周圍跳

我想知你地放兔兔出黎玩時係咪都由得佢鐘意去邊就去邊 ,
因為今日我家小兔識跳上梳化 , 我又好驚佢落返黎會整親 ,
我驚佢大d會再跳更高 , 其實佢地可以跳到幾高ga????
你地係咪都會由得佢周圍跳定點?????????????/

我都由得佢跳既..我諗其實佢跳得上既就落到黎...

嗯 , 可能係我過份緊張啦 , 嘻嘻 ,
睇住佢一日比一日大 (我養左佢一個月 , 大左差唔多一陪)
由一d野唔識到識 , 果種感覺好有趣!!
見到佢成長 , 但又會好擔心佢咁!!

如果地板太滑，可以舖ABC墊係佢跳落黎果個位.....

MAX都係咁跳得好開心，又唔驚落黎跣腳整親:073:

可以跳到幾高個個唔同既
普樂可以跳高過120cm...
通常唔危險既地方我都由佢跳 不過小心d太高好易整到腳

我都係由得豆腐花鍾意跳去就跳去邊，
冇乜特別限制，除非太危險la，
豆腐花來來去去都係跳上我的床加梳化。

基本上我都由得布甸周圍走同跳,
佢平時都會跳上梳化, 按摩椅同床,
我覺得佢跳上去同跳落地o既時候,
都會望一陣先跳, 唔會亂跳o既~
你都唔應過份擔心o既~

我想知ABC墊係點GA???
嘩~~~跳到120CM咁高GA ,
我仲諗住佢再大D時整個圍欄俾佢 , 咁咪要整到好高????

因為琴日有一次我見佢落地係背落地 , 唉 , 嚇死我!!
但今日放佢出黎都冇咩點郁 , 唔知係咪天氣問題呢??

好似養左BURGER半年有多佢都好似未識得上梳化WOW~
同埋平時好小見佢跳到好高....   唔通BURGER有問題@@

原帖由 Y_S_ 於 2010-4-21 12:58 AM 發表
我想知ABC墊係點GA???
嘩~~~跳到120CM咁高GA ,
我仲諗住佢再大D時整個圍欄俾佢 , 咁咪要整到好高????

因為琴日有一次我見佢落地係背落地 , 唉 , 嚇死我!!
但今日放佢出黎都冇咩點郁 , 唔知係咪天氣問題呢??

個個都唔同既, 同埋無咩必要我諗佢地唔會跳到咁高, 因為咁耐以黎我都未聽過除普樂外會跳到咁高既兔- -(可能無必要咁跳掛)
有時普樂跳上床都會失手趺番落地 好鬼心痛..
其實正常兔一般既圍欄都應該夠用架啦..

abc墊俾 細路玩個隻膠墊 不過小心有兔會咬同食.. 我家既普樂..先咬出黎再放入口好似當香口膠咁, 整多幾次就無吐番出黎, 所以我抽起哂唔俾佢用, 你留意下啦 會咬既兔都唔太岩用

可能因為天氣熱, 所以更加唔想郁, 留意兔既體溫會唔會過熱呀

明白哂 ,
我屋企一直都有墊abc墊 , 但一直唔知佢叫咩名 , haha
嗯 , 我家砵砵豬有時都會咬囉 , 但好少 , 我諗暫時應該都冇咩問題
其實我琴日一直都開住冷氣 , 但經過我好幾日發現 , 佢一過左12點到就好活躍 ,
琴日放左佢成日出黎都唔點郁 , 一到左12點就開始跳梳化 , hahaha!!!!