迪迪胃有gas....

琴晚8點放工返到屋企，迪迪竟然只食了半兜草（平時一條都無得剩），打開籠不跑不跳不出來，摸個肚仔實的的（摸落仲好似仲有ｄ氣泡咁），個樣呆呆滯滯，已經心知不妙！
即時同佢按摩肚仔，餵草粉，淨係食左幾啖就唔食，一食就發脾氣…
安全起見，都係睇醫生，由於太夜，大圍，九龍城都山左門，全部voice mail，最後只好去pet central…
醫生話迪迪睇醫生都睇得早，唉，好彩，但係摸個肚仔入面無屎屎形狀既野，明顯柯晒無食野，檢查過牙仔無問題，摸到個胃有d gas，最後留院一晚，佢話每4 hrs 會force feeding一次同食止痛。
到今朝，醫生「巡完房」打黎report，迪迪仲未肯食野，都係force feed緊，摸到肚仔有dd屎，但到而家仲未柯過…

btw，見你地話pet central唔係咁好，is it true? 因為暫時我都覺得ok，算係有交帶。醫生一開始就先問我佢情況，問性格（係惡定係friendly，哩樣好重要，因為避免左發生va跌我隻兔落地既危險)，問清楚先開始拎迪迪出黎檢查，va都細心，抱得好實同小心，言談間都feel到醫生係有一定既兔仔知識既。琴日臨走前佢都比我自己餵左兩支草粉（0係屋企又唔肯食！）然後先由va去餵，我睇住佢餵左一陣，手勢都算可以，見到佢settle好晒個籠（鋪毛巾，比草）先拎迪迪入去，同埋都幾乾淨！

而家好擔心，好有陰霾=____=" 希望晏晝迪迪會肯食野啦！(不過唔知係唔係草既問題，食開apd唔肯食oxbow？一陣放工探佢好唔好買d草過去呢..?)

thanks everyone!!!  6點去探迪迪情況已經好返好多, 佢4點開始有便便, 但要VA用手餵先肯食草, 每2 HRS就餵一次草粉, 有飲水有尿尿, 醫生話放佢出黎佢都會周圍走, 周圍跳, 我見佢起碼肯郁肯走, 有時仲會攤直, 我摸佢頭仔時FEEL到佢好LUM, 嘿嘿, 仲舒服到磨牙仔!  唔知係唔係見到爸爸媽媽, 佢0係我地面前自己主動食草, SO HAPPY!!! 我今晚會睇住佢情況, 聽朝睇下點再WALKIN KLN CITY/ 大圍(我已經BOOK左10點半)

見到佢康復緊都安慰D, 加油丫呀仔!!!#^9_003^#

加油呀迪迪~~
如果係個肚有gas~幫佢按摩下肚仔~輕輕推拿一下~
應該會有效果的

加油啊~~
快d 好返~

希望迪迪可以快D好返啦!

我岩岩睇書睇到胃氣呢個case, 書話兔兔有胃氣係即刻要帶佢睇醫生同食藥架, 唔知pet central既醫生有冇俾藥佢? 同埋要keep住俾水佢飲同餵草

書話胃氣成因係兔兔腸開始停, 腸入面既食物發酵導致氣體產生
最普遍既原因係平時兔兔食既野纖維唔夠, 但太多蛋白質同碳水化合物
當然詳細既病因應該要由醫生check完話你知啦

有好轉就好啦..希望快d好番啦

兔兔胃好GAS真係可大可少, 聽日真係盡快帶佢睇第二個醫生啦~ 希望迪迪快啲好返~!!

迪迪, 迪迪媽~ 加油呀~!!

唔知依家迪迪情況點呢.. 希望有好消息啦~

睇到你打既最新情況真係好喇 ^^
迪迪仔真係乖 叻叻~~ 要快D好返啊 唔好要迪迪媽擔心喇~~~
迪迪媽你聽日睇完E生就報告最新消息俾我地知丫 THANKS^^

迪B已神速康復中!
屎屎量上升中, 今日已經不用食草粉, 自己食草了, 肚仔鬆返了, 餵口也回復了!
精神不錯, 已經會搞屎棍, 咬門咬紙同跑步!
同佢梳毛仲磨牙仔呢, SO RELAXING!

我今天無再去睇醫生, 因為見佢情況進步中, 還有少少腸胃蠕動藥要食,
不想再增添壓力比佢! 靜靜休養多多關心我相信是最好的藥物!
迪B嬲左一陣, 好快又變返嗲人既乖寶寶了^^

唔該晒咁多位! #^64^# #^9_003^#

迪迪好叻呀~ 你要再加油努力食多啲草, 疴多啲大大粒嘅屎屎呀~!!

恭喜哂呀!!睇到你咁講我都好開心!!
迪迪真係乖呀!仲好可愛tim!!

恭喜哂 =) 佢開心就會食多0的野架啦 #^39^#

迪迪真係叻~好開心聽到呢個好消息呢4~
迪迪要乖呀, 快d回覆番正常既食量同屎量#^74^#