怎麼辦好呢？大家俾d意見我

話說我和囡囡、豆腐花就快搬家了，
上兩個星期不斷同囡囡找學校轉校，
考左好多間都冇回覆，在剛剛有一
間學校的校長親自打來話有學位，
囡囡係升二年級的，但呢間學校的
校長就想囡囡重讀一年級，因為囡囡
考出來的成績唔好，但就欣賞她的操行，
想囡囡在新學校重生開始，校長仲話我囡囡
係細囡，起初我唔明點解話我囡囡係細囡，我
仲同校長講我得一個囡，原來校長的意思係話囡囡
屬於年尾出世，現在留一年級會比較好d，校長話一、二
年級都有位，如其要囡囡現在升二年級讀得辛苦，不如
就俾囡囡讀多年一年級打好基礎先，校長叫我考慮下，
下星期答覆佢，大家可以俾d意見嗎？我應該點做好。

其實我都想pm問你的近況,果間學校係邊間?d學生既成績同埋操行好唔好?其實,你覺得囡囡一年級的成績如何?如果覺得佢成績都唔係太好的話,重讀多一年都好...........

校長都講得岩，大人係年頭年尾出世就無所謂，但因為小朋友細三個月就係少過同年紀既小朋友發育三個月......即係咁小朋友0個月大同埋3個月大既分別就好大的

main point:  係果間學校的學生既成績同埋操行好唔好?如果唔係太好的話，就可以讀返二年級:054:

唔好啊..留班既感覺好難受,由其是佢甘細個,D同學唔識野會笑佢架

你自己認為囡囡o既成績如何? 偏向好還是差?
如果真係唔係咁理想的話, 我都同意校長o既講法,
我覺得基礎真係好重要, 如果基礎打得唔好,
咁第二時小朋友就會讀得好辛苦, 唔識, 唔明.....等.
勉強俾小朋友讀上去, 二年級可能問題不大,
但當再讀上去時, 小朋友就會越嚟越辛苦~
亦有可能會因為咁, 而對讀書無興趣添!!

同時,我認為亦需要同囡囡講,
睇吓佢個反應如何!
如果囡囡唔想, 就解釋俾佢聽,
再睇吓囡囡反應會唔會有所改變~

[ 本帖最後由 hamster1013 於 2010-6-25 02:18 PM 編輯 ]

不如你搵番之前果間學校果d老師問下意見丫
始終佢地對你女女既成續比解了解 知道佢既成續對比其他同學仔來說如何
又或者會吾會兩間學校吾同level 所以先想你女女重讀呀?
其實同一班同學仔 上下相差幾個月大就實會有
而考名次考得前成績好果批 又吾代表係年齡大幾個月果批
所以我覺得讀書都真係因人而異 同差果幾個月大無咩關係

細個又係咁，小一要搬屋，最後我係升二年班 (果陣搵左好幾間學校，有2間係叩門，我唔記得一間叫我重讀定唔收，總之冇選果間)

可以的話，打聽一下/請教舊校老師對於呢間學校有咩意見 (教學方式/老師/學校方針/是否集中於精英班...)

我覺得小朋友基礎打得唔好好難跟得上同埋好吃力，我小三/四已經開始跟不上數學，小五/六直情跟唔上，日日比人罰留堂又要比人罵，好唔開心…

另一方面要同囡囡講下，其實留班冇咩大不了，跟唔上先大件事呀!! (同埋唔係原校留班我覺得冇所謂，D人都唔識你GE)

間學校叫東華三院周演x小學，
囡囡現在讀緊呢間大坑東宣x小學
的成績屬中下級，上學期考試考尾4，（全班33人）
我問過囡囡的班主任，個班主任話
間間學校的程度唔同，所以俾唔到意見，
我走去問教電腦的主任，呢個主任反而就知
道囡囡係早產嬰同弱視，學習能力係比較慢，
重讀一年都唔係壞事來的。可以考慮下。
其實囡囡現在講緊呢間學校我跟囡囡的功課
都跟得好辛苦，囡囡根本就唔明，講書
速度好快，3日內教5課書，囡囡跟唔上間學校
的速度，全都靠死記。
我仲未答覆東華三院呢間學校，之前考果間仲未有回覆（呢間係第四間）
等唔等埋其他學校的答覆先至決定呢？

