兔仔變左色呀!!

琴晚放兔兔出黎廳玩
之後開頭佢一出到黎周圍聞
過左陣就係到跳舞重係屋企到狂沖- -
之後我見佢玩左成個鐘捉番佢入籠食草
但係見到佢變左啡色
我覺得應該係d塵痴住佢d毛
之後我念住用梳幫佢梳走曬佢
點知係唔得- -
同埋個衰仔唔鐘意比人抱又唔鐘意比人摸...
但係佢食緊野就咩都得...
有咩方法令佢變番乾淨~~~
唔要水洗!!!

如果係我我會用濕毛巾抹~

你屋企好污糟~?
點解出黎玩一陣竟會搞成咁~?

你好應該搞乾淨你屋企先放兔仔出黎玩
因為好多事就係你屋企唔乾淨就搞到兔仔病
唔該你多d留意下依d野
細心係好緊要 養所有地球既生物/媾女都係一樣 thx

佢玩左成個鐘都無理小v?
小心佢整親呀!
如果係塵應該一梳就甩.....
如果真係唔得..先用毛巾濕小小抺下

你講倒你屋企好似個地盤咁, 行入去一陣都會變咗泥人, 依家你隻兔兔玩一陣就變咗泥兔~!!

你係咪應該檢討一下你屋企嘅衛生情況呢?? 有乜可能出嚟玩完會變咗色咖?? 咁你屋企咪好耐都冇掃過地同拖地?? 唔好講養動物, 就算淨係人住都應該乾淨啦~ 更何況你依家養咗兔兔, 更加要乾淨, 你唔日日拖地都要隔一、兩日做, 如果你屋企近馬路會勁大塵嘅話, 我建議你每次放兔兔出嚟玩之前都抺一抺地下, 最好買墊俾兔兔玩, 放出嚟玩之前之舖, 定時清洗, 兔兔喺咁唔乾淨嘅地方係好容易病咖~ 你知道嗎??

:020: 我知.....
但係念唔到個死仔咁鐘意去d無人去地方- -
我放佢出黎玩之前都有抺左地,,,,
用野抺佢....勁快著草...食野果時例外...
可惜得3分鐘因為佢食得太快同埋抺完佢身我又少少驚佢凍親

[localimg=550,413]5[/localimg]呢到有幾張相....
咁樣睇落去唔係好污穢...
只係見到d毛變左色...
同埋呢兩佢佢食少左草

千秋王子, 你令到人好擔心小v.........

如果你想安心, 放兔前先吸好塵抺好地先

另外, 兔毛會按季節變色, 看清楚, 不用太擔心
唔鐘意比人抱又唔鐘意比人摸..食緊野就咩都得..好多兔都一樣

其實兔係愛清潔的動物, 會自己清潔自己, 若太嚴重, 你可以用溫水 (唔好太熱) 用布濕小小同佢抺, 或用動物濕紙巾

用動物濕紙巾~! X2
佢地出黎玩完唔理污唔污糟我都用黎幫佢地抺手仔腳仔

BTW,, 變色真係好嚴重..
雖然東涌空氣真係好污糟:077: ....(我以前係果度讀書)
但都冇理由咁誇張.......
建議你set好1個地方比佢玩先.(用floor mat 圍住)
等你大掃除完先比佢通屋走吧...

果d色好似真係唔係塵黎- -
因為岩先我見水樽溜水係佢背隻
跟住我用手抺下都抺唔甩
唔通真係變色??

如果真係佢自己轉色
灰色轉去啡色不會有危險吧??定係有病??

兔兔係會每三個月換毛一次, 而喺換毛嘅過程, 有機會令毛髮變色, 但多半係變深色, 唔會話直頭變咗另一隻色。

你話小V食小咗草, 咁佢啲便便有冇細粒咗或者少咗??? 因為如果食少咗草而便便又有問題, 咁就可能係兔兔唔舒服或者係腸停嘅先兆, 多加留意兔兔嘅情況啦~!!

你放佢出嚟, 如果有啲地方係好污漕嘅話, 你就要睇實佢唔好俾佢四圍捐, 如果不慎俾兔兔食咗啲唔應該食嘅嘢落肚, 後果可大可小。

身為主人唔係就咁俾佢食住就叫盡責, 日常生活要好好咁為兔兔打點, 兔兔到步冇耐, 好多嘢都唔知唔識, 你有責任教識佢邊啲地方應該去, 邊啲地方唔可以去, 暫時放佢出嚟你都要睇實佢, 一去到啲唔應該去嘅地方就用手輕輕阻止佢同埋SAY "NO", 久而久之, 兔兔就會識分邊啲係佢唔可以去嘅地方。

同埋可唔可以唔好"死仔"前"死仔"後咁叫小V, 動物都應該受尊重, 你可以同佢改花名, 但可唔可以改個好啲嘅呢??

[ 本帖最後由 波子 於 2010-5-1 09:08 AM 編輯 ]

點解你唔去上堂呢.........:043:
去左上堂...咁你咪可以知多D養兔知識囉.....
又可以問你想問的問題......
真係希望你最好去兔協上堂...:054: