唉唉，養了兔兔１個月啦，但總覺得佢不太痴我，點算？

養了１隻３個月大的貓貓兔有１個多月，但佢的性格好似唔太鍾意人摸佢、放佢出黎又成日咬我走廊的木門！
而我覺得佢不太痴我，好像跟我不太熟咁！點算呀？我覺得我好似唔係佢主人咁............
我想問問大家點可以同兔兔熟落d？而放兔兔出黎個陣，要點同佢玩？(其實都好似無咩好玩咁)
而佢又好抗拒人地抱佢，我都好難同佢梳毛，點算？真係唔知點樣去做一個好主人，請大家教路，謝謝

[ 本帖最後由 yin051191 於 2010-5-23 09:46 PM 編輯 ]

2個字=]耐性:052:

事實係好多兔兔都吾鍾意比人抱/摸
因為佢地吾似狗甘懂痴主人嫁 兔兔比較有性格
所以你要比多d耐性 等佢習慣下比人抱 佢吾鍾意都要抱幾次 抱到抱到為止
當然首先你要識抱 同小心d吾好跌親佢啦~~
另外 兔兔既好奇心重 咩都想試下咬嫁
所以 放佢出來時 你家的電線呀植物呀果d都要收好 否則佢都可能咬
你可以買個圍欄圍住佢既活動範圍囉~

你需要既係:時間
我用左年半時間去令我兔兔痴兔爸(係痴兔爸咋, 仲未痴兔媽wor!!可能仲要用多年半)

試下得閒幫佢按摩下, 摸多D佢頭仔, 同佢講下野! :051:

需要時間同耐性，
兔兔唔同貓貓狗狗，貓狗好快就會同你熟，
但係兔兔佢要花好多時間去了解你、熟悉你。
講真，對於兔兔，你係大怪物，
size大佢咁鬼多，係人都驚啦 ...

同兔兔其實真係無乜好玩，
我自己就會盡量係佢出黎玩個陣坐地下做野，
同佢講下野，餵下佢食草草咁lor~

兔兔是超慢熱的..一個月太短了

當年mocha來了我家半年才敢在我面前覺覺豬

係架,兔仔真係好有性格,
有時激鬼氣鬧佢,攪到屋企人以為自己痴左線,
不過我覺得佢地識聽架,因為佢地訓訓下叫佢地個名會起身架~~:078:

對於同兔兔相處,我都係摸索中
不過我深信終有一日森美會被我打動!
只係時間既問題!
大家一齊努力!

你可以坐係地下/籠前面.同佢傾下計
得閒就1條條草/1粒粒糧)咁餵佢食..叫多d佢個名
俾d耐性..你對佢好..佢會感受到..慢慢兔兔就會信任你..#^65^#

一個月只係好短時間嚟架咋！！
俾啲耐性，慢慢嚟啦！
兔兔係好慢熱架！
既然兔兔唔鍾意俾人抱，
咁就唔好太心急，
依家同兔兔講吓嘢，餵吓佢食嘢，摸吓佢頭仔，
等佢熟悉你先，熟落咗先抱佢（記得學吓點抱兔兔）

不過其實隻隻兔性格都唔同
我個隻養左兩年都好乖，ok痴我
但就唔鐘意見唔熟ge人
養耐d就OK架啦

雖然呀B唔係住係我屋企，我一星期都係見佢2日半到，但係兔爸話呀B痴我唔痴佢…

我覺得兔兔會分階級，他的屋企人伸手埋去呀B同個下巴擦佢地，我同兔爸伸手佢就"DUP"低頭。

1個月不是長時間~~唔好灰心! 以前的呀B都係郁D就咬人、0胡人、抱佢又出腿、梳毛要伸手梳入佢個寵入面梳、出黎玩周圍尿尿 (霸地盤)… 直至呀B做左絕育手術先開始親人。開頭我都唔識睇佢鍾意我，又覺得點解幫佢做咁多野都唔表示下，因為我將養狗果一套擺左去兔仔身上…

- 你可以得閒摸下佢頭仔，細細聲同佢講野 (好似同d小朋友講野咁，例如︰xx"兔名"，你今日乖唔乖呀？)
- 有時間就一粒一粒咁餵糧/草比佢食(草記住挑佢鍾意食果D)、
- 間唔中又獎下D小食比佢(我就比︰草磚/草粒/蘋果木)、
- 放佢出黎玩陪住佢，例如放梳化你其實唔洗點理佢，佢行過黎摸佢頭仔/叫佢個名

[ 本帖最後由 katy 於 2010-5-25 01:07 PM 編輯 ]

我想問下，兔兔用個下巴推下你同擦下你，即係點解呀？咩意思呀？