兔和狗問題

我之前養了一隻賓尼兔..3個月大的..我女朋友因為好想養佢...所以俾左佢養...但係又因為佢爸爸有敏感唔俾養...要俾番我養..但係我而家己經養左隻貴婦狗bb喇...唔知點算好...好驚狗吠聲會嚇親佢..但係我又唔可以唔要隻兔仔...我都唔知點算好喇

開頭唔好俾你隻兔接觸到隻狗住, 睇下有冇可能和平共處啦
有d 兔習慣左唔怕屋企隻狗

養左狗先再養兔會難夾d...

我之前都係將兔同金毛狗養埋一齊既~
其實唔好咁快將隻兔放出黎~  因為佢真係會好驚隻狗既~
係寵入面佢會覺得好安全~
另外就係隻狗啦...你要令到隻狗接納到兔兔既存在~
由於我果陣時就狗狗好聽話~  所以佢從來都唔會攻擊兔兔~
反而乘日都想同兔兔玩~  
不過兔兔就唔理佢...自已行黎行去~完全唔SHOW狗狗..
不過佢地有時都會係地下訓埋一齊....好可愛的^^

咁都好d...原來仲有機會相處到...我兩隻都咁錫...兩隻都唔可以唔要...最緊要隻狗夜晚唔好見到隻兔就吠就得喇...因為我果度唔養得狗的......-.-..

我屋企都係狗同兔一齊養"

我男朋友都養貓同狗架
Kulu 都可以去佢屋企住
一開始睇實d
見到狗狗一有d大動作就叫住佢
等佢知唔得
只要狗狗唔蝦兔兔
兔兔自然唔驚
慢慢佢地就可以和平共處

不過我地都一定係有人睇住先一齊放佢地

我隻兔兔識得分隻狗狗d吠聲
如果係吠陌生人, 佢都會好驚
但如果隻狗狗吠係因為屋企有人返
我隻兔兔就唔會驚

而我男朋友隻狗狗從未吠過兔兔

[ 本帖最後由 redbean 於 2010-5-30 03:21 PM 編輯 ]

burger都唔多怕狗！
可能細細個已經慣左見到狗狗！
今日有隻狗嘈得好西利 連我都覺得佢煩
但係burger可以中晒槍仲要合埋眼咁訓=.=