關於兔籠問題

我想問下依個兔籠既板會唔會令到兔兔生腳瘡??

應該唔會，不過好難洗。:054: 同埋佢好好好好好貴呀﹗

BTW，唔好用木糠了﹗ ^^

因為我買依個籠比我隻兔兔~但我怕佢既板會令到兔兔生腳瘡~
同埋我唔知可以放d咩入去比隻兔兔玩~我得一個鐵草球係到~
有時佢番入去後冇野玩好似好悶咁

有d咩提議大家??

我個仔都係用緊呢個籠, 我有放ABC墊喺籠裡面, 但就只係放佢經常坐同瞓嗰邊。

其實兔兔唔需要啲咩玩具俾佢玩, 最重要係多啲時間陪佢同放佢出嚟走動下, 我個仔連草球都冇, 事關俾佢都唔玩, 兔兔多數喜歡玩兔奴

呢個籠的確十分難清潔, 而且啲草會好容易跌晒落個底盤度, 好浪費, 如果你住喺香港嘅話, 你可以去買啲雲石板舖面, 等啲草唔好跌倒落個底盤度咁浪費。

我都係用呢個寵，我試過用毛巾、AB膠鋪底佢都接受唔到，最後決定用最貴又最好既方法，用T草鋪底(我諗一包大T草可以用到15-20日)，每日鋪2-3次，希望盡量唔會令佢生腳瘡!

但呢個寵真係算好貴，$688，同埋清潔好麻煩，我用報紙鋪下層(每日換一次)，但啲草好易跌落去，1-2星期大執一次，每次用成30-50分鐘!!

另外，圖中個木球佢都OK鍾意玩，大約$15-20蚊一個

[ 本帖最後由 long~spirit 於 2010-7-6 09:11 PM 編輯 ]

有時d尿尿會滴到係則邊果到~清潔係難d所以諗住等佢大小小比個廁所佢用

有d咩原因先會令佢生腳瘡??有冇得預防??

[ 本帖最後由 angietsang 於 2010-7-6 09:16 PM 編輯 ]

原帖由 angietsang 於 2010-7-6 09:14 PM 發表
有時d尿尿會滴到係則邊果到~清潔係難d所以諗住等佢大小小比個廁所佢用

有d咩原因先會令佢生腳瘡??有冇得預防??

越早訓練佢去廁所越好，你將佢啲屎不斷咁放係廁所，佢好快就識去個到尿尿應該，我個隻一買返黎幾小時就教識佢用廁所，但屎屎就一半一半

原帖由 angietsang 於 2010-7-6 09:14 PM 發表
有時d尿尿會滴到係則邊果到~清潔係難d所以諗住等佢大小小比個廁所佢用

有d咩原因先會令佢生腳瘡??有冇得預防??

踩硬地或啲唔平既地，令佢腳仔長期受壓就有機會，所以盡可能用軟墊或草去預防，同埋腳板毛最好唔好剪!

你隻兔叫咩名呀

我有試過放d草比佢踩~因為佢食又係果到食~屙又係屙係上面~
整到自己踩反自己d尿尿我覺得整到佢好污漕先唔再放...
同埋我隻兔兔好衰..佢會撩哂草架d草出黎"間"黎食..可以點算..??

我隻兔兔叫奶茶~有時會叫佢做奶茶波波^^

[ 本帖最後由 angietsang 於 2010-7-6 09:39 PM 編輯 ]

原帖由 angietsang 於 2010-7-6 09:33 PM 發表
我有試過放d草比佢踩~因為佢食又係果到食~屙又係屙係上面~
整到自己踩反自己d尿尿我覺得整到佢好污漕先唔再放...
同埋我隻兔兔好衰..佢會撩哂草架d草出黎"間"黎食..可以點算..??

我隻兔兔叫奶茶~有時會叫佢做奶 ...

重點教識佢係廁所呵尿，屎就唔係大問題(因為一粒粒同硬，唔會點dirty)，我開頭都係用草架餵草，但之後變咗a草同糧就用圖中錄色個碗俾佢，啲t草就咁鋪係到任佢食!

將佢啲屎不斷咁放入廁所，希望佢快啲識去啦^^

有呀~我有張d便便係咁放入去~初初都有係廁所屙尿尿
間唔中都會屙出黎~但有d人話隻兔兔太細佢唔唔會聽架~
所以我先唔用廁所~等佢大d先比佢用lo

原帖由 angietsang 於 2010-7-6 09:57 PM 發表
有呀~我有張d便便係咁放入去~初初都有係廁所屙尿尿
間唔中都會屙出黎~但有d人話隻兔兔太細佢唔唔會聽架~
所以我先唔用廁所~等佢大d先比佢用lo

初初係咁，但過1-2星期後，佢10次都有9次會去廁所呵，越早教越好

呢隻籠，我岩岩買兔仔時覺得係最靚=.=但$都係最貴

兔兔最好由細細個開始教去廁所....
可以試下以下意見：
基本上兔兔都會選一個特定的位置去尿尿....
你將個廁所放係個一個角到就可以
然後將水樽跟草架[如有用]放在廁所附近
因為兔兔係一路食一路痾..
兔兔應該好快可以學識去廁所...只要有在廁所內尿尿就可以, 屎屎通常都會四圍飛..
當然每一次成功後, 不忘都要給牠一點讚賞...

[ 本帖最後由 aina 於 2010-7-7 06:13 AM 編輯 ]