不肯用新水樽飲水

本人原本用開120ML既日本小水樽，但今日買了個800ML既大水樽俾佢，個吸水嘴都大啲，但佢試都唔試=.=有咩方法可以另佢使用新水樽呀???

會唔會係有陣味呀?
你有無洗得好乾淨?
或者搵熱水浸下個樽and咀先~

btw....800ml應該好大個wor,
個咀應該好大粒珠,兔兔夠力頂嘛?

原帖由 光之天使 於 2010-7-4 11:45 PM 發表
會唔會係有陣味呀?
你有無洗得好乾淨?
或者搵熱水浸下個樽and咀先~

btw....800ml應該好大個wor,
個咀應該好大粒珠,兔兔夠力頂嘛?

有用熱水浸過，問題可能粒珠要啲力頂，佢唔慣

咁講...可能佢唔夠力頂!而家返工就比返個舊佢用住，放假先教佢用。

你可以頂粒珠高少少(整到佢漏D水出黎，等佢知有水飲)，如果佢飲就讚下佢乖。粒珠跌返落黎睇下佢頂唔頂到，頂唔到就幫佢整下粒珠比佢…如是者佢應該會試下飲(除非粒珠重到佢頂唔起) 之後佢自動自覺飲記住讚佢呀!

如果佢掂都唔掂個樽，可以個樽打斜少少餵佢飲，佢肯飲就比佢飲一陣然後引導佢去水樽個位置

其實兔兔支水最好每日都換新水
吾知你只兔兔一日飲幾多水 但800ml一日應該飲吾哂呱...
所以換個大水樽無著數XDD
吾...可能兔兔真係吾習慣bo...
大熱天時 佢真係吾肯飲的話 唯有用住舊水樽先啦

原帖由 珊迪小姐 於 2010-7-5 03:48 PM 發表
其實兔兔支水最好每日都換新水
吾知你只兔兔一日飲幾多水 但800ml一日應該飲吾哂呱...
所以換個大水樽無著數XDD
吾...可能兔兔真係吾習慣bo...
大熱天時 佢真係吾肯飲的話 唯有用住舊水樽先啦

岩岩諗起，林b爸將呢2個水樽交替用…(800ml果個唔洗裝滿就不怕浪費)
我開頭係日日比同一樽，點知有一日見到個樽有青苔…仲有好多滑潺潺ge野,應該係長期浸水冇吹乾
從此我就用2個水樽喇~

試過觀察幾小時(我係隔離玩電腦)、佢都係掂一下就沒理到，又試過諗住用毛巾包住佢，逼佢試下飲，唔得(發脾氣),試過係佢面前整啲水出黎俾佢知，都沒用=.=

定係佢用開呢個唔想換其他呢=.=其實我一日都係入2-3次水， 如果遲啲佢飲多咗，我諗住買同款，不過容量大3倍個啲=.=

多謝各位提供方法

我都買左明水樽比兔兔飲水~因為水樽本身有2粒珠佢都飲得好吃力~
我懷疑自己買左for龍貓用既水樽=.=

有沒新界(上水至大埔)朋友需要呢個800ML既水樽，我可以無條件送出俾有需要既兔爸或兔媽!!

如無記錯, 林b好似只係4個月大左右, 可能佢只係唔夠力去頂粒珠, 所以無心機用佢飲水。你或者可以留起個樽, 等林b變為成兔, 佢大力d的時侯, 再試下用呢個新水樽。

原帖由 傘仔 於 2010-7-8 11:58 PM 發表
如無記錯, 林b好似只係4個月大左右, 可能佢只係唔夠力去頂粒珠, 所以無心機用佢飲水。你或者可以留起個樽, 等林b變為成兔, 佢大力d的時侯, 再試下用呢個新水樽。

呢粒珠的確需要少少力，我都唔想佢飲水都咁辛苦