你地有無抽濕機呀?

近日天氣潮濕 人同兔都覺得好辛苦
我屋企d衫晾左兩日都吾干 塊地仲痴立立tim...
加上又驚兔兔因為潮濕而生虱
考慮緊買吾買抽濕機 大拿拿幾千蚊真係要審慎d ^^"
想問下各位兔友意見 分享下~

[ 本帖最後由 珊迪小姐 於 2010-2-27 06:07 PM 編輯 ]

用左抽濕機真係好好多
尤其是見到竟然可以抽到成幾公升水:067:

上年買咗個陳列品, 都係 1300 蚊, 又抽得多! 你可以周圍睇下!
上年我主要用黎乾衫, 都冇咩因為濕而開, 今年真係濕好多.....很討厭...

無諗住買，如果買抽濕機我就寧願買空氣清新機....

唔知點解我會覺得，屋企都會打開窗，
空氣咁流通，抽左d濕又有新既空氣，咁其實有乜作用 ??

我有開抽濕, 濕漉漉既天氣好難頂. 空氣清新機我都有, 同抽濕係功能係唔同既.

我都覺得..寧願買空氣淨化機好過買抽濕機..
都唔係成日用, 開冷氣機都得..
而且無地方擺咁大部機

成間屋好多地方霉咗.. 天氣好返時要油過幅牆

原帖由 PhoenixY 於 27-2-2010 11:31 PM 發表
我有開抽濕, 濕漉漉既天氣好難頂. 空氣清新機我都有, 同抽濕係功能係唔同既.

唔係呀，我知兩部機係唔同，
但係我有一個疑問就係 .....

開左抽顯機之後就將屋入面既空氣抽乾D，
等濕氣無咁重，但係屋企都係開窗 ga ma，
即係有新鮮空氣流入啦，咁其實作用係咪唔會好大 ?
定係開左抽濕機就要將窗關細 ??

原帖由 lingyan 於 2010-2-28 04:43 AM 發表


唔係呀，我知兩部機係唔同，
但係我有一個疑問就係 .....

開左抽顯機之後就將屋入面既空氣抽乾D，
等濕氣無咁重，但係屋企都係開窗 ga ma，
即係有新鮮空氣流入啦，咁其實作用係咪唔會好大 ?
定係開左抽濕 ...

我都唔太清楚, 但我通常用抽濕機時會關窗, 但抽濕機會放出熱氣令到室温熱, 咁我都同時開埋風扇.

通常是把抽濕機放在密封的房間進行抽濕~~

原帖由 PhoenixY 於 28-2-2010 11:04 AM 發表


我都唔太清楚, 但我通常用抽濕機時會關窗, 但抽濕機會放出熱氣令到室温熱, 咁我都同時開埋風扇.

今日唔知兔妹係邊到搵到個抽濕機 ...
開左之後 .... 機後面都幾熱 =...=||||

不過今日好似大風左同凍左，應該都唔駛用呱...

無.
呀b屋企都好通風, 最濕果幾日佢屋企都冇事. (打開哂大門和窗)
我覺得開冷氣機好過用抽濕機, 因為抽濕機開得耐會熱同個人好乾燥... 又唔洗比個位擺多部機@@"

((其實抽濕機有分唔同L. 如果屋企近山... 要買大容量d, 如果唔係會冇咩用/成日倒水..................))

本身都有諗過買, 但諗左好耐, 抽濕又要關哂門窗係室內進行, 又會令室溫上升..
咁兔兔係密室入面開風扇都好辛苦..所以我都揀晾完衫之後開冷氣...
反正濕立立得都又悶又焗