有關廁所問題

各位兔友,我有一個問題想問下呀~
就係呢,我家陳嬌教極都唔識去廁所...
佢又唔知點解好喜歡用腳去踩d尿,搞到4隻腳仔都黃哂...
後來我怕佢會比尿尿灼傷又因為衛生的問題...
我幫佢墊左寵物尿片,即刻好好多...

不過,到今日為止,呀嬌依然好有性格...
唔止係廁所,而係個籠任何一個位置(尿片上)都有可能見佢尿尿的蹤跡...

想問下大家,有咩方法可以有效教識兔兔去廁所?
又或者,如果我唔用廁所由佢係尿片上痾得唔得架?

請大家幫下我:002:

如果你已經試過不同既方法都教唔識去廁所
一係就繼續教, 有耐心d
一係就算啦, 用尿片都可以, 只要唔咬就得

哇好似奶茶呀~! 哈哈哈...
我果2隻都係呀..手仔腳仔都黃到唔見得人啦#^56^#  ((仲因為之前尿尿好深色攪到好啡...))
我好狠心咁將個草架同水樽都放係廁所隔離等佢地係上面食草同飲水,,((呢幾日開始))
情況十分好~!#^64^#  佢地好似慣左係上面一邊食一邊.....= ="
其他地方少左好多尿,,不過便便都係十分隨性..............#^58^#

我家大小姐都係好有性格,佢又係四個角加中間疴,又咬尿片,唯有好忍心,將個草架對廁所,見佢無上廁所食就推佢上去,如是者,每日重覆N次,連續六十日,日日如是,終於學識.不過毎星期總有1-3次疴係籠其他地方.:036: :036: 真係要俾足心機同時間去教.:003: :003:

放草架同水樽喺厠所旁邊呢個方法都可以嫁！
不妨作參考！

圖片參考。

其實兔仔懂得去廁所當然係好事啦..又省錢..又冇咁易灼傷腳仔...
但強迫兔仔可能會弄巧反拙
dee dee當初都好似你咁..但當我開始放棄佢唔使佢識去廁所嗰一刻..佢又學識左

其實我都可以話係半放棄了...
因為用左尿片...
草架就一早已經係放廁所上面了...
不過,佢仍然會週圍去,包括廁所,也包括籠的任何一個位置...
完全捉唔到佢係用開邊度的...

所以我先話,與其佢都係週圍去...
好唔好拎走個廁所等佢0係籠都有多d活動空間咁...
又唔使踩個廁所上的網姐...