舊兔"蝦"新兔

養左賓尼兔小賓女快兩個月(現4個月大)，上星期養多一隻叫嘟嘟仔的雄性獅子兔(2個月大)，佢地早幾日在寵物店見過面，可能係公家地方，所以相安無事。

來我家後，小賓女個鼻一掂到嘟嘟仔d 毛，便一口噬牠，咬甩毛...
又在嘟仔籠門口度痾屎痾尿，我用手摸完嘟仔，摸賓女頭、背，沒事。
但專登用手蓋在賓女鼻子上，便咬到我流晒血...

我知賓女係「地主」，宣示主權，講真，我好錫佢，唔會做出貪新忘舊，但佢就係唔like 嘟仔陣味...今日係第5日，兩隻同放時，賓女依然追住嘟仔及咬牠，只是少左響人地門口痾屎尿。其實我冇乜點放嘟仔出來的，佢也很溫順，想向賓女示好，被賓女咬都唔曉縮，又任我摸同梳毛。請問我係咪只有繼續分籠，等賓女熟習嘟仔氣味呢? 有冇一些方法可解決相處問題? 請指教。

其實....你帶隻兔返屋企之前,就應該要做下功課,
睇下有關bonding既知識...
你需知道...唔係隻隻兔都可以夾到,
你要有心理準備,可能兩隻兔一世都夾唔到~要分開玩分開放架~

另外,
desex之後可能會容易夾d~你分開養住先la~
加上,一男一女,一齊玩八成會攪大肚架~
你有無能力養一胎3,4隻+依家兩隻兔兔?

分開養直至佢地desex la

我唔會俾佢地生的，年尾亦會絕育，只係擔心佢地一世都唔FRD，
賓女其實對嘟仔好好奇，成日八掛嘟仔，裝佢，又偷嘟仔野食，
試過一齊食的，點知個鼻仔一接觸到佢D毛就大力咬嘟仔...
希望嘟仔身型大隻番D，會好些吧...

如果你唔諗住比佢地生~
建議唔好比佢地有接觸既機會,一分鐘都唔好~
因為兔仔真係好容易就會繁殖到~
好多兔友都係唔覺意/走漏眼一兩分鐘,甚至係幾十秒,
個幾兩個月後...就做左兔婆兔爺架喇~

絕育左之後,氣味/地盤意識都會減弱d~
應該~應該會容易bond d既~
況且就算你依家bond好左,desex之後都係要再重新黎過架咋...
加上好大機會大肚,(雖然兔兔仲細,但4個月起就已經好容易~)
建議你都係任何時候分開佢地先~~

一世都唔fd呢個問題....你要有心理準備,
真係有d兔係一世都夾唔到架~
你要預左佢地以後要分開住分開玩先~
bond到當然係好事la~ bond唔到都要有準備接受呀~

只係個令星期既時間
唔好咁快比佢地一齊玩住
你將佢地個籠放埋一齊 等佢地習慣大家既味
要分開放佢地 唔好咁快一齊放住
唔好貪快....慢慢黎

咬得勁唔勁架? 要小心D呀!! 要等新果隻係個籠入面耐D先, 習慣後先慢慢試放, 不過你一男一女要好小心佢地會交配到!

我果2隻都係1男1女,,但佢地係BB就識到而家,,所以好frd
但我都好擔心月底開始分籠之後佢地由frd底變仇口 /___\
#^54^#

其實你買第二隻兔兔之前應該先做好功課~~~

你啱啱先買咗一個星期, 你就放佢哋一齊玩, 其實都好錯, 小賓女係大, 佢喺你間屋就有晒大家姐嘅地位, 突然多咗隻新兔, 佢一定會保護自己地盤, 所以, 新兔一返嚟應該先將新兔個籠放開一啲, 等新兔先適應地方, 同埋唔會俾小賓女覺得俾新兔咁快佔領咗自己地方。

而且唔應該俾佢哋咁快一齊出嚟玩, 應該先要俾佢哋知道大家嘅存在, 適應咗大家嘅氣味後, 再拍埋個籠養, 令佢哋日夜相對, 漸漸小賓女接受咗新兔嘅氣味先開始放佢哋一齊出嚟玩, 但放佢哋出嚟玩都要睇實, 一有咬/打嘅情況就要分開同埋要佢哋返籠冷靜一下。

依家, 小賓女顯然已經對新兔起角, 加上小賓女未DESEX, 四個月大有可能已經踏入發情期, 所以, 暫時你都唔好再俾佢哋一齊, 如果唔係... 兔兔嘅記憶深入咁對對方敵示嘅話, 之後你都唔駛諗佢哋會FD倒。

BONDING係唔能夠急進, 未係時候就要等下, 咁先有機會喺將來見倒佢哋一PAIR咁生活。