Bonding

波子同湯丸因為唔同嘅突發病已經離開咗, 依家就只剩下Cookie一個, 可能因為佢之前知道仲有波子同湯丸, 令到佢每似出嚟玩都好似搵緊佢哋咁, 經我同兔爸商量後, 諗住喺加拿大兔協度領養兔兔, 不過, 我未曾試過同兔兔BOND, 好想大家俾啲意見我~

究竟BONDING同性別有關嗎?? 即係係咪一男一女易BOND啲?? COOKIE係男仔, 我應該搵女仔定男仔好?? 你哋成功BOND嘅例子, 又係兩隻乜嘢性別呢??

其實聽日會去見一隻灰色嘅LIONHEAD, 係男仔嚟嘅~ 不過, 都要睇下佢嘅性格如何!! 呢邊兔協嘅選擇唔多, 如果真係搵唔倒啱, 咁就應該會去買一隻, 不過, 係最後真係睇唔啱先買, 因為我哋都希望可以係領養嘅~!!

俾大家睇下我聽日會去睇嘅兔兔呀~ 希望大家都可以俾啲意見我~ 唔該晒~!!

依隻兔兔都幾可愛牙!
我屋企只有噹仔一隻兔 所以我都未試過BOND兔
不過我諗最重要係睇下兩隻兔既性格夾唔夾
性別都係其次既 因為我見好似好多兔友女女又得男女又得男男都得
HAHA 希望你搵到岩心水既兔兔陪COOKIE啦!

呢隻好可愛wo!
我中意佢d毛色~~~

我成功bonding的是兩公公, 佢地而家好friend. :032:

就算其中一隻未絶育都好難相處, 所以兩隻絶育了就最好.

原帖由 uumeme 於 2010-3-1 13:53 發表
我成功bonding的是兩公公, 佢地而家好friend. :032:

就算其中一隻未絶育都好難相處, 所以兩隻絶育了就最好.

領養呢隻同我家COOKIE都已經絕咗育。
想問問... 你用咗幾耐時間BOND佢哋呢?? 佢哋係一齊返屋企定係分咗先後咖?? 咁開始時佢哋有打咬嗎??

唔好意思~ 咁多問題~ 因為我聽日去到就要決定領唔領養呢隻男仔~ THANKS!!

我答啦

起初都係分開養，佢地見到係互咬，就算兩隻都變左公公都打，因為兔兔聞到第二隻兔的味道。（我估）
於是我地就張兩個兔籠放在一起，等佢地又聞到，又睇到對方，跟住就俾佢地走去對方的籠內，耐左，佢地好似無左地盤意識，一齊食野。

而家佢地都走埋一齊好開心，走來走去

其實好睇兔既性格, d人就話一男一女就易d, 但都有同性bond到既例子..
最重要係絕育..有地盤意思就難啦..

但cookies 先前同走左既2隻兔fd 唔fd架﹖
不過bond都需要時間. 唔係個個都短時間可以~

我自己覺得係一男一女會易d。
之前miffy同2隻兔囡囡都好易夾得到，
但係而家都咕仔都仲未夾得到 ....
地盤意識真係好大 ....

原帖由 lingyan 於 2010-3-1 06:57 PM 發表
我自己覺得係一男一女會易d。
之前miffy同2隻兔囡囡都好易夾得到，
但係而家都咕仔都仲未夾得到 ....
地盤意識真係好大 ....

其實個人覺得好似愈早做愈育既兔仔地盤意識相對係小好多..唔知係唔係錯覺..
總覺得遲愈遲絕育既就算做左之後個地盤意識都有番咁上下

個人觀感(唔係準確架)

bondingo既野好難講~可能好易夾到~可能未必bonding到~!

你個心唔可以有肯定bonding到~!

因為我2隻兔~一齊生活左2年啦~!oreo(仔)好中意糯米糍(女),

但糯米糍一d都唔中意oreo~!見親oreo就咬佢!

糯米糍一早就絕左育~之後oreo都絕埋~都冇用~!

試過好多方法~一齊食糧~去唔同地方bonding~

可能我隻糯米糍怪異左d~特別例子~!

bonding唔到~好辛苦架~!放出黎玩~要分開時段~!

龍要洗2個~!

ya 係呀，
我而家都未bond得到，
加上一開始 miffy 就打咕仔，
個一刻我都無希望過佢地會 bond 得到 ....

miffy 一見到咕仔出黎玩，
佢就發出一陣好強烈既味道 (臭腺味...)

多謝大家俾我嘅意見呀~ 我明白唔係隻隻兔兔都可以BOND倒, 不過, COOKIE真係日搵夜搵, 尋晚一拎個籠(湯丸個籠) 出嚟佢好快就跳咗入去~ 同埋佢成日都好似好唔開心咁, 兔爸又成日要返工, 我又唔係長期喺呢邊, 所以都想搵隻兔兔陪下佢~ 我都預咗有機會BOND唔倒, 所以諗住BOND唔倒就會好似以前咁泊埋兩個籠等佢哋隔籠相處, 當然BOND倒就最好啦~!! 而COOKIE本身都唔係痺氣大嗰啲兔兔, 好易氹, 我諗佢啲性格都會易相處, 只係怕新嗰隻兔兔性格太剛~ 一陣就會出門口去睇呢隻LIONHEAD, 領養嗰個姐姐話佢都好文靜, 幾乖, 但就話LIONHEAD嘅性格比較大哥哥, 所以, 我都仲係考慮中, 見咗睇下點先決定~!! 本嚟想搵女仔俾COOKIE諗住會易BOND啲, 但呢度嘅兔女真係好少, 之前睇中咗兩隻, 一隻已經俾領養咗, 一隻就係唔行木地板嘅, 但我成屋都係木地板~!! 有啲品種太大隻, 我怕COOKIE見倒咁大隻會驚, 同埋好似被比下去...
雖然若果睇唔啱會諗過買, 但就係怕買咗返嚟未絕育嗰陣隻新兔仔會蝦COOKIE, 呢啲問題又係我要考慮嘅~!!

真係碰運氣咋, 希望cookie仔同新兔夾到啦
有時兔兔自己唔中意
我地點努力都無用

波子媽 恭喜曬呀 你又多隻仔仔 ^^~
我都算bonding十分成功~~ 喵喵同飯飯bond得好好 依家都糖痴豆
你有咩唔明msn問我丫 ^^~~~
個人覺得仔同女 同 仔同仔 同 女同女 跟本無咩分別囉~
一黎睇返佢既性格 2黎係睇主人你~