兔糧問題

呢幾日發現兔仔兜糧有d非常細粒ge野,,
好似蚊滋咁,,又識飛,,
因為兔仔而家食緊d糧裡面係有d縠物同埋乾草,,
我想問d蚊滋係因為d糧定係我隻又有事?
唔該曬=]

聽你咁講，第一時間諗起----縠牛

但係兔兔唔應該食縠物… 請問兔兔食緊咩牌子糧？

你廁所有冇日日清潔？呢D天氣好容易滋生蚊蟲。

或者係d 糧，如果源頭係呢度會有勁多縠牛，小心小心 (以前呀b d a草生過好似甲蟲的物體，要注意包裝要空氣留通，否則好容易滋生不明昆蟲)

[ 本帖最後由 katy 於 2010-5-18 01:50 PM 編輯 ]

如果 見到呢D蟲蟲應該點處理~???

你話糧入面有縠物, 你兔兔食既係 "日本糧 / LM " ?
唔好再俾兔兔食縠物喇~冇益架~~#^47^#

我之前都試過 包OXBOW糧有小昆蟲, 可能係天氣問題或放得太耐, 我一發現立即成包掉左....#^20^#

我上次就掉左佢，一打開包A草好似打開個甲蟲之家，仲有1,2隻飛左出黎…:065: (係好多隻係D A草上面行來行去)

兔仔食緊KAYTEE同埋MARUKAN GE糧,,
我有逐包打開咁睇,,都睇唔到有個D穀牛,,
但係放左落個兜度,,到我夜晚返屋企就會見到佢地係個兜度嫁啦,,
咁我係咪應該將全部糧掉曬會比較好???
同埋我想問下個D穀牛會唔會令到兔仔D皮膚有問題嫁???
THANK YOU=]

唔好食好D....

其實兔兔食唔哂D糧定點？？擺到放工都未食哂ge???

試下佢食完糧拎走個兜，睇下D穀牛係飛入黎，定本身"呢"埋左係D糧度。

提一提你：唔好比兔兔食日本糧了，因為好多味精加重腎臟負荷… 不如順便幫佢轉糧吧

對皮膚有冇害我唔太清楚，不過我成日形住d蟲會唔會飛入兔耳… 最好掉左佢:065:

[ 本帖最後由 katy 於 2010-5-18 03:19 PM 編輯 ]

通常D糧我都係日日換GE,,
咁我想問除左KAYTEE之外,,
仲有邊隻牌子GE糧係好嫁???

美國牌子 --- OXBOW 或 APD吧
我的呀B食緊OXBOW成兔糧

不過要注意你的兔兔幾大，因為有分成兔糧和幼兔糧

草,糧都有可能有蟲.
草蟲細隻果d好似塵咁,會郁但唔會飛,大隻果d似甲蟲會飛,
一般細隻果種有時買既時候都有,或擺耐左都會有,一兩隻對草質影響不大.
但如果有甲蟲咁果袋草裡面應該都有一定量的蟲羅,要睇下d放草地方有冇潮濕,
多蟲都係買過包新既好.
糧的蟲係殼牛樣的,有幾對腳,唔會飛,糧有蟲就一定唔可以食,
因為品質已變,食左對身體冇益架.
另外,如果展企有蚊滋,都有可能在兔籠裡面發現,特別近廁所位.
所以先檢查下d蟲何來啦.

若草長期焗住, 會有機會出現好細黑點的蟲
你要係個袋開一個小孔比d焗氣散左就OK

原帖由 peggy31 於 2010-5-18 15:28 發表
通常D糧我都係日日換GE,,
咁我想問除左KAYTEE之外,,
仲有邊隻牌子GE糧係好嫁???

糧日日換????????#^66^#
你係點餵糧咖???????
兔兔係以草為主糧, 並唔係以糧為主糧喎~!!
你只需要早晚各俾一外賣匙嘅平匙份量就夠, 糧兜唔應該長時間放喺籠入面, 要培養兔兔每餐喺十分鐘倒食完就收兜, 起初可能會食唔完, 但唔緊要, 夠鐘就收兜, 同兔兔講"你食唔晒就收兜咖喇~!!", 久而久之, 兔兔會知道原來唔食晒就會收兜, 咁就會好快食晒。
同埋你依家俾緊兔兔食嘅係日本糧, 對兔兔可以講係有害而無益, 你幫兔兔轉糧啦~ OXBOW同APD都係一個值得推介嘅牌子。
草方面, KAYTEE嘅草質好差又多草碎, 你可以慢慢同兔兔轉草, OXBOW/MOMI/APD/JOJO's都唔錯, 你可以睇下想轉邊隻。