兔兔的下巴生了東西 --人道毀滅 ( update)

hello~
其實呢個post 上個星期我已經打好左, 不過我無post 出利,直到今日....

我隻傻兔就快要離開我地, 我同老公未決定邊一日,

我地實在好唔捨得,直到而家都未接受到

上個星期去左復診, 醫生話隻兔有2 個膿腫係下巴到,

第一個不幸地復發, 第2個因為連住左下巴ge骨, 唔可以做手術,

就算做左都無用,因為隻兔個下巴結構破壞左, 呢一世都會不停生膿腫.

所以醫生話比傻兔離開, 因為要不停做手術對兔兔好唔公平,

而且連醫生都話隻兔太瘦 ,由3,5 kg 跌到得返 2,8kg ,

愈食愈少, 成日訓係床到, 我都明白呢個情況...


現家每一日都要打兩支針, 應該係抗生素果種針,

幫助殺細菌, 當然遲早會出現抗藥性,到果時醫生話比兔兔離開.

我同老公好想兔兔可以無事, 傻兔得2,5 歲, 敢快就要去彩虹橋...

今日兔兔又要去復診,都係決定仲打唔打針, 我唔知應唔應該...

我好自私,寧願想傻兔受苦都唔想離開我,每一日望住隻兔,

我都唔知點算, 好無助...

以下我隻兔的傷口 ~ 同我的小天合照...








**************************************************************************************

頭先去左復診, 今日見另一個醫生, 呢個醫生終於肯講英文!!之前果D 死都唔肯講英文!!
我問左好多問題, 明白左好多野, 由其關於膿腫~
我覺得隻傻兔好叻女, 因為今日醫生同兔兔磅重 ,終於有3 kgs !!
醫生話個進展唔錯, 只要肯食野, 體重唔跌 ,第2個膿腫唔變大 ,
傻兔仲唔洗離開 ,聽完之後,好開心!!!
雖然最長都係幾個月 ,最短幾個禮拜 ,我唔知傻兔係屬於邊一類,
不過暫時我都唔會比兔兔離開我, 下個星期再復診!
----------------------------
好多人問我見邊個醫生 ,
我住係德國 ,而呢個醫生係人地介紹比我地 ,
咩動物都會醫ge , 我見連警犬都有, 所以應該信得過!
其實我都好想帶傻兔去香港 ,不過算啦 ,現家我知傻兔好快會離開,
我同老公每日都幫兔兔影相 ,陪兔兔玩 ,珍惜時間 ma~
我唔知自已仲有無信心再養兔仔 ,雖然我同呢隻傻兔相處左2 年only ,
但係我成個心都比 呢隻衰兔偷左...:070: :070:

[ 本帖最後由 rabb_guni 於 2010-2-23 01:39 AM 編輯 ]

你睇邊個醫生呀?
不如睇多幾個醫生, 睇下其他醫生點講!
一個咁重要o既決定,
我覺得須要睇多幾個醫生,
穩陣啲好~

打唔打針, 每個人睇法都唔同

我個人唔支持打針, 因無人有權決定另一生物的生死..... 不論你有冇宗教信仰
該他活到生命最後一刻

會考慮問多個醫生意見嗎..

比著我...我一定不會落這個送他一程的決定...

有想過兔兔都捨不得你嗎...

是很難過.很心痛..但就是不捨得

不如再睇下其他醫生點講再下決定~
如其 你與 丈夫每天都跟兔兔像倒數日子般的過
不如三位一體積極打倒病魔!!!
不要忘了mini house 這份正能量都會支持傻兔的!

係呀,不如試下再睇其他醫生...
不過點都好,您要好好陪住佢呀,一齊對抗病魔啊

我們會支持你~~
反正都打了輸數 不如多看醫生睇下其他有冇方法
加油

我明白你既心情，換著係我，我都唔知點做...
不過要記得一日活著,一日都有希望,
佢越食越少,可能係咀嚼因為腫瘤阻住佢,就餵草粉幫佢增重增抵抗力,
你要積極D話比佢知道我陪住你,唔洗怕怕*
因為如果你驚你擔心你唔開心,都會影響佢架嚕=]
我都養過傷殘兔兔,其實佢地知道你無野,佢就會越黎越堅強去面對自己既生命*
有咩記得搵我地吖,有咩唔開心,要PO上黎,
我第一個衝出黎幫你架=]

對牙！打唔打針, 每個人睇法都唔同
我既決定係如果真是努力到最後，連佢都失去生存意志
我會選擇放佢走
我會寧願自己傷心，都唔想佢受苦

rabb_guni,

不如你帶傻兔睇多幾個醫生
你有冇睇過大圍 Dr. Tiger/Lim 或者 九龍城 Dr. Betty/ Yan?
唔好放棄住呀
可能會有一個醫生會醫得好呢

樓主好似係住係外國,可能真係未必搵到第二個醫生識睇兔兔~

睇完你個post
我都試下用你既立場,情況去諗
可能我都會同elyse一樣
盡可能努力到最後....
因為我睇d相,兔兔好似都仲有精神~
如果真係有一日,佢連野都唔食....意識都唔再清醒,
我會考慮比佢離開,但當我仲見到兔兔有意志既時候,我唔會放棄~
因為我睇得見你同你老公都好愛兔兔~

兔兔知你地鍚佢架~希望佢會努力~
同時真係試下睇有無第二個醫生搵得到丫,
搵多個希望~
希望兔兔可以吉兔天相,

多謝你!! ( 仲有大家!) 我好開心有人可以同傾計 ,唔係我都唔知點算好 ,
自從隻傻兔有事後 ,我地去見醫生 ,打針 ,做手術 ,
好多人 會覺得我同我老公真係痴線...哈哈
我地仲未知成個療程用左幾多錢 ,單係手術用左80 歐羅 ,未包針,藥..etc
係德國兔仔好平 ( 兔仔唔計係寵物, 呢邊有好多兔肉買 tim ) ,
5 - 20歐羅咩品種都有 ,我老公個爸爸識好多農場ge 人,
他問過我,呢隻兔走左後, 可以送隻免費兔比我 ,
之前隻兔未出事前 ,我有想過要多一隻兔 ,
不過現家咩兔我都唔要 ,我唔係一個好主人 ,
一隻得2歲 ge 兔比我搞到敢 ,好失敗...
無論如何 ,我都會陪隻傻兔走咪呢段路,
我好自私,好貪心 ,我好想隻傻兔永遠都會記住呢個衰主人 ,haha :053:
仲有,我呢隻兔真係好叻 ,好似識魔術敢 ,偷左我同我老公個心 ,
( 我老公養過好多兔仔,但係第一次為左隻衰兔喊,流眼淚,
好好彩現家隻傻兔仲好精神 ,狂食草 ,好堅強,偶然間會磨牙 ,( 聽醫生講因為下巴痛=(
我會同我老公講找另一個醫生 ,睇下仲有無辦法醫, thanksss

兔兔生膿瘡~可能係本身有d菌感染左~
又或者係潛在係身體入面好耐~
唔一定係你呢個主人既錯~~

你地錫佢~佢feel到既~
既然兔兔依家咁堅強~加油陪佢一齊打仗la~
就算真係最後醫唔到都好~
多d係黎緊既日子陪佢~錫佢~等佢繼續開心生活落去~
無論時間長定短都好~~兔兔係呢世兔入面過得開心~

加油呀~

傻兔肯食草草..比精神,堅強的一面你睇..

就可以証明兔兔好愛這個家..不想放棄生命...不想放棄爸媽

兔兔勇氣的撑下去..你又點可以氣餒...你都一定要加油