眼睛出現問題!

我尋晚同charcoal檢查眼仔+鼻仔既時候發現佢隻左眼有d問題...

眼珠(瞳孔位置)有小部份白色既野... 唔係發焱... 唔係分泌物... 唔係朧... 我同兔daddy都認為不明物體係o係眼裡面... 好似花左D咁... 好擔心... 但係charcoal對眼冇红腫... 冇眼水... 眼部周圍冇甩毛... 食得訓得... poo poo正常...

有冇朋友既兔兔發生過類似情況? 其實就咁睇真係好難會留意到... 最初daddy都以為係外間影像既反射... 要哄到好埋好留心先觀察得到...

anyway,我今朝打左去九龍動物醫院同阿仔make appointment... 明天放工帶佢睇dr betty...
希望只係小事啦... 佢既視網膜/角膜有事就慘了...

希望charcoal平安冇事啦!
睇完dr. betty要報告返比大家聽呀!#^60^#

多謝比露的關心... 你發放俾charcoal的正能量絕對係好重要架~
放心啦... 睇完醫生後我一定會報告比大家知charcoal仔發生咩事...

等我都發放正能量俾charcoal 啦
快 口的 好番呀#^11^#

祝兔兔身體健康!

thank you so much!

希望兔兔健健康康~~~~~

尋晚帶左阿仔去睇醫生喇... dr.betty用顯影劑滴落佢隻左眼... 結論係charcoal之前應該督親隻眼仔... 但係自然好番... 宜家已經正值痊癒階段... 原來白色果d部份係疤痕黎...

我地呢2個月要幫charcoal滴眼藥水... 希望果d疤痕會退+之後完全消失啦... 好彩不會影響視力...

尋晚抱住charcoal同佢滴眼藥水... 佢好乖冇周圍郁~

幾時整親架會唔知道
係咪CHARCOAL曳曳玩時整到架

好彩唔會影響視力咋#^37^#
我果隻同佢清眼屎果時佢都好乖唔會郁架XD


CHARCOAL仔要快D好返呀#^10^#

話時話，我冇見過charcoal隻左眼有紅過... 所以我都唔知佢幾時比野桔親... 宜家發現既時候已經係康復中既小疤痕...

姑娘話好大機會係食草既時候比d草督親... 如果係咁樣... 我覺得好難避免... 一日有草o係個籠度... 就會有機會出現咁既情況... 我之後會多加留意... 但係唔會過份去神經質咁無時無刻留時住囉... 試想想野外d兔兔都會有機會遇到咁既情況... 佢地都冇醫生睇+有藥食... 好似charcoal今次都係自然好番... 好似人一樣... 阿兔只要身體健康... 小小事整親可以自然康復...

不過... 第二d病例如腸停、發炎、中暑、冷親之類我地就梗係要o係阿兔既日常生活/飲食習慣之中盡力去預防啦~ 兔兔患呢d病我地就要負番多d責任...


from charcoal:: 比露我宜家已經冇事喇... 每次daddy滴眼藥水既時候我都好乖冇郁來郁去... 不過媽咪好水皮會雞手鴨腳... 所以今次daddy叻d... 滴眼藥水既duty就落o係daddy度喇...

能夠自然好返就好喇~兔媽唔使擔心:002: