兔仔覆左診啦!!

尋日帶左兔仔去覆診啦!!
醫生話睇到佢有好返,,新GE毛都開始生返出黎啦!!
但係因為痕所以俾佢'拗'到損左,,
而家醫生俾左抗生素&止痕GE藥水佢食,,
每次仲要係成枝針筒咁長GE份量,,
跟住仲要再打多4次針(連埋尋日個次),,
聽到佢咁講我都放心左少少=]

不過尋晚餵兔仔食藥水時,,佢係咁掙扎好似痴左線,,
我想問咁樣係咪正常嫁?!?
今朝仲動用到3個人1齊餵佢,,
我阿爸係咁整大兔仔個口,,我勁驚整親佢,,
有無D咩方法可以令佢唔郁得咁勁呢?
(我今朝已經用外套包住佢,,都係餵得好困難呀)

  

駛唔駛餵草粉? 兔兔鍾唔鍾意食? 如果鍾意, 你可以將d兔兔唔鍾意飲既藥水加埋入草粉度比佢食. 如果唔駛食草粉, 你可以試下將d食淨既草碎+水+幾粒糧+唔鍾意飲既藥水比佢食, 你睇下得唔得. 最重要係你係兔兔最鍾意食既野度加埋藥水比佢食就ok.

因為抗生素係苦既,所以兔仔會唔鐘意食架,反抗都好正常

我之前會係反轉抱住佢,跟住就用針筒放响佢咀邊度拮入去,但聽d兔友講,反轉嚟食藥係唔好架,好易"近"親....
後尾就係當隻兔响籠果時用支針筒响佢咀邊度"了了吓"佢唔耐煩就會去咬支針筒,我就親果時"之"d藥入佢個咀度~~~

仲有,養兔仔食藥係唔駛整大佢個口架,用針筒响佢咀邊度拮入去就得架啦,小心唔好整傷佢呀

醫生無叫呀,,
兔仔未試過食草粉,,
所以我唔知佢鐘唔鐘意嫁,,

但係如果我將D藥水+水+糧+草碎,,
會唔會因為咁多野佢更加唔想食???

但係佢會漏返D藥水出黎,,
搞到成個下巴濕曬,,
其實可唔可以1邊餵佢食藥1邊又餵D餅氹下佢???
同埋我將佢平躺咁餵OK嗎???

坐係度餵好d, 反轉餵好易濁親/入左氣管

平躺??你意思即係反轉佢?反轉驚佢會"近"親wor.......
d藥水應該唔會漏出嚟架......你點餵呀?
我覺得餵d餅係氹唔到佢食藥架,同埋兔仔唔應該食餅架,對佢唔好,如果你想俾,佢食完藥之後可以俾一塊仔生果佢食,等佢個口裏面無晒d苦味,但真係好細塊好啦...同埋唔駛食藥之後唔好成日俾,因為生果糖份太高,又係對兔兔條腸唔好架.....

駛唔駛食草粉就要你自己打返去診所度問吓啦....

氹唔到既意思係佢食完餅就會走,唔會乖乖地坐定定食藥

睇醫生個時無教你喂藥呀﹖
係兔既咀中間分開個位, ,斜斜地隧支針筒入去之後就唧
其實文字好難形容, 唔知有無D 片係教喂藥呢..

如果唔識既，可以將兔兔放係枱面，
之後用自己個身頂個兔兔個屁，等佢無得退後，
跟住用自己隻左手手指公撥起佢右邊既咀，
就會見到門牙後有個空位，
就將枝針筒插入去，
其實都可以插得幾入ga，
你可以見到兔兔會好似平時食野咁，z型咁郁，
就可以將d藥打入去 ga la~

其實我都餵到ge,,
不過今次d藥份量多左,,
加上餵佢ge時候佢又會吐返d出黎,,
先想問下係咪正常ge,,

吐返出黎我就未試過，因為2隻都係追藥食 =.=
俾遲d都抓人....

係咪你將枝針筒放得唔夠入 ??

因為我通常都係聽到係話兔兔含住d草粉/藥，
好少聽到話吐返出黎，
如果吐得返出黎，我估係針筒放得唔夠入。

好少聽兔兔會吐返藥出黎
因為如果你快手既話你塞左枝筒入佢個口
一下吱入去佢通常都會順勢吞
我估你可能唔夠入仲係係個口出面所以D藥滴返出黎
你可以試下望佢個口 門牙側小小個位吱入去 小心唔好太入同唔好撞到佢D牙就OK

係lor,,個到冇教你喂呀?
因為我個d全部都係液體黎
所以我用針筒喂架
喂之前擺佢係台到先啦(同準備好你要既野)
喂既時候係用毛巾包住佢先啦
(通常包住左就唔係咁郁,)
然後就吸好d藥,好似 bonedog咁喂lor