小v踢足球呀!!!

今日放學返黎無野做用佢玩波波~~

睇完段片,
我一啲都唔覺得小V玩得開心,
我只係覺得佢被個波嚇親,
個幾吓撞個波,
我覺得佢以為個波攻擊佢, 所以佢還擊囉~

我印象中小V好似啱啱到你屋企幾日,
幾日咁短時間, 佢都仲未習慣, 你就咁樣做.....
莫講話未習慣, 就算習慣咗都唔應該咁做囉!!

請你唔好咁對隻兔兔好嗎?!

我覺得如果你真係拎提子同佢玩..
比佢一淡食左就後悔莫及#^81^#

:042: :042: :042: 睇黎下次我對隻兔兔做d咩都係最好請教下大家先:041:
慢慢修鍊:041: :041: :041: :041: :041: :041: :041: :041: :041: :041:

:065: :065: :065:

你隻兔番黎幾多日?

1.你一切表現比我地感覺係當兔兔係玩具

係你眼中可能係玩.但唔係兔兔玩..係你覺得兔兔覺得好玩..但實情係佢真係好驚

你當初未買兔之你講過乜?你話唔會當兔兔係玩具..但sorry.我地仲未睇到你有真心想佢好

2.提子:你話用提子引佢玩..兔兔唔會覺得好玩..佢只係見有食物想食就會追住黎食,係佢眼中唔會係

玩,仲有,提子太甜不應餵得過量

3.我希望你既行為唔會令一條可愛既生命失在你手.唔會嘗試做令自己後悔既事.

嚇死隻兔LOR..............:054:

小v咁大隻既?
印象中你好似話想買返黎架?買咁大隻?

兔兔係安靜既動物,
一d突然既聲音會嚇到佢地,特別係你拍個波果d聲~
小v係推個波,不過係因為你推去佢度,佢緊張先會跑走~
令兔兔緊張,好易會影響佢地既食慾甚至健康~
自己係屋企都要注意會唔會成日突然發出一d聲嚇到佢地~

你想同兔兔玩,可以~
用個細d既波仔,
同埋靜d~慢慢碌過佢去睇下佢玩唔玩~

btw,小v剛黎到你屋企,比d時間佢自己係籠/出黎走幾步,
除餵食外,盡量唔好騷擾佢/同佢玩~
否則兔兔可能認定籠外世界,甚至係籠入面都唔安全,
導致緊張,可能會唔食野,又或者以後怕左人,成日緊張or咬人

呃.....我唔知有咩好講:043:
我真係覺得佢係以為個波會傷害佢先還擊.....
你不如聽咁多位樓主講, 比佢係籠到多幾日先啦....
我都有同milk milk玩波波...不過我係同佢玩比貓玩個D有"朗朗"的細波
絕對唔會拎個足球咁大既波同佢玩:042:

當初我講過，你只會當兔兔係用黎發洩既玩具，

你話你係唔會，但如今見到.........

請停止一切對兔兔不安的行動。

我睇到一半都無睇啦,聽樓上咁多位講,你買左番黎唔係好耐,我覺得係俾佢自己安心咁係籠度適應下先,我記得初初kobi番黎,我都俾佢係籠度成個星期等佢適應左先慢慢放佢出黎走動,同埋咁大個波真係會嚇親佢,你話佢會推個波,我見到既其實佢係攻擊個波似d,俾著你見到個大你咁多既野,唔好話係波,係一樣你未見過既野,比你大咁多又識郁你都驚啦,何況佢係一種好易嚇親既兔仔.............

之前我都叫過你諗清楚先決定養唔養,但係好明顯你既知識仲係好貧乏,希望你得閒睇多d有關兔兔既資料,認識佢地多d,做個有責任心既主人................

千秋王子, 你唔好咁心急同佢玩喇...:024: 一睇就知兔兔係驚緊個波......
你咁樣同小v仲post出黎... 似乎唔知自己有問題.....

原帖由 mandycpi 於 2010-4-28 01:21 AM 發表
千秋王子, 你唔好咁心急同佢玩喇...:024: 一睇就知兔兔係驚緊個波......
你咁樣同小v仲post出黎... 似乎唔知自己有問題.....

若他是知道自己做錯的話，他還會貼出來俾人話？千秋一直都唔明我地一直叫佢想清楚，他一直都以為我地，
好似想《害》佢咁，有無人識得同千秋溝通到，我好唔想佢隻兔咁俾佢嚇呆了，受傷了！

咁講丫，千秋你養兔知識真是過份地小，兔兔是受驚還是高興也分不清，大家叫你要三思，扒文才養兔，你除了買了兔子回家和一些基本裝備外，你有為兔子準備過什麼？若你堅持不接受意見的話… 祝君好運。

佢根本唔認為自己有問題..成日話比心機比心機

根本就係無知同無腦,仲當佢玩具.見到咁我真係好嬲

千秋.....你可以試下打電話去兔協問下幾時有"兔子護理工作坊"
我諗你上下堂可能會好D.....