願健康快樂

我本身知道mini-house已經好耐(因我太太每朝返工都要睇下),我我從來都無諗過要做會員,更加唔會諗住開post,但因我屋企個janjan病左(只得四歲),唔食野唔便便,今日更加要吊鹽水,我同太太都感覺愛莫能助,我本身係一個無"神"論既人,只信事實同科學,但我今次真係唯一只可以做既只有祈求比janjan健健康康,如janjan可以健康成長,我會感恩,亦希望我太太見到既話,我只想同妳講,呢幾晚妳都只訓得兩,三個鐘,妳都要保重身體,願各人及所有動物健康快樂.

你就係janjan爸呀?

希望janjan快d無事返屋企~
你地自己都要振作~仲有david要照顧~?

:050: 大家真係好希望janjan快d好返... jan媽jan爸都要堅強d呀!!!!!!!!!!

除了JANJAN, DAVID CC 也很小, 食得小, 飲得小,
也令人担心, 2個仔都咁, 我實在不懂得, 如何是好,
我只知自己無用, 無經驗, 很無奈

都怪我吾夠堅持, 吾想逼兔兔做他不願意的事, 抱, 剪甲, 梳毛, 餵藥,
統統都一敗塗地, 很失敗,
所以今晚我要迫自己, 幫DAVID 梳毛, 我要努力, 吾可以比2個仔再受傷害, 束手無策

jan媽jan爸你地要加油丫!!!!

janjan好快會好返!!!

我地呢度咁多位兔友都會支持你地!!!加油加油

jan baba and mama

add oil...
i know it is very hard to face..
but i think everything will better !!
add oil

janjan媽, janjan爸,  我係矇豬媽啊, 妳地兔兔係唔係腸胃問題啊?

我本身都有兩隻超級長期病患兔, 其中矇矇就有好嚴重的腸停, 係度好難三言兩語講得到佢既故事, 如想知詳細些, 可到我個blog看看 hk.myblog.yahoo.com/blue-deep

所以好明白妳既心情, 妳要堅強啊, 最初照顧病兔係好困難同痛苦的, 我最初幫仔仔放膿,洗傷口, 打針, 吊皮下水都好痛苦架, 但都捱過了. 妳要加油啊呀!

如果有需要可搵我, 希望可幫到妳!

一齊為janjan同david加油~~~~
jan爸,jan媽要努力頂住~
你地仲要照顧2個仔仔ka!!!!
jan媽唔好唔訓覺~一陣病左邊個照顧仔仔~?加油加油!!

JANJAN媽同JANJAN爸都要加油呀!!!

JANJAN媽唔需要覺得自己無用, 無經驗, 很無奈, 因為好多兔友初次面對都會係咁嫁... 你的確係無經驗因為你今次係第一次發生呢一件事, 只要根據醫生同你講幾多點要餵佢食藥同埋有D咩要多加注意, 就已經幫到JANJAN最大既忙喇!!!

休息多D唔需要太擔心呢.. JANJAN見到你咁擔心佢都會唔開心嫁~~~加油呀!!!:052:

:020: JAN JAN媽及JAN JAN媽要如油啊...
JAN JAN一定好快無事的！堅強！堅強！

我都試過兔兔腸停唔食野一星期 ,我每天都要佢去醫院,夜晚就餵草粉同按肚,有兔有叫我唔好放棄,到最後兔兔都好返,一定要堅持,加油

多d幫佢按摩肚仔...唔可以再喊啦! 樂觀d面對! 有好多兔友都支持你地!

jan爸:你要加油呀,同jan媽一齊幫janjan加油呀,唔好放棄呀,janjan而家咁辛苦,見到你地不離不棄咁照顧佢,一定會好番架
jan媽:你都要加油呀,不過都要小心身體,每日訓得2,3個鍾,一陣病左,仲點去照顧janjan同david呀,下次去覆診不如同埋david做番個bodycheck睇下佢有無事呀,安心d嘛
janjan:你一定會無事架,加油呀.................

jan媽媽jan爸爸 加油!! 唔好放棄呀
祝健康快樂, jan就快d 好番 #^70^#

JanJan & David爸媽：在兔兔最需要你們的時候，請勿放棄，也別想太多，應好好休息，因為，你們是牠們的全部，你們沒有精神，便不能支持牠們。

我和我家三隻兔寶寶給你們十萬個「十卜」，希望JanJan & David早日康復。若你們需要什麼幫忙，請不要客氣，盡管開聲。#^11^#