禦寒措施

快要凍了.
大家有咩禦寒措施??
我兔兔喜歡咬毛巾..
間中又會吃落肚,咁樣可以嗎??
除了用毛巾,仲有咩可以防寒?
或有咩毛巾冇咁易俾佢咬??
麻煩大家啦

我會買那些"抓毛"的大毛巾被用來覆蓋著個籠
(當然留個位比兔兔呼吸啦)
籠內會鋪多d草比牠們
但聽聞今年會比往年凍....都有d擔心...

其實我想問氣溫降至幾多度... 我地就要開始同阿兔做禦寒措施？我今年4月先開始養charcoal... 所以黎緊係第一年我同佢一齊過既冬天... 我冇經驗... 怕凍親佢... 因為我住果度冬天既時候係好凍的...

我會買vetbed俾charcoal... 同埋有需要時會開暖爐... 仲有買過個新草洞穴俾佢喱埋(因為現有的洞穴佢已經咬穿左個底+側邊，我怕會入風)...

唔知咁樣夠唔夠呢?

原帖由 月愛貓貓兔 於 2010-10-23 01:48 PM 發表
快要凍了.
大家有咩禦寒措施??
我兔兔喜歡咬毛巾..
間中又會吃落肚,咁樣可以嗎??
除了用毛巾,仲有咩可以防寒?
或有咩毛巾冇咁易俾佢咬??
麻煩大家啦

如果兔仔會食，唔好比毛巾喇…
試下舖多點草喺籠底/vet bed [如果佢冇因為咁唔識去廁所/咬vet bed]

而家開始比多d野食佢，等佢好過冬。還有剪毛唔好剪太短。

原帖由 theonemom 於 2010-10-23 10:08 PM 發表
其實我想問氣溫降至幾多度... 我地就要開始同阿兔做禦寒措施？我今年4月先開始養charcoal... 所以黎緊係第一年我同佢一齊過既冬天... 我冇經驗... 怕凍親佢... 因為我住果度冬天既時候係好凍的...

我會買vetbed俾 ...

我覺得呀b鍾意十幾廿度的天氣，會跳舞同活潑 (我估隻隻都唔同，有d好怕凍的) ^^

我會留意兔地有冇縮埋一舊，耳仔冰冷… 上年我都係用舊衫藎住個籠放喺廳，今年可能會推佢去兔爸間房度一齊訓，多人d暖d ma #^60^#

我聽過有人會用暖燈比佢(不會發光，只會發熱)，但係我未見過香港有得賣呢… 開暖爐都唔錯bo，有時間制出左街唔怕過熱#^5_002^#

我都係第一年同兔兔過冬, 兔兔凍時, 鐘唔鐘意捐入洞呢?  我諗有布洞穴/草洞穴會保暖D, 但又怕買了之後, 原來佢唔鐘意捐入去保暖..............有無人可以講我知, 佢地多數LIKE 唔LIKE ?

原帖由 傘仔 於 2010-10-23 11:17 PM 發表
我都係第一年同兔兔過冬, 兔兔凍時, 鐘唔鐘意捐入洞呢?  我諗有布洞穴/草洞穴會保暖D, 但又怕買了之後, 原來佢唔鐘意捐入去保暖..............有無人可以講我知, 佢地多數LIKE 唔LIKE ?

雖然我冇買草洞穴但我比草隧道佢(類似但2邊穿頭的)，佢唔鍾意個隧道阻住佢休息，成日推黎佢去廁所/近門口果邊… 可能係我兔兔性格係咁...佢唔鍾意有野放喺佢訓覺的位置(例如:草蓆/牧草/隧道) :026:

若果凍果陣,我會有厚布圍住個籠3邊,若果真係好凍好凍,訓果陣,仲會圍4邊,會留返10cm左右抖氣,兔兔覺得凍既話,會縮埋一舊,同埋靠摸佢地對耳仔(耳背,無乜毛果個位),熱果陣,對耳會發滾,同埋會好大力抖氣,凍果陣,對耳會跟住凍,個溫度係好明顯的,可以試下得閒就摸下佢對耳仔,慢慢就會知道咩溫度係兔兔鐘意,覺得凍或熱

有d兔兔比較怕凍,有d會怕熱,有d仲可能好似人咁有冷氣病:036:

原帖由 raywong521 於 24/10/2010 01:06 AM 發表
若果凍果陣,我會有厚布圍住個籠3邊,若果真係好凍好凍,訓果陣,仲會圍4邊,會留返10cm左右抖氣,兔兔覺得凍既話,會縮埋一舊,同埋靠摸佢地對耳仔(耳背,無乜毛果個位),熱果陣,對耳會發滾,同埋會好大力抖氣,凍果陣,對耳會跟 ...

原本係咁,要摸佢地對耳仔看看^^
今年都係我同芊芊第一年過冬.
其實經已買左草蓆同貓形草屋啦#^14^#

但聽講今年特別凍
有 口的擔心!!~

原帖由 twpig 於 23/10/2010 04:12 PM 發表
我會買那些"抓毛"的大毛巾被用來覆蓋著個籠
(當然留個位比兔兔呼吸啦)
籠內會鋪多d草比牠們
但聽聞今年會比往年凍....都有d擔心...

請問 "抓毛"的大毛巾
什麼是抓毛 ??

原帖由 傘仔 於 2010-10-23 11:17 PM 發表
我都係第一年同兔兔過冬, 兔兔凍時, 鐘唔鐘意捐入洞呢?  我諗有布洞穴/草洞穴會保暖D, 但又怕買了之後, 原來佢唔鐘意捐入去保暖..............有無人可以講我知, 佢地多數LIKE 唔LIKE ?

我既charcoal好鍾意自己個草洞穴架... 有時佢會入去休息... 有時佢喱入去之後又裝出黎偷望我地... 好搞笑... 由於佢自己在側邊都咬左一個大窿出黎~ 所以有2個出入口... 有時我想抱佢... 佢就o係果2個窿捐來捐去... 好似同我地玩捉迷藏咁... 唔比我地捉到... "catch me if you can!"... haha...

仲有... charcoal完全冇o係洞穴裡面poo/pee... 咁我諗佢都當果度係佢私人既休息地方...所以唔會整污糟...
我諗佢enjoy的~

我的大細妹過冬方法:

1. 為兔籠保暖: 買大浴巾 (要無毛頭的, 無咁易比兔兔咬爛) 包住整個籠, 要前後左右都包, 只留出入口, 兔籠唔通風就可以保暖
2. 若屋企係磚地板, 可以用露營地蓆包大浴巾鋪地下, 咁兔仔出籠玩時就無咁凍
3. 浴巾邊摺返入蓆底, 用衣夾夾實

我會俾vet bed(因為Gibson仔仔唔咬嘢架)
會買個草洞俾佢, 仲會搵塊大布包住個籠