兔仔變了

大家應該記得我隻小v
佢e家同岩岩返黎屋企果幾日唔同曬
首先係佢行為一返黎屋企好乖唔會周圍行咬野
之後佢d毛色本來灰色e家變左啡啡地
跟住本多識去次所又唔去次所到vivi
重有惡左好多唔比人摸抱
e家好似熟悉左屋企
當正自己係大佬- -
我應該點教番乖佢呀??

你都應該記得好多兔友都叫你惡補下你既養兔知識,
但你捫心自問,
係唔係真係有聽兔友們講,
惡補下自己既養兔知識呢?

兔仔岩岩返屋企既時侯,
係會因為驚而唔會點會曳,
而時間慢慢過去,
兔兔習慣左環境之後,
先會慢慢開始曳,
所以咁樣係正常既!!

同埋,你之前比足球佢玩,
佢已經比你對佢既行為嚇親,
所以,佢惡係正常!
"有因必有果!"
好己為之,你對佢好d!

請馬上惡補你自己既養兔知識!!!
如果出事既時候,你就會後悔!!!

唔好話兔
就算係人
一熟左某個地方就會唔驚
兔有兔既性格
兔仔多數都會咬野~你買佢返黎果時唔知?
如果要佢乖既...你買隻電子兔差唔多

雖然我係新手.
但係之前潛水個陣睇過你既poz
都覺得你養兔方面好有問題 orz

兔兔岩岩到埗既時候一定會唔習慣新環境
而且你之前嚇過佢 佢而家保護自己都正常姐
仲有 每隻兔兔都有自己既性格
有d好乖有d就女皇 有d唔鍾意俾人摸/抱
正如你都可能唔鍾意人地摸你個頭啦
咬野同周圍vivi 仲可以話係習性
毛轉色可能係因為換毛/你屋企污糟 =  =

正常不過既野你都可以話佢變左.
我覺得係你唔習慣養兔仔喎
唔該惡補下啦 #^81^#

有d兔兔習慣左新環境就會大膽d.
我個皇后bb 都係會愈來愈大膽的.
而大部分的兔兔都唔中2比人抱(包括我個bb)
開頭佢肯比你抱可能係因為佢太驚了
咬野我bb就冇  唔知關唔關我比左個磨牙木佢呢?
如果要佢乖 真係要落好多心機教的..
如果不願做一個兔奴 當初就不要選擇帶兔兔回家..
既然依加大局已定 咁就只可以睇多d po..
如果你有時間就多d陪佢玩  睇住佢..

兔兔惡左? 大膽左係好事，你俾多D按摩佢，等佢親近你，咁遲下佢就唔會咁抗拒你抱...

MAX養左一年先俾我抱下

當正自己係大佬即係身心健康啦

你而家係需要教返佢VIVI

咁樣係正常...
你係屋企同係人地屋企都有唔同既表現啦..
當兔兔熟識左佢住既地方同人 兔兔就會表現得習慣 當自己係主人!!

同埋兔兔既毛色轉變係因為季節性換毛
and 兔兔係唔鍾意俾人抱
如果佢唔鍾意你抱千祈唔好迫佢
廢事你抱佢個時佢一爭扎跌到就麻煩

坦白講...
你所提問既野 你有心扒文你一定會知
我希望你可以用行動證明俾我地睇你對小v係真心 而唔係玩下玩下

其實呢...我諗你既出發點係錯架囉根本...
佢冇唔乖, 只係係你既角度佢唔符合你既標準...
我既BB都係咁, 岩岩黎好肯比我抱,,
(我唔覺得因為驚, 因為真係有1日突然唔同晒,,我開始懷疑係我男朋友細佬嚇親佢)
而家惡到飛起, 簡直係兔版葉問!! 唔通我要去揾馴兔師?
兔仔唔同狗仔, 其實兔仔同貓好似, 佢地唔會照你意思做, 亦唔會刻意討好你,
照顧兔仔既樂趣就在於見到佢地可以自在咁生活, 得閒跳下兔仔舞同埋中槍..
你覺得你「調教」佢地變到好似狗仔咁佢地會開心咁生活咩...

要改變既係你,,要調整下你既想法..咁先會令你地之間有良好關係#^54^#

其實, 抱兔呢家野真係好睇兔兔本身既性格,
多數兔都唔鍾意比人bb抱/反身, 佢會以為自己死左,
或者你等佢熟你d先, 覺得你比倒佢安全感, 咁就應該ok,
但如果兔兔點都唔肯比你抱, 咁你就無謂逼佢了,
你都唔想自己既兔兔唔開心/一見倒你就怕嫁?

其實以上好多兔友都解答左你既問題嫁喇..
你真係需要自己扒下文喇, 唔係樣樣野靠人加嘛~
起碼你第時見倒自己兔兔有咩異常行為都可以第一時間知咩事先啦~