唉...我發現我係一個失職既主人

我本身養左一隻迷你兔女女牧淇，半歲。
咁一個月前，我朋友有隻貓貓兔蕃茄仔，3個月大。養左幾日就比左我。

佢同牧淇一直都係分籠，我每日都會將佢地籠既距離拍埋小小。希望佢地習慣下對方。
咁呢兩日，佢兩個已經唔會再隔籠打交。兩隻放出黎又無再衝去對方個籠到，咁我咪試下放佢兩個係廳到囉，
我聽d資深兔友話要有大地方比佢地追逐。我就執清哂個地下先放。

開頭既時候，佢兩個一出黎就互嗅，搵個鼻頂下對方咁。
點知話口未完牧淇就出手，我就大聲叫佢個名，咁牧淇好乖咁退後，但唔夠幾秒就開始追，
點知我sofa隔離有個岩岩夠放張膠椅既位置，佢兩個就係果到不停咁打。我即時推開佢兩個，將牧淇放番入籠...

唉......
我居然唔記得封好呢d位...比佢兩個打起上黎...
我覺得自己好失職...太心急...唉...
見佢兩個打到d毛毛都甩埋...我覺得好對唔住佢地...
唉......

咁依家點呀 有無事
請問你俾佢地熟識大家陣味幾耐先放佢地出黎一齊玩
夾兔係要慢慢夾架
唔可以心急...
我隻喵喵同飯飯都要慢慢去夾先好似依家咁FRIEND...
要耐心等呀...

我夾左一個月到，7月25號開始到今日第一次放出黎。
兩個都無事，因為我好快將佢地分開左，係打既時候飄左一攝仔毛出黎

唉...以後都唔敢亂咁放佢兩隻出黎...

原帖由 yo0217 於 2010-9-2 08:10 PM 發表
我夾左一個月到，7月25號開始到今日第一次放出黎。
兩個都無事，因為我好快將佢地分開左，係打既時候飄左一攝仔毛出黎

唉...以後都唔敢亂咁放佢兩隻出黎...

咁你又唔好灰心... 試下俾佢地聞下大家既味先啦 ^^"
依個星期都唔好兩個一齊放出黎喇... 遲D先 俾A時間大家

原帖由 喵喵 於 2010-9-2 08:11 PM 發表


咁你又唔好灰心... 試下俾佢地聞下大家既味先啦 ^^"
依個星期都唔好兩個一齊放出黎喇... 遲D先 俾A時間大家

唔唔^^
我會努力，希望佢地遲d會做到好朋友

上次我狗狗黎到，
都係追黎追去， 但咩事都無啊。   
希望你兩個愛寵無事 快d好番

你2隻兔仔絕左育未?
絕左才有機會夾到

你暫時唔好一齊再放佢2個出來, 繼續係2個籠做隔離鄰舍, 等大家習慣對方
共同愉快的經歷 (食糧/菜) 共渡患難的經歷 都可以令2隻兔更易夾
但不愉快的經歷 (打架) 多一次就愈難來夾

雖然唔可以肯定佢地會夾得黎~
但係唔好灰心,慢慢努力!!:074:

以後喂菜就同一隻碟食，咁會增進感情。出黎玩追糧遊戲又一齊跑
唔好俾佢地出左黎之後得閒到聊交打應該會好D

我再努力左兩個月，而家我分別放佢地出黎，佢地都會圍住對方個籠跳，會鼻碰鼻聞下對方。咁我尋晚再放佢兩個出黎啦:060:

今次無打交喇！！！！:021:  :078:

但好奇怪...:024:
牧淇變得好驚蕃茄...佢地都有追
但牧淇驚到眼仔都突埋咁避開蕃茄。扒埋係枱底到唔敢陏...
唔知關唔關蕃茄係咁追住牧淇Un佢...又係咁搵下巴擦均牧淇全身...

因為我想佢地生1次先同佢地絕育...但係蕃茄得5個月大...咁快可以交配:013:

我岩岩再嘗試放佢兩個出黎，點知牧淇跳鬼左入蕃茄個籠到....:027:
根住就兵兵呯呯咁:011: (因為動作太快睇唔清楚，但應該無打交)
好快兩隻都跳番出黎
之後我好似聽到牧淇叫，但太細聲聽唔清楚...:016:
根住牧淇就衝埋去蕃茄到又衝開，連續做左4、5次，都好似有叫
我驚佢地打起上黎，就抱番牧淇入籠...:026:

其實咁既情況，我可唔可以再試下放佢兩個出黎一齊玩？:008:

麻煩有經驗既兔友教下我...或者分享下你既經驗比我...:020:

:015: 我真係好想佢兩個可以做到朋友...

如果佢哋已經有打交嘅關係, 我諗喺絕育前都難做朋友, 同埋你想生咗先, 你係諗住自己養晒??? 如果諗住自己養晒, 你要考慮兔兔一胎可以生四至十隻, 而兔兔嘅生命可以長逹8 - 12 歲, 你真係可以付出咁多隻嘅金錢同時間先好俾佢哋生, 如果唔係只係會害咗兔兔。如果諗住生完送啲俾人嘅話, 咁不如唔好俾佢哋生喇~ 兔兔生過BB健康都會差啲, 你係愛錫你依家嘅兔兔嘛? 係咪? 如果你係愛鍚佢哋, 你又點會想佢健康差啲呢? 我明白有啲人可能想見証自己養嘅兔兔有結晶品, 但真係要三思, 錢有就固然唔係問題, 但時間呢? 一日24小時, 你又可以俾幾多時間兔兔?? 喺佢哋出世之後未絕育之前, 你要分籠養, 咁每個籠都要清潔嘅時候, 一日淨係洗籠都要付出好多時間, 未計梳毛, 剪甲... 仲有.. 若有一隻兔兔生病, 有機會感染其他兔兔, 到時要帶佢哋睇醫生, 逐隻餵藥, 呢啲都係時間嚟~!! 我唔知你有冇工作, 如果有工作在身更加要諗清楚, 事關關乎生命, 唔好因為你想而做, 而係你要計劃一下, 你嚟緊未來最少8至10年嘅日子, 能夠分配幾多時間俾兔兔呢?? 你一手一腳打算接佢哋呢個世界嘅話, 你就更加有責任要好好照顧佢哋, 明白嗎?

