突然亂痾尿，怎辦?

小賓女由昨天開始，便在上層痾尿(MANUKAN兩層籠)，是在日間時段痾的，每天一篤，搞到污糟晒﹗又FING到塊牆又係，老豆剛打電話來，今日又係咁，點解會咁嫁??
佢個籠隔離有另一隻兔，我本身放在窗台邊，但上班時怕晒，又冇人，便放廳中間或走廊，究竟佢係唔習慣個環境定發情(只有4個多月大)?小賓女之前試過「瞓走廊」，冇事的，點解佢無啦啦響上層痾尿嫁?? 苦惱!!!

上年我隻兔又係咁,之後問咗人,話因為兔兔覺得熱,所以會訓係D尿上面整濕自己D毛涼爽D,只會你令佢涼D如加冰種,開風扇冷氣咁,佢就唔會亂疴尿.:037: :037:

4至6個月便生理成熟及具有生殖能力。

睇小賓女的動作似發情，而家開始要分開2隻兔兔活動。以免弄出兔命 / 爭地盤大打出手。
另外樓主等小賓女6個月帶佢做絕育手術…

我以為佢唔鐘意另一隻兔仔才發脾氣，雖然佢地未BOND到，會咬另一隻，但小賓女冇乜響人地個籠門口
痾尿的...

昨天我有開冷氣，較左25度COOL，我部係分體機，聽講開左冇耐佢又開下熄下，回家我也FEEL不到有冷氣，
想問分體機可否調較至「不恒溫」嫁~?

小賓女個身有冇尿？
"又FING到塊牆又係" --- 係佢成身尿係度FING，定係噴尿？
佢對耳仔有冇好熱，成隻兔攤到長哂？

冷氣方面我唔識，但係你可以剪毛、放冰種和涼板同佢消暑#^44^#

我綿綿上星期都係咁~
不過因為我成個星期冇幫佢洗籠,,,
平時2-3日大洗一次,,,,但上星期太忙~
所以佢連續3日響同一個位置尿尿一次!
可能佢投訴我~之後洗完就冇再咁樣lu~
唔知你個隻會唔會因為呢個原因呢

我兔兔呢幾日都係咁wor!!!!!!!點解咁岩同你地一樣既, 係咪夾定嫁=v=
我兔兔最最最離奇既係.......
佢亂all到連廁所位都換左, 佢成2年時間廁所位都在左上角,
前幾日周圍all, 由其是用多尿尿同屎屎all哂係左下角,
而家我放左個廁所係左下角, 佢就冇再亂all喇,
我有諗過係唔係上個月個post咁講....d磁場變左, 佢唔識分方向=-=

小賓女唔係噴尿，佢只是在上層度痾，然後踩到濕晒，係四隻腳同少少肚dum仔濕左，
其他的都痾在便盤內...
昨天摸她的耳仔，係熱熱地...
我未買電剪，用鉸剪剪晒d污糟毛同「偷薄」肚仔毛，剪到「辣喱」咁:009:
今朝我放左佢地響細房兼開冷氣，想睇下佢係咪真係熱才亂痾尿降溫。
希望係因為熱才咁啦~否則好難解決。

小賓女肯比剪真係好呢
如果呀B肯比我剪毛我就可以慳返出去剪D錢喇............#^18^#

小賓女同另一隻辣椒仔都肯俾我抱同剪，少少掙扎一定有，我發現佢地與生俱來知道「鉸剪」
係利器，剪緊時佢地唔敢郁的。
番緊工，好掛住佢地呀~~

曾幾何時兔麻都想剪呀B D毛， 佢話呀B D鬚同埋大脾D毛長哂好核突....... (後尾阻止左)

我都好掛住呀b!! 晚晚都同佢講電話 (其實一直以來只有我講野 = = 兔爸話返比我知佢d反應)
因為佢住兔爸屋企，所以我一星期最多見3次呀b......#^3_002^#

琴日放左佢地書房兼開冷氣，lucky地小賓女冇亂痾尿喇~~聽講佢地仲瞓得好lum添。
觀察埋今日，冇事便知她真的怕熱，謝謝各兔友的提示及分享﹗