估唔到兔兔好似狗咁咁醒目^^

我想同大家分享我前日發生的趣事A_A

我果日見有時間就開左兔兔籠門俾佢出來玩,
但是其實我有d唔舒服, 咁我幫佢開完門走到房門口就暈倒躺左係地下,
(其實係耳水不平衡, 姐係企唔起身不過有意識既)
豆潤見狀, 我就聽到佢立即由籠跑出來用頭仔係咁推我的腳, 不過我仲係好暈動不了,
推左一陣佢見我唔起身, 就走來我頭度舔我額頭, 我覺得好好笑^^就好返D喇有返專注力,
之後八卦想睇下佢會點做, 點知佢可能想嘈醒我, 就跳上茶几把上面所有野都推哂落地...
=___=我立即精神哂......爬起身清理現場, 佢見我起返身就立即跳返入籠喇,
過左陣仲咬左我一啖好似嬲我嚇佢tim!!

我估唔到佢都會明白我唔舒服wor^^!!



之後件事同返屋企人講, 我阿哥就有咁既睇法:

兔兔見到我訓左係地下
兔兔心想: 媽媽係唔係訓左呢?出來8下先~
推推推
兔兔心想: 唔郁既, 拿, 再俾次機會你
舔舔舔
兔兔心想: YEAH!阿媽訓很香!!我可以去百厭喇!!!!
推哂D野落地....媽媽醒來....
兔兔心想: 丫!嘈醒左佢!立即返入籠扮乖!!!

2個版本, 睇下大家信邊個啦:059:

[ 本帖最後由 Jessie 於 2010-6-13 12:29 AM 編輯 ]

佢以為你訓左~~~~#^51^# 呵

我認同你哥哥既講法~:060:

小心身體呀~得兔兔幫唔到你打電話咖/.\
要小心d喔~~

你阿哥講得岩
你再唔醒同你拆屋都似#^51^#

兔兔O係兔奴眼中形象真差#^64^#

睇黎妳哥哥了解豆潤比妳深啊!哈哈哈!:073:

其實我都深信兔兔是懂事的..

以前我會在mocha面前裝死..佢就會好好奇咁跳上黎lam你頸..用頭仔推你隻手

知道我沒反應後就會自己跳上床玩...當我得知佢跳左上床就會醒來望住佢..佢就會呆呆地咁望住我

之後就會好自覺自己跳番落床...

我認同你哥哥既講法...
不過兔兔真係好慬事的=)

睇黎係我美化左成件事wor:073:  原來佢只不過係想玩=-=

原帖由 喵女 於 2010-6-13 01:14 AM 發表
小心身體呀~得兔兔幫唔到你打電話咖/.\
要小心d喔~~

謝謝關心啊~~~可能我係有d腸胃炎, 所以就會頭暈, 而家都冇事了

哈哈..好攪笑啊你隻兔兔..
我之前都試過暈左係屋企= =" (果陣未養兔兔), 果種感覺好恐怖...:077:
真係要小心D..

想乘機百厭:031: