兔兔每日可以食幾多草粉?

兔兔覆診時,
DR話兔兔好瘦要食多D嘢,
例如食草粉以増加營養.

請問一隻三個月大既貓貓兔(重470g),
每日可以食幾多草粉呢?
可以無限量供應嗎?

草粉?
有藥用成份....應該不可能無限量供應
但係隻隻兔既份量都未必一樣,
而且如果兔兔有食野落肚,夾硬比太多草粉可能會令佢條腸太漲~

既然你睇左醫生,
可唔可以打返去診所問下個份量呀?

既然你隻兔得3個月大~
或者比多d alfafa草佢~都好多營養架

但係唔知點解我同兔兔睇DR NICOLE果陣,
DR話以兔兔現時重量計(500g),
每次用針筒比15ml, 食完可以再加...
姑娘話D草粉係無藥性架,
可以任食,食多D都無問題,
因為我隻兔兔肯自己食草粉,
姑娘叫我放盆草粉係籠度, 任兔兔食.
仲即刻叫我買多包草粉........

我都好擔心,我兔兔實在太瘦,
但佢地講D嘢,同我所知既完全唔同...
我又係養兔初哥...
唔知點算..........

不如食多d alfafa 草同糧先 ~
三個幾月大仲有排大

草粉設計來俾唔肯自動食野的病兔用,營養成份比糧高d,
裡面冇藥的成份但有益生菌可幫助腸胃穩定d.
草粉每天食用份量是根據兔兔的體重,根據"Oxbow"提意,
大約500g體重俾1.5 匙(15g)乾草粉,
但草粉要用水開糊,每日食幾多ml就要睇開得稀定杰,
大概用1.5匙分4~6份,每份乾粉再用水開成糊(約1份粉2份水開)俾,
一日俾4~6次就足夠了.
但由於只是為了兔兔增肥,其實不用食足以上的量,因為兔兔仲會食草,
所以草粉份量應該以俾草粉後都不會減少食草量較好,
因為培養細兔食足夠的草都好重要架.
最好買個電子鎊,記錄兔兔的體重,看看增長是否達到目的,
可以問問vet的意見大概每月的增重量和以兔兔的年齡幾重先合標準.
還有,草粉一般不會長期食,要定期和vet溝通下,若重量可接受就最好
換番幼兔糧,alfalfa草啦.
兔兔增肥要慢慢來呀,太急促對身體有害的,而且兔兔在長身體的時間,
增肥會仲慢d架.

唔該曬你呀
好詳細!!
我會再問清楚vet, 兔兔應該食幾多, 同埋target係幾重.
謝謝!!!