有冇人可以幫下我

我收養左 david 半年(1 year old) , 佢一向都細胆/好奇/小小惡, 但從未咬過我, 又識去 vv,
但我在 1月1日收養多隻仔仔 (叫 jan jan) , david 就開始精神緊張/兇惡, 成日係 jan jan 圍欄 vv & cc, 又追住我 (好似想咬我咁)

以前 david 可以全屋走, 而家就 only 比左個客廳 jan jan,
david 放在飯廳, 客廳&飯廳 同間放圍欄, 用長枱布隔住圍欄, 佢2個無見面,

以前 david 多數由我照顧, 但 jan 黎左后, 我就照顧左佢 1 week, 少左理 david, david 由兔爸照顧,
可能係咁, david 不開心, 在1月9日 早上, 我清潔好 jan 個寵, 洗左手, 就放 david 出黎, david 好緊張 & 兇惡, 不停聞我隻手同衫 (maybe 有 jan 的氣味) , 我用幾粒糧去氹 david, 怎料david 食完就咬我手指公, 佢好大力,  手指公不停流血, 我十分震驚, 一路cry 一路鬧 david, 原本都有 d 嬲佢, 我只不過係中意兔仔, 想養多隻, 我都係好錫 david, 但佢竟然咬我, 我不但手痛 (傷口到而家都有小小痛), 仲係好心痛, 最主要係吾知以后點同 david 相處 , 但而家係嬲自己, 令 david 不開心 又照顧吾到 jan  ...

1月10日開始, 改為我照顧 david, 兔爸照顧 jan , 但 david 好似對 兔爸不太兇惡 , 兔協的小姐同我講, 可能係 david 覺得有外來者入侵佢屋企, 而且又因為 jan 由我照顧, 又少左埋 david ,
david 其實係好中意我 ,所以先咁嬲我, 的確, 呢2日的觀察, 好似真係咁 ...

其實jan jan (4 years old) 好乖, 我知佢成日想周圍走, 但為左令 david 慢慢適應 (因為 jan 不抗拒 david, 係david 抗拒 jan / or 我 ) , 只好等 david 係房間先放 jan 出黎走動下,

被 david 咬過, 呢2日都好驚佢, 佢一走埋我度, 我就佢留意佢, 驚佢又咬我,                       
以前我係屋企就一定放 david 出黎, 但而家, 如果得我一個係屋企, 只會放一陣 or 吾敢放, 兔爸係度先放耐d
我吾想咁對 david, 係我吾好, 令 david 緊張/兇惡 , 又令jan 成日困係寵入面

大家可能會話我, 咬下又駛乜咁驚... 但第一次比david 咬, 就咬得咁 "甘" , 真係好大陰影 ...
我都一早預左 david 同 jan 未必 bonding 到, 但我從未想過 david 會咬我 , 佢原來咁嬲我 ...

希望大家吾好話我, 我已經好內疚, 一見到 DAVID 就 cry ,
有冇人可以幫 / 教 我點做 ?? 最主要係我吾知以后點 同 david 相處 , :054:

[ 本帖最後由 otola 於 2010-1-12 02:22 PM 編輯 ]

係屋企咪比jan jan 用圍欄, 咁唔洗只係個籠咁細嘛~
又可以走下~

if 我同兔爸 都一齊係屋企 , 兔爸 會放 janjan 係書房, 關埋房門 ,
而 david 可以周圍走

諗住由今晚開始 , 係書房門外圍欄 , 等 david & janjan 每日相處 2分中 , then 關埋房門,  試驗 1 week
希望 david 慢慢適應 ----  知道呢間屋 一定有 2隻兔 ,

我睇書話兔兔係慢熱的動物，所以做咩都要俾時間佢地....

可能佢覺得一隻兔新加入係好大o既威脅啦....
esp新兔一黎左就冇左個兔媽。

你驚佢兔兔係feel到架，到時佢會仲唔開心....
不過兔兔的敵意會一日一日咁減，俾多d關心佢，清籠喂野食你自己做返...

佢冇咁樣對兔爸證明你比兔爸重要ar....
max都係咁，淨係對我惡，但對其他人就笠哂水咁樣...我睇兔兔書，作者都咁講，兔兔淨係蝦佢覺得熟果d人.
以前max都成日激我，整喊我，但係你諗下佢係小朋友，乜都唔識就唔好同佢計較啦...
耐d你就知兔兔咩動作係準備咬人，識避就唔會再受傷啦~

david咁惡，你預左bonding 時間要用年計架啦...

多謝你地各位 的分析同鼓勵, 我會努力 ,  我會陪多d david,  janjan 就 由兔爸照顧 ,

記得不要只用一道欄來分隔david同janjan，除非你全程望實佢地...我既慘痛經驗係雖然有欄，但小樹同發發仍有接觸點，就係咁俾小樹咬左發發 :050:

知道了, 會用孖欄, 多謝kat kat 提醒 ,
仲有 sorry, 昨日好忙,  無call back 你, 暫時不要墊了, 十分感謝 :054: :002:

好開心, 昨晚終於放低介心, 我坐在地上,  親手餵 david 食糧 同菜 ( 不過都帶手套 ) ,
其實養 janjan 前,  我 一向都將糧同菜  放在手, david 就會跳上大脾食 ---- 回想返, 係我冷落左 david 2 weeks ...
昨晚我先比糧,  david 最初都無跳上我大脾 ,  到食菜時就跳上大脾  ,  我同david 終於再有 "接觸" ,  大家都放低介心 , 明顯地, 我同佢都開心左好多 & 無咁緊張 ,  佢昨晚同今朝真係好乖 好可愛   , :061:

係度要多謝各位的鼓勵, 我會繼續努力,
尤其係慧慧媽 , 黑孖媽, katkat , iris 媽,  多謝你地的分析&分享 :039:

祝david早日錫番媽咪同接受janjan~

原帖由 otola 於 2010-1-19 01:25 PM 發表
好開心, 昨晚終於放低介心, 我坐在地上,  親手餵 david 食糧 同菜 ( 不過都帶手套 ) ,
其實養 janjan 前,  我 一向都將糧同菜  放在手, david 就會跳上大脾食 ---- 回想返, 係我冷落左 david 2 weeks ...
昨晚我 ...

恭喜晒不過仲要繼續努力:002:
我尋晚同隻衰豬剪甲,捉佢時又俾佢咬到,不過知佢係無心嘅:043:  :043: :043:
我係惠惠媽,不是慧慧媽.:014: :014:唔知惠惠同David似唔似樣呢??:017:

[ 本帖最後由 williamchw 於 2010-1-20 01:14 AM 編輯 ]

惠惠同David 的color 唔一樣 , david 係 淺 brown

昨晚第一次實行 "每日相處 2分中",  janjan 係書房門內,  門外放孖圍欄 , david 初時見到 janjan , 吾係好大反應, 只係有小小緊張 , 2分中后放后佢地入寵, 我&兔爸 出街 dinner , 回家后, david 明確緊張多左, 仲係咁走來走去, 又 跳起 .
點知 直到 深夜  1 點幾,     我&兔爸 在睡夢中俾 david 嘈醒 (每晚都會連寵帶david 入睡房 訓)  , 佢不停挖寵, 係寵入面走來走去, 十分 noisy,  兔爸仲以為天光夠鐘返工,  只好放 david 出廳 .....
今晚吾會實行, 因為吾想太急進, 希望 david 慢慢適應

原帖由 otola 於 2010-1-12 02:10 PM 發表
你第一次都俾普樂咬,  咁你之后點同佢相處  ?
點先吾會咁驚david ?

其實你首先知道佢點解咬你..
我之後有教佢點咬人係會痛,要佢咬都要細力d 我都試過因為同有一隻兔係屋企
俾野食普樂都咬我..但知道原因就要解決lor
當接觸完另一隻兔洗乾淨d 手先再摸普樂, 而且放兔就放普樂先, 咁就避免有其他兔味激嬲佢
有時可能佢真係呷唶都唔奇

你愈驚佢 佢就愈會咬你 佢感應到你既情緒, 雖然之後我都怕佢會再咬我, 但觀察, 見佢想咬就縮定先, 再氹佢慢慢摸佢同佢講咬人會痛會唔開心架..等等
要慢慢黎

david 今朝又咬我 ~~~~~~~

今朝我 踎係地, david 就訓係我前面,  我咪同佢按摩下,
摩下摩下.... david 好似好舒服咁, 個頭仔都貼埋地,
我咁同佢按下摩臉 , 佢就咬我手背 (以前佢好中意按臉) ,
好在佢只係用上 門牙咬, 只係損左小小, 否則一定出晒血,
(因為手背係無乜肉, 而且仲有好多血管)

之前比佢咬過, 所以今次咬我 , 我吾係好大反應, 只係 ........

原來, 我同david 呢半年建立的感情&信任 都無晒 :044:

係時候 update 下

david 呢 2 個 weeks 好乖仔, 我同佢close 返好多
只係 ... 佢一見到 janjan 就會發癲,
惟有 係將 janjan 繼續放係書房, 但佢運動量就好少

最担心係, 春天回暧, 一定要將 janjan 放出客廳, 佢先可以嘆冷氣,
因為書房無冷氣,  到時就煩 la