亞布又有事?

今晚返到屋企..見到亞布坐係個廁所度扮波...推都唔郁....比零食他又食wo... .
點好?

亞布幾大啦??  之前有冇試過咁 ??
今晚再留意下, 睇下佢肯唔肯草, 飲水, 走動

想當年我yoyo突然之間有一日咩都唔食唔郁唔飲
好似就死咁
第2日正當想帶佢去睇betty時
就正常返
呢d可能就係人地口中所講既"假懷孕"?

亞布4歲咋.....今日放工見佢坐係個廁所度唔郁..平時甩到我實發晒癲咁企起身...
問過亞爸..佢話佢剛剛先食完菜..都冇野....我見佢係度孵蛋咪推下佢囉...點知佢好似痴住個廁所咁....打開度門又唔出黎....
我跟住拎d看門口藥比佢食...(幫助腸胃郁動)...又比左少少草粉佢食...佢都好肯食...
觀察左2粒幾鐘...剛剛見佢自己行埋個兜度食野...應該冇事掛...:056:

亞布係仔黎架wo..

肯食草就應該無咩事既
可能坐緊廁都唔定~

而家不停食野..都唔知好事定唔好事喇....又未有屎見到..

肯食野就好啦,  食完仲要消化幾個鐘, 無咁快有c出

希望啦..今晚真係比佢嚇死.....
衰野最近成日腸胃唔好...洗我好多$$$$$$$
不過冇事就抵返.

4歲年紀唔細LA...要小心注意飲食,零食可免則免

我隻仔腸胃都唔好~成日屙軟便~所以而家除左草乜都無得食~菜都唔俾!
以前我daddy mommy 好鍾意俾菜同生果佢~不過我下左旨而家唔得....我都係為佢先咁jar #^37^#
我買開野個老板介紹我食APD High fiber 多0的 fiber 佢食左之後0的便便係大左 =)

咁多位...亞布今晚回復正常了...比佢嚇死..多謝大家關心:054: