好煩

我麻麻成日都俾d面包餅乾隻兔仔食,,..兔仔只係得三個月大咋...同佢講佢又唔聽...第二日又唔記得左照餵...佢都成八十幾歲喇..話佢又只會多爭執...再係咁餵落去我真係唔知點算...佢日日都話隻兔仔無野食好慘...教過佢餵草佢又唔記得..日日都俾面包..唉...真係好擔心兔仔既健康..但係我麻麻成八十幾歲人..、只從兔仔黎左之後..兔仔係佢唯一既寄托..唉...真係好煩...再咁食面包落去我驚兔仔真係會頂唔住...但係我真係無曬辦法..因為我要返工唔會成日o係屋企...我唔o係度又佢照俾兔仔食...唉,,真係左右做人難...我地成家都好錫兔仔架...無奈真係無曬辦法

咁...
你不如係個籠上面貼張大紙,
勁大隻字寫住「唔好餵麵包乾」 ...
如果麻麻唔識字.,可以畫圖?
老人家都係錫兔仔者...

不過...你係咁話「無晒辦法」係咩意思?

我既意思係無辦法令佢唔俾佢食...屋企有人就可以阻止...但係通常都只係得佢一個o係屋企...寫紙仔貼o係個龍度試過喇...但係都無用...返黎就俾人摵左....-.-...我唔想做到擺o係房關埋門呢一步呀...因為我麻麻超鍾意佢...簡直當佢o係佢個孫咁...

咁可唔可以你出去返工之前俾一大堆草,多到可以食到你返屋企先食晒既草俾兔仔呀,可能到時麻麻見到兔仔已經有野食就唔會俾餅佢食呢

你有冇試過同佢講...再咁比兔兔食...
佢會恐...咁就冇人再陪你...等佢驚都好

吾...我諗你麻麻都係鍚佢 想請下佢食野姐
但照計兔兔應該對面包餅乾無興趣先岩格....兔兔好鍾意食咩?

你兔兔做左body check未呀? 不如你試下搵日帶兔兔睇醫生bc
回家同麻麻講醫生話吾好再餵零食了 如果吾係就會病病同肚痾
佢甘細個就好易死既 麻麻你都吾想兔兔病既就吾好再餵喇~~~
等兔兔大個d 最多比你餵佢食菜菜啦 =) (笑)

我都同老人家相處過 佢地其實同小朋友一樣
鍾意比人tum多過鬧 受軟吾受硬
或者你可以試下軟硬兼施....:059:

[ 本帖最後由 珊迪小姐 於 2010-4-30 10:36 AM 編輯 ]

咁咪順勢帶埋兔兔去body check,要mama跟埋去...等醫生教mama...兔兔又可以check下有冇事

一舉幾得

原帖由 elvisli 於 2010-4-30 10:45 AM 發表
咁咪順勢帶埋兔兔去body check,要mama跟埋去...等醫生教mama...兔兔又可以check下有冇事

一舉幾得

帶埋麻麻去vet又幾好計wo!!!:010:
由醫生講就有權威得多啦~~

原帖由 chung22003 於 2010-4-30 10:41 AM 發表
你咁講咪得２個方法 :

1 . 放入房鎖門 。
2 . 等隻兔頂唔住 , 死 。

你嫲嫲成日咁餵 , 如果你係錫兔仔 , 你一早要收埋佢入房啦  ! ! ! !
你宜家話無曬辦法 , 你嫲嫲既感受要顧 , 兔 ...

棄養尼d甘吾負責任既說話吾應該甘易說出口....
樓主決定吾到收埋兔兔入房 係因為想諗個兩全其美既方法
兔兔同麻麻都係家庭成員 如果可以正確甘解決問題就吾駛搞到甘彊囉
同一屋簷下丫嘛

樓主不如同家人傾下，屋企得婆婆同兔兔就放兔兔入房；有人看住先推返佢出黎同婆婆玩。

我明白婆婆年紀大記性會差，因為身邊都有人位好善忘的婆婆，明明行緊去茶樓佢問去緊邊，答左佢幾分鐘唔記得又問… 同埋醫生已經話過佢唔准食菠蘿飽，但係就日日走去買2個食…(佢住老人院, 所以都管不了)

你啱 ! ! ! 我既說話係偏激左 , SORRY  . . . SORRY . . .  :054:

我自己兔兔前排死左 , 唔想再見到有兔仔死 ! ! ! ! !

但站時將兔仔放入房 , 對兔仔比較安全 , 之後再慢慢解決你嫲嫲既問題 ! 可以嗎 ?

我grandma都係成日都話要比哩樣果樣比小b食......當然佢地係唔明白我地養兔的方法......所以果時grandma成日話佢﹕「果時我養兔都唔係咁養.........」你可以同佢講返,而家既兔兔已經係變成飼養寵物咁,同以前養兔既方法(咩都比佢食既方法)唔同左.....同埋品種上都唔同(吹水咁講),所以佢地既腸胃唔似以前你養既咁........打個比喻就係﹕「grandma,你地以前好叻,好捱得,食咩都得,唔訓都得......但到我地這一代,就好似我咁,行少少路、訓少d、食得污糟d已經唔得了.....grandma所以,而家這代的兔兔只係食草」:057:

平心靜氣咁講,佢而家唔明既話就再講多次,唔得又再講多次,講到佢明白為至:002:

原來都有人試過有咁既情況...我而家都會擺一大堆草落去...但係佢都仍然話無野食好慘:042: 但係就無俾野佢食喇今日..兩年前我麻麻因為我阿爺走左令到佢個人無曬寄托...記性一日一日差落去...而家咁難得有兔兔令佢咁開心..我都想佢日日可以見到佢....而家唯有佢o係度既時候我我擺住入房先

原帖由 pp6076 於 2010-4-30 04:50 PM 發表
原來都有人試過有咁既情況...我而家都會擺一大堆草落去...但係佢都仍然話無野食好慘:042: 但係就無俾野佢食喇今日..兩年前我麻麻因為我阿爺走左令到佢個人無曬寄托...記性一日一日差落去...而家咁難得有兔兔令佢咁開 ...

你細個果時都係咩都唔識咩都記得唔好,但你grandma有無因為你記性唔好而唔理你.....佢係唔係更加加倍咁照顧你?

你慢慢咁同佢講清楚......記得平心靜氣咁講返......草係佢地既食物........草係佢地既食物.....草係佢地既..............:051:

我阿公之前每日都拍一拍蚊蚊個籠架... 阿公一邊一邊講hello.....次次都嚇親蛟蛟...
我每日都從重頭解釋一次阿公知... 但始終老人家...
我又唔可以話佢...因為我明白佢都係喜歡兔兔...  只係佢對兔仔o既認識唔多....
之後我就搵一個機會...
有日我個frd拍個籠, 阿公又係到, 我就成機扮到都嬲, 一直話我個frd, 話完又話,
我想阿公feel到我緊張...佢無再拍兔兔個籠...

或者, 你都可以試下...."聲東擊西"法:073: