如果兔兔唔絕育會唔會有問題?

我隻兔兔而家大約7個月多啲, (男仔黎的)
如果唔絕育會唔會導致咩問題?
如果真係絕育,最好係幾時? 絕育之前要注意啲乜野?
元朗有冇獸醫做絕育手術比例好? 價錢又大約係幾多?
之前問過八號兔佢話聽過人地絕育五百幾都已經有得做絕育,
但個啲會唔會做得唔好? 麻煩哂各位解答我問題thanks

7個月大應該要絕育嫁啦~__~
絕左育健康d同埋冇咁惡嫁.乖d嫁.

如果係男仔, 你又肯定只會養一隻嘅話, 其實可以唔駛絕育都得, 視乎你自己點諗啦~ 絕咗育有機會令到性格改變, 但唔係話百分百一定會, 不過, 唔絕育嘅話, 發情兔兔就會UN UN, 你要接受佢會有呢啲行為, 但如果絕育前已經識得UN, 咁絕咗育都有機會繼續UN嘅~!!

如果你決定同兔兔絕育, 你兔兔依家七個月大已經係可以帶佢去咖喇~ 至於元朗邊個獸醫絕育做得好, 就等其他兔友答你啦~ 因為我啲仔女喺外國, 未試過香港嘅獸醫。但如果唔怕遠少少, 九龍城DR, Betty, DR. Yan同DR. Ma, 都係呢度嘅兔友極力推薦嘅~!!

男仔最好係未識un前做，會少d行為笑話(周圍找物件un)。
絕育要全身麻醉，對兔仔係好危險的事，用藥量錯左兔仔永遠會醒唔返，所以請找有醫兔經驗的醫生。
另外有經驗的醫生，處理傷口的手法會用皮膚膠水，傷口會埋得好d。
一般事前診費$250，男仔做絕育大約$900，藥另計。

[ 本帖最後由 wm20472 於 2010-7-27 07:16 AM 編輯 ]

原帖由 波子 於 2010-7-27 06:46 AM 發表
如果係男仔, 你又肯定只會養一隻嘅話, 其實可以唔駛絕育都得, 視乎你自己點諗啦~ 絕咗育有機會令到性格改變, 但唔係話百分百一定會, 不過, 唔絕育嘅話, 發情兔兔就會UN UN, 你要接受佢會有呢&#218 ...

今日帶左小卡去元朗個間城市獸醫睇,我覺得唔錯的~
個醫生話佢好早熟:067: 佢而家已經識unun,

做o左手術啦?
請問醫生叫咩名呀?

原帖由 Cottontail 於 2010-7-27 11:32 PM 發表
做o左手術啦?
請問醫生叫咩名呀?

未做 今日只係去睇腳瘡既問題
但諗住大約十日之後見多次醫生再決定做唔做:062:

原帖由 Siuwai 於 2010-7-27 23:25 發表

今日帶左小卡去元朗個間城市獸醫睇,我覺得唔錯的~
個醫生話佢好早熟:067: 佢而家已經識unun,

記住必須要搵一個係懂得醫兔嘅獸醫去醫兔兔同幫兔兔做手術, 因為, 唔係每位獸醫都懂醫兔嘅, 一般獸醫都係醫開貓狗, 但獸醫本身有生意做係唔會話你知佢懂唔懂, 只係會當隻兔兔當係貓狗咁睇, 所以, 你一定要了解清楚啊~!! 尤其做手術呢啲咁微細嘅事, 切勿胡亂選擇。 我第一隻兔兔就係因為我唔知道獸醫嘅情況, 就咁斷送咗我愛兔嘅生命, 但因為我係喺外國養, 當時跟本冇人話倒俾我哋知道, 邊個醫生懂醫兔, 就惘然相信寵物店嘅介紹呢~!! 既然香港有咁好嘅渠道俾你了解, 你一定要做多啲資料搜集, 唔好讓自己做錯決定啊~~~!!

PS: 城市獸醫話你嘅兔兔7個月識UN UN係好早熟, 那係錯的~ 兔兔7月個就識UN同發情係好正常嘅時間, 我家兔兔4個月就會UN了, 那你覺得7個月真係早熟嗎???? 那個城市醫生, 真係有醫兔嘅知識嗎????

原帖由 Siuwai 於 2010-7-27 11:25 PM 發表

今日帶左小卡去元朗個間城市獸醫睇,我覺得唔錯的~
個醫生話佢好早熟:067: 佢而家已經識unun,

城市獸醫出左名唔識睇兔, 你唔係唔知呀...
睇兔仔最好搵返D有經驗既好D. 下面既LIST除左愛護動物協會, 其他都OK既.
http://mini-house.info/viewthread.php?tid=41

今次急住幫兔兔睇腳瘡, 所以就睇左城市個間先