仲有.. 其實你自己都講, 牧淇已經驚咗蕃茄, 我諗你短期內都唔好俾佢哋見面, 等牧淇舒緩一下, 我可以話你知一個我曾經嘅經驗... 我自己有隻仔仔, 之後諗住領養一隻返嚟陪佢, 但新嚟嗰隻好惡, 成日追住佢, 想UN佢.. 當然我唔會俾佢咁做啦~ 但我個仔已經嚇親, 幾日後我再試.. 結果都係一樣, 雖然佢哋冇打過交, 但就算分開放, 佢哋都會分別走去對方嘅籠示威, 不過, 其實我個仔係驚嘅, 結果佢嚇到開始食少咗嘢, 只要佢知道另外嗰隻兔嘅存在(我已經分隔好遠), 佢都係咁, 最後.. 由領養嗰間機構決定帶走新嘅兔兔, 因為佢哋話會再夾到嘅機會好低, 而且會影響到兔兔嘅健康, 最終只好聽領養間機構咁做。

我講你知, 係想你知道... 牧淇呢刻可能就好似我個仔咁, 佢驚但又想保護自己, 所以會盡量逞強, 但咁佢會好辛苦好攰, 再係咁落去.. 我怕佢會好似我個仔咁.. 嚟得切補救就係暫時都唔好俾佢哋見面, 最好係一隻放廳, 一隻放房, 放出嚟都唔好俾佢哋去倒對方嘅籠, 等大家都放鬆返先再試, 兔兔係好記仇, 佢哋再記落去.. 咁就真係永遠都夾唔倒咖喇~!!!!!

如果你隻兔生左BB, 你又唔打算養哂佢地既, 不如唔生好過啦. 一嚟生過BB既兔兔對身體唔好, 二嚟多左BB兔送比人, 愛協/兔協既兔仔又會少左機會比人領養, 而且有好多人棄養既原因離不開, "家中兔子生太多, 金錢/時間上無法照顧..."
好似我領養既兔仔就係呢個原因, 被遺棄, 除左我隻兔仔, 仲有佢其他兄弟姐妹都被遺棄了..
你最好唸清楚自己是否有足夠經濟能力及時間先比佢地生囉.

我有做野，不過我係在家工作，所以先諗住再養姐...
經濟能力就唔洗擔心...
其實因為我既家人係我養左兔兔之後全部都變得好鍾意
我自己又想養多3隻。所以我先諗住生一胎姐
從來無諗過棄養...
我蕃茄都係我朋友係街邊執番黎...
我第1次見佢瘦孟孟，傻左搶草食
我真係超心痛...
不過我唔知生一胎會令佢地既身體變差
真係唔該哂~
其實希望佢地夾到最主要既原因係我預留左一間房比佢地兩個
整左好多隧道仔、箱比佢地玩。想佢地可以一齊分享...

同埋見佢地兩個每次出黎玩一陣呢，就會去對方個籠到係咁聞
跟住就訓係對方個籠邊到...好似好想同對方玩咁...
我呢幾個月都不停去d機構呀、鋪頭到問人，
佢地都話就算絕完育個機會都好微...
我屋企仲有養狗，牧淇好多時情願唔玩玩具唔食零食
都要走去隔離房同d狗仔玩
有時我放佢地係個廳到，佢地都好開心咁1齊玩...
因為佢地好鍾意匿係電腦枱底，有時仲會一齊諗計夾擊書房

有一次半夜我地拎左隻比人虐待既狗仔番黎
平時我地夜番牧淇會繼續訓教唔理
但果日就發牌氣，咁我以為佢唔鍾意我帶隻狗仔番黎啦
因為佢地無病既就會係自己房，如果有病既就會係我地既睡房隔離
咁隻狗仔周身傷，我就即時放佢入睡房先
根住就放牧淇出黎諗住沊番佢
點知佢一出黎就咬住d草隔住個圍欄比隻狗仔...

牧淇同狗仔相處係完全無問題...
唔知點解反而同蕃茄相處唔到...

[ 本帖最後由 yo0217 於 2010-11-7 05:08 PM 編輯 ]

我大膽假設一下,牧淇可能自小便同妳家狗狗一齊生活,己經當自己是狗的一份子,反而對免免有敵意。
吾知蕃茄又會吾會同狗狗玩呢?:056: :056:

原帖由 sammy 於 8/11/2010 12:34 AM 發表
我大膽假設一下,牧淇可能自小便同妳家狗狗一齊生活,己經當自己是狗的一份子,反而對免免有敵意。
吾知蕃茄又會吾會同狗狗玩呢?:056: :056:

很好的假設,
深有同感

點都好啦!!~
再俾d時間佢地,樓主努力啦