兔仔咬人..系咪都咬..??

早幾日買左2隻兔仔..
系迷你兔..得3個月大..
一隻黑黑一隻叫白白..
白白會冇拉拉就咬您.
本身我諗住佢同我玩下..或者肚餓拉..
旦系佢勁大力咬洛黎..
諗住比草佢佢寧願咬我隻手都吾食草..
我吾知點算..
我又吾想大聲鬧佢.我驚嚇親佢.
以後直情吾痴我:050:

首先，你係買兔回家的話，一定要帶牠們到獸醫做一做body check，因為很多時候買回來的很多都是病兔

第二，兔兔是天生愛咬東西及很怕生的動物，所以大家都不建議一開始伸手入籠中加草或是摸牠們的

第三，如果是一男一女的兔，一定要其中一隻做desex或分籠養，分開時間玩，因為兔兔可以於四個月大左右有生殖能力

第四，若果自己的養兔知識不足夠，可以多扒文，多看書，到兔協上堂等去吸取養兔的基本知識

好以樓上果位咁講,去BODY CHECK先,若果係一男一女,就要小心佢地生下一代.一胎可以有4~10隻:015:

同埋真係要多d扒文,可以睇到好多相關資訊~

我記得初初養兔兔果陣,佢地真係連指甲,頭髮都會想食架,褲,衫果d佢地都會咬,你要話比佢地聽唔得,佢地明白左之後,知道唔食得,同埋呢個行為係唔可以既,就唔會再咬

同埋兔兔驚果陣,唔鐘意某d行為,都會咬你架

re上面2位..:
我就系想佢地生bb阿...我諗清楚了,亦有經濟能力的,
我講左好多次..旦系佢地都吾明..系咁咬我..
勁痛..我已經避開左..旦系仲追住我隻手隻腳黎咬..
又跳上張床到痾屎痾尿..
而且佢地仲好驚..吾敢合埋眼訓教...

你咁快俾佢地離開個籠
佢地識去廁所未??:056:

正如大家所講,兔兔怕生又細膽,
剛剛回家,所有人同環境都好陌生,
只有個籠安全d, 有陌生的手伸入黎就有可能為左保衛而咬羅.
所以,對剛剛回家的兔兔,提供足夠的安全感好緊要.

一個寧靜的不太光的環境,
盡量少打擾佢都有助令佢地安定.
同佢地清潔時可以俾佢地出黎先,
唔好在佢地面前搞佢地d野,咁樣都會減少佢地的防衛意識.
另外,先讓佢地熟悉一個較細的地方,再慢慢擴大佢地的活動範圍,
這樣會好過一下就俾佢地通屋走,
到處都係陌生的地方佢地只會搵暗既地方收埋自已,
冇地方藏埋就會好驚,如果仲見到隻陌生的手遞埋黎就可能咬啦.

所以,慢慢俾d耐心佢地熟悉你同屋內環境,
細聲同佢地講下野,係籠外面陪下佢,
等佢地熟悉你的聲音味道, 等佢出黎玩時主動走埋你處,
咁樣佢地就唔會因為自保而咬人了.

兔兔e家3個月大,其實同兔BB差唔多,
如果你想由BB開始養, 養佢地也差不多吧.
希望你再考慮下是否要兔兔繁殖,
兔兔一胎好多隻,隻隻都好快大,照顧,desex,洗費都需要好多,
而且,每隻兔兔又需要佢自已的活動空間,唔係隻隻兔都可以一齊養架.
好似e家兔兔咬人就要放好多心機落去糾正,
所有e d 唔係有經濟能力就可以解決的,
要俾到足夠的愛心照顧互動俾每一隻兔,
e 個承諾對養一兩隻兔黎講都唔係易事又何況十幾隻,
所以要兔兔繁殖請三思喔.

其實養兔仔有時仲貴過狗呀....佢地一睇醫生就成千蚊以上....仲desex 都要$1500.......如果生左一次就要同每一隻做desex....你養左兩隻再睇下點啦........如果之後想養多0的.....可以再買.....真係唔suggest 俾佢地生....兩隻會生大約4隻BB......

請三思....

原帖由 emily_520825 於 2010-10-15 12:16 PM 發表
其實養兔仔有時仲貴過狗呀....佢地一睇醫生就成千蚊以上....仲desex 都要$1500.......如果生左一次就要同每一隻做desex....你養左兩隻再睇下點啦........如果之後想養多0的.....可以再買.....真係唔suggest 俾佢地生 ...

我之前睇過一個post好似話一次過生左唔知6隻定7隻，全屋都係兔。同埋樓主，我唔知你清唔清楚睇醫生唔係兩隻x2，而家隨時x3、x4、x5既錢:056:

養兔真係一d都唔平,每次唔舒服,都要800+,咁樣只係基本消費,未計覆診-.-好多病唔係睇一次就斷尾.....

狗睇醫生就平民化d,我養左隻雪橇,出年十歲,約4x磅,大隻咁多,價錢都係差唔多...

講每個月既生活開支,我之前養了二隻兔兔,去了彩虹橋了(家兔,同胎姐妹,約七歲)兔兔除了醫療費外,我覺得最大既開支係草草,呢個開支花得越多係越好多,每個兔爸,兔媽都好甘心比,因為只要兔兔肯食草,就證明兔兔健康,一唔肯食就大獲架喇:016: 所以兔兔養得越多,這個開支也會越多,二隻兔兔食草既錢,貴過我家狗狗買狗糧既錢錢,我隻狗狗食卡比架,唔係食雜牌狗糧

經驗話比我聽,養兔真係要花比較多既時間,要好留意佢地既大小二便,留意佢地既生活,同埋要多多爬文,兔仔既病,可以係好短既時間奪去兔兔既生命...唔肯食草,就要2~3小時餵一次草粉,唔可以比兔兔吉肚

若果一個籠住超過一隻兔兔,還要花多點心思.因為見到d屎屎唔夠大粒,就要搵返係邊隻痾既,懷疑脹停仲麻煩....望埋去個兔廁又有屎,分唔到病果隻有無痾過屎屎....

佢地每病一次,簡直係心力交碎,見到佢地病,我真係想病果個係我,見到佢到痛,情願自己痛:050: