草草一問..............

我想問下大家用開邊隻alfafa草???我用過兩3隻架啦,一隻係momi,一隻係oxbow,而家用緊apd,但係呢3隻都好多草碎,唔知邊仲有無邊隻無咁多草碎呢???kobi而家一個月就食哂,正唔正常???
仲有就係佢唔係好食t草,試過俾小左a草,佢都係唔係好食,有咩辦法令佢食夕d,而家一個草架既草食幾日都食唔哂,真係唔知點做好???
同埋想問多一樣野,就係KIBO幾多個月絕育好???醫生就話5個月就絕得,但係我驚佢未發育完成,兔爸就話聽醫生好D,但係我見你地都係6,7個月,有D仲8,9個月先絕,咁KOBI幾時絕會好D???因為佢係女仔,所以我會緊張D....佢由黎我屋企到而家情緒都好穩定,郁D就咕咕聲想咬人咁,唉..........可能我呢個兔媽太失敗吧,唔識點教佢先好,有時話佢都唔聽,一係就你話一聲停一下,之後又係咁............:024:

下... alfafa係咁多碎 ga wor....
你指一個月就食哂係....?! 一箱 alfafa ? 袋裝 alfafa ?

唔多食t草，咁你或者將a草當糧咁樣，早、午、晚各俾一碗佢，
timothy 就長期供應，睇下得唔得，
因為呢個問題而家你唔同佢改變，到佢真係要停alfafa既時候，
要同佢改變會比而家更難，或者用辦法要俾佢知道，如果唔食timothy，
主人唔會俾alfafa。
有時候忍心少少，同佢玩心理戰。

絕育個陣時我問過大圍個dr peter，
佢就話等到兔兔發育穩定d先做就安全d。

[ 本帖最後由 lingyan 於 2010-2-8 05:46 PM 編輯 ]

我諗隻隻牌子既alfafa草都係碎架啦...因為本身係草既問題而唔係牌子問題

請問你隻兔兔幾多月大呢...7個月以下的兔兔都應該比多些alfafa草兔兔食, 因為呢隻草既蛋白質及鈣質較一般牧草為高, 有助於兔兔骨骼成長

幼兔主要係食 ALFAFA 草，
混少量 TIMOTHY 草用黎俾兔兔習慣食呢隻草，
因為到左成兔以後，兔兔就主食 TIMOTHY 草。

不過對於幼兔食 ALFAFA草有一點要留意，
就係會有兔兔因為食得太多 ALFAFA 而 ALL 軟便，
如果發現佢有軟便，就要停佢 ALFAFA草，
只俾 TIMOTY 草，直到佢便便再正常返，就再俾 ALFAFA 草。

因為A草係好香架所以呢兔兔係好鍾意食..請問你隻T草咩牌子呢?

RE LINGYAN&GOODY09:唔該哂你地先,KOBI而家都5個幾6個月大架啦,我隻T草係MOMI CUT1,佢一個月係食哂袋裝個隻A草,但係我有個問題想問好耐,就係有D人就話係T草全日供應,A草同糧就早晚俾一次,但係有D人就話係A草全日供應,咁即係個個先岩???
我習慣左一收工就同佢換籠同俾A草同糧佢,但係有時見佢食T草,我就突登夜D先餵,等佢食多D,同埋會唔會有邊隻牌子既A草比較無呾多草碎呢???草碎佢地又食唔食得定係要掉左佢???

如果兔兔腸胃okay, 全日供應A草是可以的, 如果發現有軟便, 可以混Timonthy
幼兔發育期需要好多營養, 蛋白質, 鈣等. 唔需要擔心營養過多

兔兔六個月大前都應該無限供應A草, 但因為有少數嘅兔兔食得多A草會疴軟便, 所以就會建議俾T草做主, A草早晚, 但一般兔兔冇任何不適, 最好都係無限供應A草。

兔兔對T草嘅興趣多數會冇對A草嘅興趣咁高, 因為A草比較香, 但兔兔六個月後就要轉晒T草, 所以, 通常五個月倒就開始給予T草混於A草中俾兔兔食, T草嘅份量按日子慢慢加, 直到六個月至七個月大就全面停A草, 咁兔兔喺慢慢轉嘅情況下, 通常都會轉倒嘅, 所以你嘅兔兔依家五個幾六個月大, 就應該要係轉草中喇~ 越遲轉, 越難轉~!!

絕育方面, 女仔最好過咗六個月先絕, 因為等佢發育穩定先做會好好多。

re wesky&波子;我諗而家都算減緊a草吧,因為kobi一番黎個時到而家都唔係無限量a草,個時唔太識,個sales叫我T草全日,A草同糧就一日兩餐,草就每次一手,糧就早晚2匙,後來呢度有個兔友同我講番係應該早晚一匙,之後都唔見佢有咩唔舒服,因為想佢食多dt草,所以而家我將a草減左份量,但係我想問一下,到佢完全停左a草,係咪只係餵t 草同糧???咁樣兔兔會唔僧唔夠營養???

[ 本帖最後由 kikocheese 於 2010-2-9 01:28 AM 編輯 ]

你隻T草係moni 1 cut..呢枝好粗..未必隻隻兔都食..你一係轉下oxbowT草..睇下會唔食多D T草...

到成兔係應該唔食A草..但係你可比果樹草..燕麥草..香草混T草比兔兔食...仲可比菜菜兔兔食..

[ 本帖最後由 Goody09 於 2010-2-9 10:35 AM 編輯 ]