食極都唔飽

我家隻獅子兔，四個幾月大，約1kg多少少...
我地平均每日都俾大概同佢體形差唔多大小份量既草

比例為
T草八成(食葉多，枝就睇心情)，A草兩成(通殺)，再加一日小於一湯匙兔糧(見到即清)，間唔時都有菜菜食架(魔術手，放低即無)。

其實見佢食極都唔夠，本身想俾多D佢。
不過，又見佢D尿乾左情有少少白色屎跡。怕牠過多營養，對個腎唔好....

愛子心切。一方面擔心見到佢餓親，再用好可憐既眼神望住我。另一方面，又想牠身體健唔敢給太多。

相信各位兔兔家長都有遇過我這種情況....:061:

[ 本帖最後由 alanfatfish 於 2010-10-11 06:52 PM 編輯 ]

4個月大唔食得菜架wor~!起碼6個月先食得~!

兔一住食一住痾~!

兔兔食多d草都係正常

其實你應該a草比80%,t草20%先岩,如果全比a草而又無軟便既,就全a草啦,bb仔係要多點營養架.(我兔兔由7星期大至6個月大時就係全比a草,大得勁快!!)
兔兔太細,菜唔好比住咯,除非見兔兔唔精神同唔肯食嘢時才給一點,給兔兔一些新鮮感,菜菜係兔兔唔肯食嘢時最後既手段.....

兔兔需要無限量嘅草, 冇話限定俾身型嘅大小咖~ 總之佢肯食草就多多都俾啦~!!!!

BB兔需要多啲營養, 所以, 無限量嘅A草係必需嘅, 除非兔兔食咗A草之後出現軟便, 咁就要減少A草加T草, 份量直到兔兔冇再出現軟便就OK。

BB兔嘅腸胃比較敏感, 所以, 菜菜唔需要俾住, 等到六個月大倒啦~ 就可以開始餵菜菜, 但初時都唔可以俾太多, 少少咁慢慢每次加份量。

上來分享真好，咁多兔媽兔爸指教，先謝謝大家分享...^_^

有關草既份糧，事源係初頭也主要是給牠任食A草作主糧，添少量T草作輔助的。不過，很快就出現軟便。

三個月大時，一次身體檢查，就請教埋大圍Dr. Nicole，她建議淨係T草都足夠了，我都有反問真係可以淨係T草，她又好肯定咁答喎。咁我當然都唔敢完全唔俾A草佢啦，咁就減少到一半A，一半T。軟便問題解決左了，但尿跡都間唔時有白色層，唔算太厚。

四個月大時，因有少許皮膚病又再次去找Dr. Nicole。今次就順道問埋有關白色尿跡，護士姐姐話可能俾得太多營養，建議可以再減A草。

有關菜，都係護士姐姐建議可以開始給牠少少，慢慢試下牠是否適應。不過，暫時都係餵過牠兩次，份糧都是少量。牠超喜歡食，每次觀察了牠一兩日便便都很靚，仲多左尿添，尿尿亦無平時咁濃。

見牠食得開心，當然想見到牠食得飽飽好滿足的樣子，只是著緊牠的健康，不知如何是好。

PS:其實點分佢會唔會有鈣尿呢?