你地去買草時會用手搞下D草嗎?

我2隻兔都係食MOMI 2ND CUT既
咁話說呢..我去開荃灣買草
因為佢有得送貨,我又唔係住荃灣區
有時我都會揀送貨
但因為送貨無得自己睇下D草質,
之前都試過買到返黎超超超碎
咁如果我行開荃灣都會自己去揀去買
咁話明自己揀..我就一定係由果餅草既中間揭一揭起D草睇下碎唔碎

其實最初自己買..佢地都由得我地自己打開包草揀
跟住我上次去買..佢已經叫我地唔好自己開, 同佢地講,佢地開比我地睇 (但呢一次佢都仲比我用手搞d草)
到我今日去買..佢直情唔比我用手揭草..O係到話我,話最多佢反一反比我睇 (佢反一反既意思係正面同背面)

如果買開MOMI都知..MOMI 打開睇到係CUT得幾整齊o既..
所以唔揭既話包包差唔多...
我估佢係唔想d人左搞右搞d草整到亂晒,所以先唔比人再用手搞
但我覺得佢唔比人亂搞,佢都自己揭一揭比我睇好d囉....

無得揭d草都唔知自己咁遠去拓包草返屋企做咩…

你係咪係R記買?????

可能佢地驚人整碎D草..
但照理佢地都應該反反中間D草好D^^

我諗店員一來怕整散左無人會買啦
二來其實衛生問題都好緊要呀
而家大熱天時 好自然會有手汗 而且如果我地摸草之前無洗手
甘摸過d草污穢了 就可能比兔兔食左啦
所以佢都係為左兔兔著想姐 甘諗就無甘嬲嫁了 ^_^

這是衛生問題吧，手汗會整到d草變質..

其實佢唔俾你用手揀係正常架wo!~
代代草都俾人用人揀過你都未必要啦~
我買草都係叫佢開草俾我睇下多唔多枯枝就算啦

我去 q pxt 買 momi, 會要求佢開箱, 會用手摷, 睇下碎唔碎多唔多枯枝, 有時會開兩箱比較,  不過其實開唔開箱都冇咩分別, 同一批草, 通常要碎一齊碎, 要枯一齊枯, 兔兔要食就局住買....

將心比已, 我買任何物品,都希望是新開的, 沒有被人拆開過。如果俾我知道,有n個人曾拆過摸過,覺得好dirty。(因此,商舖的陳列品一定會大割價才可售出...)

我支持舖頭不讓任何人拆開睇。而且, 老實講, 商舖唔係專登賣差貨, 佢自己入一整批貨, 供應商都唔會比佢揀啦。

:054:得罪晒。

:043:  吓....開兩箱比較, 咁睇左用手摷過唔要果箱, 咪會賣俾我呢d 唔拆開睇既人?

舖頭唔比拆開睇, 唔比用手揭草係岩既!

我自己都覺得唔用手揭草比較好..
如果你覺得唔令唔要ge話 鋪頭好難做..
唔亂都還好..   亂左第2個人買左會有咩感受呢..
買草好講彩數ge... 我自己覺得...
我通常睇就算#^54^#

係呀,我R記買架..
同埋我買一包架咋..我唔會1次過買1箱2包
其實講真我唔係嬲
我亦都明白佢唔想整亂
但其實就咁揭一揭中間..係唔會整亂D草架...
因為揭起少少你已經可以睇到D草碎唔碎
我只係覺得唔由我揭佢都揭比我睇會好D
手汗問題亦都可以由佢揭時佢抹左手先
唔講唔知原來咁少人會用手去揭下D草
以後都無得搞啦,,

我隻兔鼻敏感呀, BETTY EE都話過無得醫
成日放草佢就一路食一路痴
如果可以自己揀,我真係唔想揀包超碎既草比佢食
唔想佢食草都咁辛苦呀

我都係買momi草,會叫佢開比我睇,但唔會掂d草,因為你揀完唔要,人地點都會買到你掂過包草,我都唔想人地兔兔食d唔乾淨既草,而且你又會有機會買到人地掂過既草.....所以睇完就算啦~~

我每次買MOMI草, 比錢前會檢查草質是否有問題, 因為試過見有雜物、雞毛...
通常係職員陪同下打開包草, 揭開中間看看有無過量枯葉, 有無雜物
若有, 職員會將包草退回代理
若無, 我會即時比錢買下包草

[ 本帖最後由 wm20472 於 2010-8-5 09:42 PM 編輯 ]

我都去過幾間唔同既店買草,
8 號,R記,一d細既舖頭~

R記我係訂貨,未試過自己去托,所以唔知~
8號,小型店等等~我都會問下可唔可以打開袋睇睇草質(momi)
通常d店員都肯~我都係就咁聞下and睇下枯唔枯~之後就會決定買唔買
都唔會用手攪...始終未確定自己會買,落手攪好似唔係咁公平,
萬一自己唔要..人地都仲要賣~

其實你話草碎,基本上袋袋都一定有,
而momi其實佢都cut得好齊,一眼就睇到~
唯有係入草既時候自己"西"下~

好多牌子既草都有碎.
有次買左箱momi 22磅4包既. 食到尾倒埋倒埋有一包全部都係碎.
自己去買果時都係睇下個袋面. 見到多枝既就決定買果箱算.
費事開嚟開去. 而且開得多d草味會好快走哂.
如果自己唔要, 人地都仲要賣.
咁掂過d草比下一個客揀都唔係咁好意思.