三月一日係我同兔爸嘅拍拖週年紀念, 亦係我哋接"Donut"返屋企嘅日子, 所以, "Donut"係我哋嘅拍拖紀念兔呢~^.^
Donut數月前喺街度俾人發現咗, 之後就有好心人送佢去到"多倫多動物協會", 經過"多會"一番照料及進行絕育手術後轉往多倫多兔協"Rabbit Rescue Inc.", 一個月前"Rabbit Rescue Inc."將"Donut"送到安省"Belleville"嘅一間寵物店暫養待領。早幾日, 我喺"Rabbit Rescue Inc."嘅網頁見倒"Donut", 覺得佢好合眼緣, 雖然本嚟諗住搵兔女收養, 但因遲遲都未有合眼緣嘅, 咁就決定去見一見"Donut", 兔爸辛苦地駕駛兩個小時車程去到"Belleville", 終於見倒"Donut", 開初"Donut"顯得好怕人, 但玩熟咗之後, 原來佢都好活潑咖~!! 經過個多小時嘅相處, 我同兔爸都決定接"Donut"返屋企, 希望可以俾一個溫暖嘅家俾佢, 唔會再俾人遺棄。
"Donut"返咗嚟屋企之後, 我哋安頓好佢嘅居所, 就放佢入籠等佢自己休息, 估唔到.. "Donut"好乖... 適應力又強, 唔駛幾分鐘就已經識喺草架食草(因為之前佢並冇用過草架), 又識飲水, 仲識得去廁所TIM!! 同埋我怕佢啱啱返嚟唔識去廁所會尿尿, 所以都舖咗尿片, 佢竟然冇咬過, 真係乖仔都不得了呀~!!
其實, "Donut"又可愛又乖仔~ 都唔知點解佢前主人咁捨得, 咁忍心唔要佢囉~!!!
呢度就係"Donut"嘅歡樂天地喇~!!
因為"Rabbit Rescue Inc."都唔能夠確定"Donut"有幾大, 只係估計大個六個月, 咁我哋就當"Donut"係一歲, 以後每年嘅三月一日除咗係我同兔爸嘅拍拖紀念日, 仲係"Donut"嘅大生日tim~!!^^
[ 本帖最後由 波子 於 2010-3-2 01:11 PM 編輯 ] |
|