如何讓新舊兔兔融洽相處

見阿襪平時自己1個好似好悶咁,,最近幫佢搵左個伴...
有幾個問題想問下各位呀....
1. 佢地2個年紀相差1歲半...會唔會相處唔黎呀??(2個都係女仔,大0個個已經絕育)

2. 我買左個大籠,打算接新兔番黎既時候佢地一齊共用,咁做有冇問題呢??...(當然1開始會中間隔2個網分開佢地一排先啦)

3. 點做可以令佢地成為好朋友呢??

4. 有冇D乜野要留意/避免GA??

最後,希望各位有經驗既兔爸兔媽可以分享一下,有新成員加入既時候你地會點做呢??
#^65^#

1. 佢地2個年紀相差1歲半...會唔會相處唔黎呀??(2個都係女仔,大0個個已經絕育)
年紀唔係一個大問題。

2. 我買左個大籠,打算接新兔番黎既時候佢地一齊共用,咁做有冇問題呢??...(當然1開始會中間隔2個網分開佢地一排先啦)
新兔返嚟屋企嘅初時, 最好唔好咁快將佢哋擺得太近, 應該分籠放遠少少, 等新兔適應新環境同時亦俾舊兔知道有新兔嘅出現。等兩兔都適應咗對方, 就可以將佢哋放近, 讓佢哋隔籠/欄相處。

3. 點做可以令佢地成為好朋友呢??
如果要為兩兔bonding, 兩兔都必需已絕育先可以, 因為, 未絕育嘅兔兔係會隨時有打/咬對方嘅情況出現, 等兩兔都絕育後, 你可以讓佢哋開始一同活動, 初時俾小小時間, 如果冇不良嘅情況就可以每次增加相處時間。

4. 有冇D乜野要留意/避免GA??
你要有心理準備, 兩隻兔即使已絕育, 而都唔代表可以百分百BOND倒, 即係話, 你要預咗BOND唔倒就要永遠分籠養。BONDING係冇得勉強, 而且切忌操之過急。

我都係養2隻兔兔, 要佢哋BOND到:
1. 一定要絕育
2. 先用圍欄圍2個範圍做鄰居, 讓他們慢慢適應對方
3. 餵糧、菜時, 讓他們一齊食, 做一些開心的記憶
4. 製造一些共患難的機會, 促使他們倚靠對方

唔好心急, BOND的時間有人快有人慢, 順其自然, 我個2隻大細妹, 都做左鄰居一年多, 有一次一齊放出來行街時發現他們FD左, 才知BOND成功

但兩個男仔相唔相處到架

兩個男仔最容易打交....

2個女仔爭地盤都係一樣易打架

我都想問下這個問題,,,,
我快要搬家，想利用這次搬家把三隻兔兔一起生活
大家都已絕育,,,,(2隻+1隻)
我個PLAN會係甘,,,,
首先三個BB都會去剪下指用剪毛....
甘我就在這段時間搬屋,,,,
約5PM-6PM去接佢地回家屋,,,,
先準備一個大地方,,,,和菜菜,,,,
希望佢地會夾到啦,,,,,