好多問題：（

各位親愛既兔媽
我有幾個問題想問好耐，搞左我好耐下：（
比較長，請比小小時間睇一睇:001:

1）隻肥婆仲未識得去廁所，佢一向柯尿都係左下角，但我個廁所係放左上角
我唔敢轉佢D 傢私位，驚佢又發我脾氣（隻肥婆脾氣大到冇人有:054: ）
咁我其實應該要就佢，將個廁所放去左下角，定係繼續將佢啲大小便入去左上角既廁所呢？
然後昐望大小姐有朝一日會識用廁所呢？
PS：我一開頭比人呃左，用左木糠做成個籠既墊材，用開左，唔敢唔用，因為驚兔兔會搞到自己勁污糟:056:
所以依家係集中左下角（即佢柯開尿既地方）放勁多木糠，其他籠既地方就舖好少既木糠
咁其實我又係米應該狠心啲，依家起淨係廁所先舖木糠呢？（我想佢識用廁所先用紙砂，經濟問題）

2）肥婆個籠係冇門口，得上面有一個開蓋式既入口，佢又唔肯比人抱（又係一掂佢就走果啲衰妹），就算想抱佢出黎玩，都搞好耐
唔好話要捉返佢入去．．．起碼要半個鐘至9個字時間（所以搞到我成日遲到，唉）搞到我都唔係咁想放佢出黎玩．．．
我想知其實我係米要轉籠？因為我唔放心比佢自己跳出個籠玩，驚佢整親啲手仔腳仔，迫住要我親自抱佢出黎（由個籠捉佢出黎我諗都到十至十五分鐘，陰公:043: ）

3）佢啲手仔腳仔黃GUM GUM！我有咩方法可以整返乾淨佢啊？

唔該哂大家花咁多時間睇哂佢．．．
希望各位兔媽可以打救下我呢個可憐既兔奴：（:025:

THANKS！
附上一張肥婆的不屑樣:025:

問題1 木糠唔用得
問題2 佢鍾意左下就左下,左上就左上,廁所位一定要就佢愛好咁放......
問題3 佢唔鍾意唔好迫佢出籠玩,
問題4 轉籠會好d,因為門口應該要在前面的,我估你個籠應該唔係for rabbit 用的
問題5 手仔腳仔黃係keep住用溫水清洗,不停咁用毛巾抹,千萬不要剪走變黃的腳仔毛,剪去會較易生腳瘡的

1.如果佢未識去廁所 籠底點都要用墊料嫁喇 否則會尿傷手腳
木康...如果無計之下可以考慮訂兔協的木康 大片好多又除塵殺菌
又或者用尿片啦 好多兔友都有用
但長遠來說梗係教佢好廁所好啦 放廁所要睇佢痾邊個角多
佢一直都係去左下角嫁?
ps 其實佢都吾係好肥姐 =P

你用咩籠呀 你睇下兔友post果d籠 用你果個係咪size差好遠啦
照計通常前面會有個門 吾駛抱兔 有時一開門兔地就會自己出來嫁喇
不如你post張籠相來參詳下丫

1）用左木糠都有幾個月，突然唔用，兔兔會唔會唔慣？
2）明白：）
3）其實佢好好好鐘意出籠玩，朝朝早佢都係咁撞籠，嘈我放佢出黎玩．．．
次次捉返佢入去，就發哂脾氣，轉哂草球啲草出籠．．．撞到個籠都-_-
4）一次過又轉唔用木糠，轉廁所位，轉籠會唔會唔係咁好？我驚佢會驚．．．
因為上次用醋洗一洗佢個籠，入到去佢已經驚到係咁震同撞籠．．．
5）明白！

唔該哂你！:050:

原帖由 珊迪小姐 於 2010-4-13 12:16 PM 發表
1.如果佢未識去廁所 籠底點都要用墊料嫁喇 否則會尿傷手腳
木康...如果無計之下可以考慮訂兔協的木康 大片好多又除塵殺菌
又或者用尿片啦 好多兔友都有用
但長遠來說梗係教佢好廁所好啦 放廁所要睇佢痾邊個角多
...

係啊∼幾個月黎都係係左下角柯！
我都有見到好多兔友有用尿片，但我都係怕佢會唔慣：（
我好努力教緊佢用廁所！:061:

PS：佢變波既時候真係肥到冇人有：D:033:

[ 本帖最後由 faincha 於 2010-4-13 12:27 PM 編輯 ]

1. 唔用唔會唔慣的,但要小心,有些兔兔會鍾意食木粒/豆腐粒/貓砂的!所以墊材只可以放在廁所內!
3. 佢唔係撞籠,佢只係跳下跑下即,不過佢都應該想出黎玩既(唔好講到兔兔有自殘傾向至得gar ^^)
4. 反正遲早都係轉,你見到出籠玩果時,轉個廁所位,如果你仲係怕佢唔習慣既話,你可以另外加個盒入去放返舊廁所位....塞返住個舊位.....過多三、四日先拎返走個盒lor.......

原帖由 珊迪小姐 於 2010-4-13 12:19 PM 發表
你用咩籠呀 你睇下兔友post果d籠 用你果個係咪size差好遠啦
照計通常前面會有個門 吾駛抱兔 有時一開門兔地就會自己出來嫁喇
不如你post張籠相來參詳下丫

岩岩捉返佢入寵就發哂脾轉到周街都係草！:026:

原帖由 Maggie 於 2010-4-13 12:30 PM 發表
1. 唔用唔會唔慣的,但要小心,有些兔兔會鍾意食木粒/豆腐粒/貓砂的!所以墊材只可以放在廁所內!
3. 佢唔係撞籠,佢只係跳下跑下即,不過佢都應該想出黎玩既(唔好講到兔兔有自殘傾向至得gar ^^)
4. 反正遲早都係轉,你見 ...

哈哈，我有時真係驚佢撞寵會撞到自己頭都暈:026:
都唔知係米女仔黎，大力到喊．．-v-

你幫左我好多啊，THANKSTHANKSTHANKS！：）
我代隻肥婆多謝你救左佢一命：P

好好奇咁想問...
兔兔幾個月嚟都係喺左下角疴, 咁點解你要放個廁所喺左上角??? 係你想佢去左上角嗎???
兔兔唔同人, 唔係見倒個廁所就識去, 佢明明係去左下角嘅, 你放廁所去左下角, 佢就咪會識去囉?? 咁就唔駛喺籠舖墊料啦~!!

你個籠好細, 門口喺上面, 應該係FOR小天用嘅~ 我建議可以嘅話就要轉籠, 轉個大啲同埋門口喺前面嘅, 因為正常兔兔要住一個俾兔兔大兩至三倍嘅籠, 兔兔先夠地方郁動, 除非你係放養啦~ 不過, 我諗你都唔係。

墊料方面, 如果你放返個廁所喺左下角, 我諗兔兔就會識去咖喇~ 咁唔需要再舖到成個籠都係, 你就轉紙沙或者環保貓沙啦~ 幾好用又唔會有味~!! 木糠對兔兔嘅呼吸導唔好, 你為咗慳而用, 兔兔一下因為咁病只會因小失大, 亦會令兔兔因病而捱苦。

同埋我發覺你個籠冇乜草, 成個草球架都冇草, 點解會咁?? 兔兔係要24小時無限量供應草咖~!! 糧就早晚各一餐, 每餐一平湯匙, 食完就拎返個糧兜出嚟, 唔好放喺籠, 兔兔跳下跳好易整親嘅。

另外我想問, 個水樽喺邊呢?? 唔見有水樽嘅??

草球架側邊白白哋色嗰舊係咩嚟咖??

原帖由 波子 於 2010-4-13 12:52 PM 發表
好好奇咁想問...
兔兔幾個月嚟都係喺左下角疴, 咁點解你要放個廁所喺左上角??? 係你想佢去左上角嗎???
兔兔唔同人, 唔係見倒個廁所就識去, 佢明明係去左下角嘅, 你放廁所去左下角, ...

因為我一開始放個廁所係係左上角，頭果一、兩個星期佢未有固定小便既位置∼
係後期先係左下角柯，一路唔敢轉位係驚佢會唔慣 ．．．（依家覺得自己好傻仔:026: ）

張相未影哂個籠嫁其實：）
不過我諗我LATER 都會轉籠，大家都好似認為轉籠對佢好啲：）
其實我諗住佢再大少少就放養嫁（佢依家四個月到）
因為我以前養果隻賓尼都係放養既，佢SIZE 較大唔會四圍“捐”同埋佢會比我抱，可以叫到佢返屋企．．．

哈哈，係因為個死仔頭先發脾氣轉走哂啲草，我未加返落去姐：）
放心，我一定會24小時無限供應草比佢，唔係邊得黎佢肥肥白白:033:
至於個食物碗，明白：）我會拎走嫁啦

水樽掛左係佢柯尿既地方∼即係左下角（相未影得哂）

那是一舊磨牙石∼

咁你快啲擺返個廁所喺左下角啦~ 兔兔係有自己嘅習性, 你一定要跟佢啊~!!

至於磨牙石, 兔兔係唔需要咖~ 磨牙石入面可能有啲物質並唔適合兔兔食用, 好易引至腸停咖~~!! 其實食多啲草已經有助兔兔磨牙咖喇~!! 快啲拎走舊磨牙石啦~!!

聽你講之前都養過一隻兔兔, 照理你應該會有一定嘅養兔經驗, 但... 我個人覺得你對養兔知識依家好貧乏, 如果你係有心養兔, 想為兔兔好嘅話, 俾啲時間去論壇嘅兔兔寶典, 兔兔飲食同兔兔健康嘅版爬下文啦~ 對你對兔兔都會有好大幫助咖~~~!!

廁所應該要依佢個習慣，放返係左下角吧… 但係個廁所要固定！因為有D兔仔鐘意玩廁所#^71^#
木糠要放棄用了… 會對兔地呼吸系統唔好的！

以下少少建議：
- 換個兔仔專用GE籠、
- 買返個走珠式水樽 (兔仔每天都要喝凍滾水! 而且要無限供應，即係佢想飲隨時都飲到)、
- 固定廁所，以免比佢"FING"、
- 草架和水樽放係廁所附近，因為兔地一路食一路便便、
- 草架要放滿草草 (全天侯供應，兔地要成日keep住食草，唔食野會腸停有生命危險!)、
- 食物兜可以拎開，食糧先比咁就多d位比佢郁，同埋兔b都鐘意係食物兜度尿尿 (同埋將廁所當床訓) = ="

白白地色果舊似係磨牙石… 如果係真ge，咁就唔好比佢用，因為有礦物質和鹽等等... (我自己以前都比人sell過，雖然試過舊石一d都唔咸...)#^78^#

[ 本帖最後由 katy 於 2010-4-13 01:27 PM 編輯 ]

原來個籠真係甘細 你都係早d買番個大籠啦
佢遲d愈來愈大 就會愈迫嫁喇
換籠果時 可以順便一次過改番個廁所去正確位置丫
洗完籠 記得比番幾粒便便落廁所 比佢認番個廁所位
掉左舊磨牙石佢啦 兔兔食多d草就可以磨牙
吾駛食埋d化學野嫁

冇話冇左木康會唔習慣
教佢去廁所要唔怕麻煩
佢成日係邊度小便就搬個廁所係個位
木康對兔兔真係唔好的.. 應該停用

磨牙草係唔需要用 兔兔吃草已經有呢個功效
籠你就快D換啦..因為真係太細

p.s. 多睇關於兔兔既知識 對你同兔兔都有好處