怎麼辦好呢？大家俾d意見我

話說我和囡囡、豆腐花就快搬家了，
上兩個星期不斷同囡囡找學校轉校，
考左好多間都冇回覆，在剛剛有一
間學校的校長親自打來話有學位，
囡囡係升二年級的，但呢間學校的
校長就想囡囡重讀一年級，因為囡囡
考出來的成績唔好，但就欣賞她的操行，
想囡囡在新學校重生開始，校長仲話我囡囡
係細囡，起初我唔明點解話我囡囡係細囡，我
仲同校長講我得一個囡，原來校長的意思係話囡囡
屬於年尾出世，現在留一年級會比較好d，校長話一、二
年級都有位，如其要囡囡現在升二年級讀得辛苦，不如
就俾囡囡讀多年一年級打好基礎先，校長叫我考慮下，
下星期答覆佢，大家可以俾d意見嗎？我應該點做好。

原帖由 明月 於 26/6/2010 22:24 發表
我囡囡讀緊呢間一年班已經學加減混合數、雙位減法仲要係借位、3日內要背識1至11的乘數表
我幫囡囡溫習囡囡溫到不停喊，囡囡已經俾呢間學校的老師罰留堂。

WAH~ 好辛苦呀~!!!!!#^73^# #^73^# #^73^#

而家辛苦好過之後跟唔上. 不如同佢請補習la.

其實我個人意見，升到小學都開始冇大細女之分架啦！(指年頭年尾)#^75^#
而老師講既間間學校程度唔同又真係真既，你可以先了解下兩間學校個課程同進度有冇咩差距。
如果新果間學校課程較淺你可以考慮升二年級，但相反課程較深既話，我諗都係重讀一年好D，始終小學打好基礎對日後學習有好大幫助。
另外你都要了解你囡囡讀得辛苦既原因.(課程太深？聽唔明？睇唔清所以聽唔明？)給予適當協助..
.唔好比太大壓力佢，驚左讀書以後都唔會想再讀架啦！
最後講句，呢個年齡既小朋友對友誼既定義好特別，今日當你係FD，聽日可以當你係敵人，所以就算升二年級又唔會話擔心搵唔到朋友既。

11都要背嫁咩= =
我記得我以前背到9就得嫁喇喎

原帖由 古古力;$ 於 2010-7-1 07:19 PM 發表
11都要背嫁咩= =
我記得我以前背到9就得嫁喇喎

我小二都要背到17..... -_-"
剛開始小一第三日要用普通話背中默..我仲記得係背成一段文..第4日開始默英默...........
所以咪話間間學校唔同LOR........:050:

原帖由 nooo 於 2010-6-28 07:35 PM 發表
其實我個人意見，升到小學都開始冇大細女之分架啦！(指年頭年尾)#^75^#
而老師講既間間學校程度唔同又真係真既，你可以先了解下兩間學校個課程同進度有冇咩差距。
如果新果間學校課程較淺你可以考慮升二年級，但相 ...

:054: 其實在小學生中，真係好明顯睇得出個學生係年頭定年尾出世的.......

回上面既一個post,我真係好唔贊成小三前要補習，如果要去補習社就更加唔可以了，一定會學壞的﹗反正小三前要學既書，明月你一定識,以你既方法去教下同埋多d親子，多d引佢自己講話題、令佢說話能力高d，會對佢其後既學習有幫助的﹗

我已經睇過新學校的課程，
學的東西大概同現在呢間差唔多，
所以我都決定俾囡囡留多一年比較好。
其實我自己都唔想太早俾囡囡補習，
能夠自己教到都想自己教，
除非正式搵到份長工咁就要多囡囡在補習社。

...明月.........最好唔好比囡囡返補習社......講認真的.........:050:

原帖由 Maggie 於 2010-7-3 01:23 AM 發表
...明月.........最好唔好比囡囡返補習社......講認真的.........:050:

Maggie，我都明白補習社的情況，我之前曾經在補習社做過，
d小朋友全部都唔聽教，全部都唔認真。