梳化尿尿

我阿仔之前放出黎玩 , 都識去廁所尿尿 ,
但自從識跳上梳化度 , 就冇一日唔係梳化尿尿 ,
我已經好似之前兔友教過咁 , 佢一尿尿就抱返佢去廁所度跟住話下佢 , 等佢知道錯 ,
但經過多日都係冇改善 , 唔知點算好 , 張梳化差唔多每個角落都俾佢尿尿過啦:050:
唉 , 所以好想求救求救丫!!!!!:054:

兔兔絕左育未？

呀B絕育之前都有梳化尿尿，還是故意尿的(好細泡尿)，尿完立即用醋抺下次又黎過#^62^#
我諗呀B知自己唔可以亂尿，因為佢會死守個位同埋震(害怕)。
做完絕育之後都冇尿過，我估佢想霸地盤…… (不過絕左2星期唔可以下結論)

如果絕左育試下控制佢玩的時間，例如隔15分鐘就叫佢屋企尿尿，表現好再加時間。

但我阿仔而家3個月度 , 未絕得住 ,
我估佢可能真係幾鐘意梳化 , 可能軟林林 , 之前細d時成望望望好似好想上去 , 可能真係想霸地盤丫 , 因為佢唔係疴死一個位 , 但咁細個就識霸地盤ga啦???????:056:

唔知係咪呢輪我話得佢多 , 好似都唔係好痴我咁 , 唉:061:

咁唯有主人決定佢可唔可以上去喇！或者佢出黎玩就舖返D野墊住梳化，等D尿尿唔洗過底……

有食物就有朋友，唔洗怕佢唔痴你 XDDD  (不過食完就散水:042: )

嗯，我諗應該會買d野墊住梳化，仲諗住買新梳化，我諗要睇定d先啦，嘻

嗯，我諗應該會買d野墊住梳化，仲諗住買新梳化，我諗要睇定d先啦，嘻

愈係唔俾，隻衰兔就愈係鐘意上去....

等佢覺得唔希罕啦，咁就唔會再去架啦....

MAX都試過跳上床玩....愈趕佢愈會上去....

有一次我O係床上面幫佢按摩，然後佢一跳落去就抱返佢上去床....等佢嬲為止...

厭惡療法對兔兔好好用#^74^#

其實我都冇話唔俾佢上去，平時我玩電腦，，都由得佢一個霸哂成張梳化，有時佢都係上面訓教，就係唔明點解都會係自己訓ge地方尿尿

佢要霸地盤MA~

留低D體味等下次冇人坐佢個位....

唔想抹餐死，就唔好俾佢上去...兔兔總係得一想二，上去訓到覺就想霸埋佢...

又或者睇實佢，佢一舉起條尾要小便就趕佢走

我隻兔都係好中意上我張床~
次次一響張被度跑黎跑去~佢就會開心度賴尿,,,
搞到我成日拎張大被去洗好煩~
所以唯有自己看實佢~同埋將張被摺好放埋一邊~

我諗佢響梳化尿尿同響張被or d草上面尿尿都係一樣原因~
1)想霸地盤~
2)覺得好開心,,所以好"中意"響上面尿尿~(我兔係呢個原因)

唯有你睇實佢la~~~~~唔好比佢上梳化~~

估唔到佢兔仔細細咁霸道，哈哈!!
就係諗住錫佢，所以一返黎就放佢自由活動，點知都.....都係睇實佢好，
不過係床度尿尿真係有排搞啦，不過見到佢玩得好開心，真係咩火都冇哂:055: ，
希望佢而家仲係小朋友可以教得好佢，加油!!

[ 本帖最後由 Y_S_ 於 2010-4-26 11:46 PM 編輯 ]

唉 , 岩岩仲好地地係梳化度同佢玩得好開心 , 佢仲跑黎跑去係咁跳 ,
我一行開玩下電腦 , 佢就即刻又尿尿:077:
唉 , 真係呆哂 , hahhaaha