兔子會悶嗎？

請問大家認為兔兔喜歡群居還是獨立？
您又養了多少隻兔兔呢？:048:

兔子當然會悶...但主人只要每日有足夠時間陪兔兔玩...兔兔就會感到開心

其實我唔知佢悶唔悶,平時就算我放佢出嚟玩,佢都係自己走開去訓覺既....淨係想食野果時先會衝過嚟......

根據書上的資料，兔兔會怕悶的,但平時牠們也可以自娛。雖然如些，但主人也要每天陪伴牠們玩耍……

野生的兔兔愛群居,但被飼養的兔兔盡量獨居,除了一出生已經習慣了跟別的兔兔分享所有東西的兔兔............兔兔的階級觀念好重，所以如無必要/無特別的把握,主人們都不要多養一隻....以免輕則bond唔到(friend唔到)，重則打架至死.......:050:

我開頭都係養左一隻啫(叫bb), 係緣份既安排下我收養多一隻兔兔(叫標標), 不用一星期佢地已經成為好好朋友(一男一女), 之後佢地好鍾意一齊玩一齊瞓一齊食野,以前bb成日都係瞓, 冇咩做, 感覺好冇聊, 而家bb瞓少左,成日都"嬲"下標標玩, 總之我個人覺得係b不論向行為上, 生理上定係心理上都比佢得自己一個生活好............

兔兔是群居的，不過選擇朋友時很謹慎，不喜歡的不會跟他玩。即使會做朋友的，bonding時也有打架的可能，因為要分階級。

我家兔兔得自己一隻，家中實在沒條件多養了，一來經濟問題，二來他是放養的，對於只是養兔半年的我，管一隻已經不容易了。

我會跟兔兔玩，給他多一些自由。其實他有很多方法跟我們溝通的，跳上我牀玩的時候特別喜歡過來逗我，會踩住我隻手，然後爬上我身上lam我臉。如果一天因為工作晚了回家，他會碌係地上要我按摩，又會問我攞食物，攞唔啱佢喜歡o個款，佢會唔制架。

其實我都擔心得佢一隻會悶，不過既然沒可能多養一隻，惟有花多一點心思在僅有的這一隻身上。

我一開始就係覺得兔兔得1隻會悶所以決定1次養2隻的...
又怕佢地會唔frd所以係同1個seller果度買同1 batch
佢地係由1出世開始玩到而家, 所以感情好好架~
階級觀念就真係十分明顯, 因為只有BB groom奶茶,,奶茶係唔會groom BB架
我見佢地成日1齊跑黎跑去好開心 除左爭野食果陣
有時梳毛果陣我會抱起1隻, 另1隻係籠
係籠果隻會以為另1隻唔見左係咁揾,,好好笑 #^51^#

其實我都想知大家係點樣同兔兔玩嫁,我除咗同佢按摩,叫佢自轉同跳跳外(似係我玩佢多些),就唔知點同佢玩喇?:017:

我都怕佢悶架有時.. 有諗過養bb一yr就領養多隻..
但又怕bond唔到 成日打架..  所以都係諗清楚d好...

謝謝各位的意見，因我想領養多一隻，同我家栗子差不多，都是三個月，但同樣是女，怕她們會打交，但看見栗子好像悶悶地，想幫她找個朋友，該如何是好？:047:

最ideal的case，是被你家栗子自己挑選，不過不知道兔協準唔準。
如果是你自己幫佢挑，最好係已絕育的一男一女，但是兩隻已絕育的女仔都可以。三個月的兔兔未可以絕育，即使做左朋友，到了青少年時期都可能突然打起架來，要小心。
養兩隻一定要有第二手準備，如果bond唔到要怎樣做，她們要分別住2個籠，出來玩的時候也要分開，你要多花一點心機。如果bond到就當然係最開心:012: 。

Re 津津豬:"其實我都想知大家係點樣同兔兔玩嫁,我除咗同佢按摩,叫佢自轉同跳跳外(似係我玩佢多些),就唔知點同佢玩喇?"

我都係睇佢頭咋，我食野的時候會同佢一齊食 (不過係我食飯佢食草/菜)，佢攤係到時我搵個坐墊坐係佢旁邊睇書，或者等佢跳上牀玩的時候我躺下來陪佢，慢慢佢會覺得自己係屋企一分子，有同伴，冇咁寂寞:045: 。

[ 本帖最後由 hilahila 於 2010-5-7 02:08 AM 編輯 ]