無咩敵意
我抱邊隻先後已经無問題， 唔會嬲我咬我
希望遲下5隻一齊玩

david 醋意比较大，唔知得唔得, 可以试下既,
但有時係人地度會好好, 番左屋企就........
真係试過先知

1 月17日, 我&兔爸帶左 david & janjan 去奶奶度 (住附近),  
圍左個 1米 x 1米的 範圍, 中間放左 蘿蔔 +草 , 佢地仲著埋兔繩
一放出黎,  david 好似見到仇人咁, 係咁追住 janjan , 仲咬左 janjan 一大 " 汁" 毛出黎, 好彩有用兔繩, 可以拉住佢地, 吾比佢地行得太近對方 , 否則我相信一定打得好勁,
DAVID 仲不停 cc + 一次 v v , 無食過蘿蔔 +草 ,  好緊張 + 激動
janjan 沒有 cc + v v  , 但有食蘿蔔 +草 ,  緊張 + 想避開 david 咁 + 扒地

上星期六去兔協 gathering (only 帶 david 去) ,  david 成個死狗咁 , 有其他兔仔埋佢身  or  dun 佢, 佢只會扒地 , 又無追其他兔,
但今次, david 追住 janjan 仲 咬佢, 我相信佢一定好憎 janjan

很難過,  david 吾係好乖, 但佢因為愛我 同 佔領慾 很強, 先會變得咁惡 ,
佢而家真係好緊張,  cc 變得細粒 仲有少少濕,
而 janjan 係超級乖 , 但有 淚管閉塞, 有眼便,  (領養時巳經有, 一直有用眼藥水),  
呢幾日仲發現 , 一摸佢左腳就縮, 見到原來有一細忽無左毛 & 紅,  應該生腳瘡 , 有用凡士林

我都吾知點照顧佢 2 個 .....  我而家  係有摸 david , 但會好小心 , 成日怕佢咬我,
但又吾想佢太緊張 , 令 cc 變得細粒 & 少少濕 (會影響健康) ,
所以會陪多 d  david,  但又會諗住 janjan , 因為佢眼仔有毛病 , 而家仲生腳瘡

我都吾知點算好 ..........

其實兩隻兔兔bond唔到好平常，毋需太唔開心和自責。我家的小樹�發發�Bon Bon亦如是，小樹甚至咬過發發，亦打過交。無辦法，唯有輪流放牠們出籠，或把牠們分隔在家中不同地方自由活動。

其實我一早預左兩隻兔兔bond唔到 ,  只係 david 真係好惡 , 我有 d 怕佢再 咬我,
而且 david好緊張 ,  見到佢咁我心 痛