呢啲野我都吾係好識比意見= =
不過都希望你囡囡可以係未來既新學校讀得開心

問下你囡囡意見啦
重讀多年可能會令佢有負面影響

其實你既然都覺得你囡囡喺一年級嘅時候都讀得比較辛苦同緊, 亦都覺得佢跟唔上嘅話, 我覺得重讀一年真係會比較好, 小朋友仲細, 仲可以重新開始嚟過, 但如果大啲先嚟唔得話留級, 咁樣就算留多幾年都未必有用, 始終根基已經打唔好, 以前我做幼稚園嗰陣, 有幾個高班嘅小朋友, 因為係身體各有唔同嘅健康問題, 有啲係輕弱, 有啲係過度, 有啲係障礙... 所以, 成績都比一般正常嘅小朋友差啲同跟唔上, 因為升小一要轉新學校, 好多嘢都要重新適應, 對小朋友嚟講唔單止要面對新嘅課程, 仲要面對好多新事物, 學校會考慮到小朋友嘅進度, 都有同家長提意佢哋讀多一年高班都唔好升小一住, 盡量打好基礎, 等小朋友將來冇咁辛苦, 啲家長都一一接受, 始終今日決定係為咗小朋友嘅將來打算。

講下留級嘅問題, 我同意樓上有兔友所講留級唔好受, 但我哋做大人要先分清楚, 唔係學校嘅強制性留級, 而係大人為咗小朋友嘅根基而想佢讀多年, 有分別咖~ 唔好俾小朋友攪錯咗, 你要俾佢知道因為要轉校, 學校嘅程度同之前嗰間唔同, 為咗想佢可以重新適應, 所以你覺得想囡囡由一年級再讀起(千其唔好同佢講話係間學校嘅校長講, 因為咁會令佢覺得係學校嫌棄佢), 等佢打好基礎升二年級或之會讀得冇咁辛苦。你要講明囡囡呢啲唔係叫留級, 係由家長決定嘅重讀, 為咗佢好嘅重讀。

講真, 如果係我囡囡我一定會決定俾佢重讀, 因為, 今日能夠自己下決定俾佢重讀係一個好好為佢嘅機會, 反而可以幫助你同囡囡加強信心, 但如果今日決定佢照升小二, 萬一囡囡真係跟唔上, 去到大啲因為成績唔好俾學校強制性留級嘅話, 咁會對囡囡會有更大嘅傷害同自卑感, 因為越大就越懂事, 到時你想講得佢明會更難。

[ 本帖最後由 波子 於 2010-6-25 09:12 PM 編輯 ]

囡囡好似聽唔明咩叫重讀，
我打電話俾囡囡幼稚園的班主任，她說以囡囡的
情況，重讀係比較好，同埋囡囡係細囡，讀多年
都唔係大問題。
第一間考的學校到現在都冇通知，係唔係唔通知
等於唔收呢？果日囡囡去第一間考果陣，有4個都係考轉校2年級的
而且從未睇過囡囡的成績表的，反而現在呢間由我幫囡囡報名時已問
定要囡囡的成績表。

我小一因為成績唔好而重續..細個個陣連續幾年都好唔開心(真的),開頭唔知咩叫重讀,但一聽到老師叫我排返去1年級個面就喊到收唔到聲,真係冇哂心機上堂,之後習慣成自然唔聽書(希望你囡囡唔會)重讀係為囡囡好.但要多留意重讀後佢行為有冇異常同佢傾多D計.

新學校, 新同學... 咩都係新開始, 可能係好辛苦,
不過打好基礎好緊要, 基礎唔好, 好難再讀上去...
個人覺得重讀對囡囡都係好事~~~

我屋企, 有個例子...
因有學校收佢入小一... 就唔讀高班就飛左入小學...
入到去咩都唔識...屋企人想佢重讀一年...
當時D學校又唔比... 結果, 低子好差, 咩都學唔好~
到現在人大了, 想學都好難了~~

真的重讀愈早愈好...

我覺得呢個校長既建議幾好同真係有諗過野,點解好呢?

因為而家2年級的同學大多都是從1年級原級升上來的,巳經
做了一年同學/朋友,會分左黨派之類,新加入易比人恰.

而1年級的大多都是在不同幼稚園上來,咩野都唔識,又驚,十分
雖要朋友,妳囡囡又有一年經驗,人地有咩唔明妳囡囡實認叻教
人(小朋友係咁,大人都會),因為其他小朋友覺得佢叻,所以一定多朋友.

其實1至3年級主要係學寫字同教基本26個英文,加減數同紀律,真正
像樣的學識是在4年級開始,所以從學識來說,照讀2年級也沒問題.

問題在於:1)讀2年級"有機會"新加入易比人恰.
             2)讀1年級"大機會"一定多朋友.
             3)"細囡"讀多年沒問題,但應在邊年讀多年呢?呢個都要諗一下.

其實還有很多其他因素要諗,所以做家長的真的很頭大......

我囡囡讀緊呢間一年班已經學加減混合數、雙位減法仲要係借位、3日內要背識1至11的乘數表
我幫囡囡溫習囡囡溫到不停喊，囡囡已經俾呢間學校的老師罰留堂。