草粒食完唔洗剪牙??

鬆毛下星期要去剪牙, 今日帶佢去兔協剪甲甲時, 佢地話鬆毛太老, 要麻醉好危險, 話有隻草粒好犀利既, 比佢食完可以唔洗去剪牙都得, 但佢地咁岩冇貨, 想問個隻係乜野草粒黎架? 係咪好work架?
因為我都好擔心8歲既鬆毛要麻醉會頂唔住丫,........

我覺得鬆毛都8歲啦,麻醉真係有一定既危險性,你可以比鬆毛試下果隻草粒先呀!但係至於果隻草粒係咩牌子我就唔知啦,sorry呀!

係門牙過長 ??
草粒對門牙就會有用，但對入面個d就無乜用。
邊種草粒我就唔知，因為我都第一次聽到話草粒對牙長有用。
但一試無妨，如果真係得既就可以唔駛去剪，
唔得既話都無辦法，牙仔太長後果都幾嚴重。
不過識醫兔既醫生應該都可以同你分析得到。

草粒係咪即係草磚呀?
我都有聽人講過食草磚有幫咗磨牙,
但係只限門牙而矣!
草磚都有好多個牌子, 有唔同味添!
但係我就唔知道佢哋所講o既係邊隻牌子~

唔知會唔會係高山草粒呢??

你講既係呢隻草粒.

APD Mountain  Grass Smaks 高山草粒

吾....草粒其實我覺得一試無防呀 又吾係貴
都吾會話對身體無益既 都係用草做的
如果試幾日比醫生check下係有進展既 甘就吾駛冒險打麻醉針啦
問下醫生意見先決定囉

我都建議試左草粒先, 8 歲要麻醉好似好危險呀!

你隻兔兔廋唔廋架?:055: 我隻兔仔都有呢個問題,我買咗包燕麥草比佢食,又長又粗枝,起初我都驚佢唔肯食,因為T草D粗枝佢都唔係咁鍾意食,掂知佢食得好滋味,仲食到習習聲,:031: 而家每星期都肥咗DD,D牙仔比未食之前短咗好多,:021: 不過我問過DR.YAN話燕麥草只可以當零食,唔可以當主草食,會影響腸胃架,所以我都係早晚比小小佢食,我覺得幾WORK,草粒我都買過,但佢食咗五六粒就停口,我已經放棄咗:013:

鬆毛已經剪左牙仔喇, 好彩一向生命力強既佢, 能夠頂得住麻醉( 真係擔心死我....):050:
佢都復原得好快, 醫生話驚佢唔食野, 要每日早晚比各二十支草粉佢食, 但佢一向都對草粉好反感, 我都諗梗點餵佢, 第一晚餵左4支已經用左我一個鍾時間, 佢仲要發哂脾氣, 係我度癩尿, 放佢落地下又即刻噴尿, 真係激死.......即晚佢已經很食好多菜同食返草, 真係抵鍚!:023:
但而家煩惱梗益生菌同藥丸唔知點餵好丫, 大家平時點餵兔兔架?

益生菌如果唔用草粉溝~
同水溝都得架~
你可以開少少水,溝到大約一支針筒咁la~
反正都係難食...一支過~
襯佢反抗快快手唧入咀

藥丸呢...我就係整到好碎好碎之後溝草粉既~
或者...你可以試下又係溝到一支草粉既份量,
我記得好似開水都得~(最好問一問姑娘)

鬆毛真係叻~
以後要勤d食草~唔好再比牙仔生長喇~
其實佢地d習慣好難改,
希望佢肯食多d草la~
同埋可以同時比草磚佢相管齊下~
因為牙仔長過一次~就可能keep住以後會長架~因為兔兔習慣左唔食草磨牙仔~

鬆毛加油呀!!
乖乖食藥呀